Illuliortarnernut aningaasalersuineq pillugu inatsit malillugu iluarsartuussinissamut taarsigassarsineq

Inissiap iluarsartuunnissaa, pitsanngorsarnissaa imaluunniit allilerneqarnissaa akisusinnaavoq.

Illuliortarnernut aningaasalersuineq pillugu Inatsisartut inatsisaat 1. januaari 2018-imi atulersinneqarpoq taannalu naapertorlugu inissiavit iluarsartuunnissaanut, pitsanngorsarnissaanut imaluunniit allilerneqarnissaanut taarsigassarsinissamut kommunimut qinnuteqarsinnaavutit.

Inissiat pioreersut iluarsartuunneqarnissaannut, pitsanngorsarneqarnissaannut aamma allilerneqarnissaannut kommune aningaasartuutit katillugit 40 %-iisa tungaanut taarsigassarsititsisinnaavoq, taamaattoq amerlanerpaanik 300.000 koruuninik. Illit nammineerlutit sinneri ikinnerpaamik 60 %-ii aningaasalersussavatit.
Taamaallaat inissiamut pineqartumut iluarsartuussinissamut, pitsanngorsaanissamut imaluunniit alliliinissamut ataatsimut taarsigassarsititsisoqarsinnaavoq.

Inissiap angissusaa alliliinerup kingorna 110 m2-imik anginerulerpat alliliinissamut taarsigassarsititsisoqarsinnaanngilaq.
Erniaqanngitsumik aamma akitsuuteqanngitsumik taarsigassarsititsineq matumani pineqarpoq, taannalu naapertorlugu inissiaq tamaat qularnaveeqquteqartinneqassaaq. Taarsigassarsititsinermi taarsigassarsiaasinnaasut allat inissiami isumannaallisarneqarnissaa eqqarsaatigalugu pingaartinneqarput.

Taarsigassarsinissaq anguniaraanni piumasaqaataavoq:

- Inissiaq inissiamik piginnittumit, taassuma katissimasaanit imaluunniit meeraanit ukiukinnerusunit inigineqassasoq.
- Qinnuteqarnerup nalaani inissiaq ukiut 20-t sinnerlugit pisoqaassuseqassaaq.
- Inissiaq ikuallattoornermut aamma illup ajoqusernissaanut sillimmaserneqarsimassaaq, aamma akiitsunik peqartoqassanngilaq.
- Iluarsartuussineq imaluunniit pitsanngorsaaneq inuulluataartitsinissamik kinguneqartitsissanngitsoq, assersuutigalugu kissalaartumik kinisimaartarfittaarluni

Qinnuteqaat allaganngorlugu sumiiffinni kommunimut nassiutissaaq, soorlu e-mailikkut imaluunniit faxikkut.

Qinnuteqaat makkuninnga imaqartinneqassaaq:
1) Iluarsartuussinissamut, pitsanngorsaanissamut imaluunniit alliliinissamut kissaatitut nassuiaat
2) Inissiaq pillugu nassuiaat, matumani pisoqaassusia, angissusaa aamma qanoq innera
3) Suliarinerani katillugit aningaasartuutaasa missingersuusiorneri
4) Kommunimit nunaminertamik agguaassineq imaluunniit nunaminertamik inniminniineq, tassa suliaqartussaq nunaminertamik agguaassisoqarnissaanut piumasaqaateqarpat
5) Nammineq aningaasaliinissamut uppernarsaatit takutinneqarsinnaanerat
6) Qinnuteqartup inuuiata normua aamma najugaqarnermut uppernarsaataa
7) Inissiap pigineranut uppernarsaat
8) Qinnutartup pisortanut akilerneqarsimanngitsunik akiitsoqannginneranik Akiliisitsiniartarfimmit uppernarsaat.

Malugiuk
Inissiap aningaasalersornissaanut taarsigassarsiniarlutit pisortanut qinnuteqaativit ataatsimut aningaasartuutaasa 0,5 %-ii akitsuutaasut illit akilissavatit. Akitsuut atorlugu qinnuteqaativit sullinneqarnerata aningaasartuutai matussusissavai.

Taarsigassarsiat ingerlaannartumik akilersorneqarneri:
Piginnittut nikippata, illit piginnittutut taarsigassarsiat ataatsikkut tamaasa akilertussaatitaavatit. Tamannali atuutinngilaq:
1. Inissiaq katissimasannut tunisimagukku (katissimasut akornanni piginnittut nikinnerini)
2. Averusernermut atatillugu piginnittut nikinnerini
3. Avinnermi
4. Kommunalbestyrelse allatut aalajangerpat.

Taarsigassarsiat ingerlaannartumik akilernissaannut tunngavilersuutit allat:
1. Taarsigassarsisup inissiap illersorsinnaasumik pinngikkuniuk, aamma kommunalbestyrelsip qularnaveeqqusiinera taamaalilluni ajorseriarluni.
2. Taarsigassarsisup inissiaq ikuallattoornissamut aamma illup ajoqusernissaanut sillimmasersimanngippagu.
3. Inissianik attartortitsisarneq pillugu Inatsisartut peqqussutaanni attartortitsinissamut malittarisassatut aalajangersakkat unioqqutillugit, assersuutigalugu attartortitsinermi nalinginnaasumik akisunerusumik attartortitsinikkut imaluunniit inissiaq inatsisilerituumut attartortikkuniuk.
4. Inissiami inuussutissarsiutinut atugassanik aaqqissuussisoqarpat imaluunniit inissiamit inuussutissarsiutinik ingerlatsisoqalerpat. Inuussutissarsiutilli mikisut namminersorfiusut immikkut pineqassapput.
5. Inissiaq taarsigassarsiaqartumut inissiatut atorneqarunnaarpat.

Taarsigassarsinissamut kissaateqaruit sumiiffigisanni kommunimut saaffiginnissaatit.