Danmarkimi Allakkat Digitaliusut

Danmarkimi najugaqartutut nalunaarsorsimanngikkuit Danmarkimi Pisortani Digitalimik Allakkerinermut inatsimmi allassimasunut attuumassuteqanngilatit. Kalaallit Nunaanni najugaqaruit Danmarkimi pisortaqarfinnit Allakkanik Digitaliusunik nassinneqarnissannut piumasaqaateqartoqanngilaq.

Danmarkimit Kalaallit Nunaannut nooqqammersimaguit, taava Danmarkimi inatsisit malillugit Danmarkimi Pisortani Digitalimik Allakkerinermut suli attuumassuteqarputit.

Danmarkimi Allakkanut Digitaliusunut nalunaarsorsimanngisaannaruit, Danmarkimilu najugaqanngikkaluarlutit Danmarkimi pisortaqarfinnit allakkianik digitaliusunik pissarsisarusullutit – taava pisartagaqalernissannut nalunaarsortissinnaavutit.

Pisortaqarfinnit Allakkanik Digitaliusunik pissarsisalerniaruit, naatsorsuutigineqarpoq inuup normoqarlutillu MitID-qarnissat.

Nammineerlutit Danmarkimi Pisortaqarfinnit Allakkanik Digitaliusunik pisalerusullutit nalunaaruteqaruit, taava allakkanik digitaliusunik pissarsisalissaatit.

Innuttaasutut Danmarkimi pisortanit allakkanik digitaliusunik pissarsisalernissaq nammineerlutit kajumissutsit aallaavigalugit sulissutigisinnaavat, taamaalioruillu pisortaqarfinnit allakkanik digitaliusunik nassiussisarnermut peqataalissaatit. Taamaattumik allagarsiassavit alaatsinaannissaat pingaaruteqarpoq.

Danmarkimi Digitaliseringsstyrelsip Danmarkimi Allakkanut Digitaliusunut sullinniarlutit paasissutissat ilinnut attuumassuteqartut suliarissavai. Tamanna pillugu uani paasisaqarnerusinnaavutit ’Oplysning om behandling af dine personoplysninger (illit pillugit paasissutissanik suliaqarneq)’ (digst.dk)

Danmarkimi Pisortartaqarfinni Digitalimik Allakkerinermi inatsisit Danmarkimi atuuttut aallaavigalugit ingerlanneqarpoq, taamaattumik paasissutissaatitit, nittartakkakkut qinnuteqaatit/nalunaarutit assigisaallu qallunaatuinnaq allassimassapput.

MitID atorlugu www.borger.dk aqqutigalugu Danmarkimi Pisortaqarfinnit Allakkanik Digitaliusunik pissarsisalernissaq isumagineqarsinnaavoq.

Piumagaanni aamma Danmarkimi Digitaliseringsstyrelsenimut allagaqartoqarsinnaavoq. Allakkami makku ilanngunneqarsimassapput:

• Tamakkiisumik ateq
• Inuttut normu
• E-mailadresse
• Allakkanik Digitaliusunik pisalerniarnerit atsiornikkut uppernarsassavat

Allakkat uunga nassiunneqassapput:

Digitaliseringsstyrelsen
Att: Digital Post
Landgreven 4
1301 København K
Danmark

Danmarkimit pisortaqarfinnit allakkanik digitaliusunik pisarunnaarniaruit, Danmarkimi kommuni najugaqarfigisimasat kingulleq saaffigissavat.
Kommunerisimasannut nalunaarutigissavat Danmarkimit nuussimagavit allakkanik digitaliusunik pisarunnaarniarlutit. Danmarkimit najugaqarunnaarneq tunngavigalugu allakkanik digitaliusunik nassinneqartarneq unitsinneqarsinnaavoq.

Tamanna pillugu sukumiinerusumik uani atuarsinnaavutit: www.borger.dk iserfigeriarlugu ’Fritagelse fra Digital Post’ iserfigalugu.

Uani maluginiassavat Allakkanik Digitaliusunik pisarunnaarnissannut nalunaaruteqarnerit pisortaqarfinnut tamanut attuumassuteqarnavianngimmat, allammi inatsisit allat tunngavigalugit suli allakkanik digitaliusunik nassissinnaassammatsit. Assersuutigalugu pisortaqarfinni sulisimaguit akissarsiat allagartaat imaluunniit ilinniarnermusialerisunit nalunaarutit.

Lov om Digital Post fra offentlige afsendere