MitID-mik atuinissamut ikiorneqarneq

MitID-mik pisaarnikuuguit ikiorneqarnissannillu pisariaqartitsillutit uani makku atuarsinnaavatit:

• MitID-mut tunngasumut sumi ikiorneqarsinnaanerlutit (assersuutigalugu mobiltelefonit, kodeviser-it imaluunniit chip-i annaasimagukku)
• MitID-itaarsimaguit qanoq iliussanerlutit
• Qanoq ilillutit allat ikiorsinnaaneritit

MitID-mi kinaassutsimut uppernarsaatit atorlugit isissaatit MitID-mut kinaassutsimut uppernarsaatit atorlugit isertoqarsinnaavoq. MitID tassaavoq pisortaqarfiit namminersortulluunniit imminut sullinnissamut aaqqiissutaannut illit inuttut kinaassutsinnut uppernarsaatissat isumannaatsoq.

MitID app-imut log-in-ernissamut ilitsersuusiortoqarnikuuvoq

”Oqarasuaat MitID app-imik ikkussivigisimasat atortillugu MitID imannak atussavat”

”MitID imannak atussavat - qarasaasiaq atortillugu MitID app-ili oqarasuaatinniilluni”

”Computeri atorniarukku, MitID app-erlu oqarasuaaterniilluni taava imannak MitID atussavat- engangskode atorlugu”

Atortuni assigiinngitsuni arlalinni MitID-qarnissat isumatsialaasinnaavoq, soorlu oqarasuaatinni angallattakkami tabletsimilu. Taamaasillutit MitID-mik sillimmateqartuassaatit, oqarasuaatillu MitID App-mik imalik katakkaluarukkuluunniit – imaluuniit oqarasuaammik angallattakkamik nutaamik pisaaraluaruiluunniit MitID atorlugu akuersisinnaassallutit.

”MitID-mik sillimmateqarneq pillugu uani paasisaqarnerugit”

”MitID app-i qanorilillutit assilisinnaanerlugu ugguuna atuaruk”

Ikiorneqarnissamik pisariaqartitsiguit kommunerisanni innuttaasunut sullissivik, nunaqarfinniluunniit allaffik saaffigisinnaavat. MitID support immikkoorluinnartumik pisoqartillugu saaffigisinnaavat.

Ilisarisimasat tatigisat aamma ikiortissarsiorfigisinnaavat.
Ilaqutaasinnaavoq imaluunniit ikinngutitsialak. MitID inuup namminiinnaq atorsinnaammagu eqqumaffigiuk.

Taamaattumik ukua inunnut allanut ingerlateqqusaanngilatit:
• Koderisatit
• MitID-mi kodeviser immaqaluunniit kodelæser
• Atuisutut ID

Oqarasuaatit angallakkagaq katassimagukku piaartumik MitID app-i, oqarasuaammut atasoq matutissavat. MitID.dk-mi imaluunniit MitID pillugu kiffartuussivik sianerfigalugu matutissavat.

Oqarasuaammi angallattakkami nutaami MiID-taarniaruit eqqaamassavat nutaamik normutaarsimanersutit imaluunniit nutaamik SIM-kortiitaarsimaguit normutoqqalli atuinnarsimagukku apeqqutaammat.

Oqarasuaativit normutoqaa pigiinnarsimagukku erngerlutit oqarasuaatitaarni MitID-taarsinnaavutit. Nutaamilli oqarasuaatitaarsimaguit aammalu nutaamik normutaarsimallutit, normut nutaaq uppernarsaqqaarlugu nutaamik oqarasuaatitaarni MitID-taarsinnaavutit.

 

MitID appi mobilinni peersimagukku imaluunniit mobilitaarsimaguit tabletitaarlutilluunniit, taava appi nutaaq atuutilersinniarlugu mobilinnut tabletinnulluunniit MitID appi aassavat. MitID appi nutaaq mobilinni tabletinniluunniit nutaamik atuutilersittariaqarpat.

MitID atorlugu ilinnut uppernarsaatitut atortakkat (kodinut takutitsissutit, kode-nut atuffassissutit imaluunniit chip-i) tassaavoq qularnaallisaatissat. Taamaammat ilinnut uppernarsaatitut atortakkat matuersaatertuulli paarilluartigissavat,

MitID-ik ilinnut uppernarsaatitut atortakkat annaasimagukku erngerlutit matutissavat.

Illit nammineerlutit matutissinnaavat imaluunniit MitID Support saaffigisinnaavatm taakkua sinnerlutik matussammassuk.


MitID appeqaruit taava MitID.dk-mut iserlutit kodinut takutitsissummik atuffassissummilluunniit nutaamik inniminniissaatit.


MitID appeqanngikkuit taava innuttaasunut sullissivimmut imaluunniit nunaqarfigisanni allaffimmut saaffiginnissaatit.

Pisuni immikkuullarissuni MitID pillugu kiffartuussiviup Danmarkimiittup attavigisariaqarsinnaavat. Pingaartumik oqarasuaatit angallattagaq qatassimagukku, atortunullu allanut MitID aasimanngikkukku tamanna pissaaq. Taamaattumik MitID-mut sillimmateqarnissat pisariaqarpoq, taamaattumik MitID-lu atortunut arlalinnut ikkutissavat, soorlu oqarasuaatinnut tabletsinnullu Sillimmasernissaq paasisaqarfigineruniarukku”MitID-mik sillimmateqarneq” atuaruk.

MitID pillugu kiffartuussiviup attaviginissaanut patsisaasinnaasut:

• Oqarasuaatit angallattagaq katassimagukku taavalu MitID app-i MitID.dk aqqutigalugu matutissinnaanngikkukku
• MitID-erisavit atornerlunneqarneranik pasitsakkuit taavalu MitID app-i MitID.dk aqqutigalugu matutissinnaanngikkukku
• MitID pillugu pinasuartumik ikiorneqartariaqaruit
  
  

MitID pillugu kiffartuussivik Danmarkimiittoq attavigiuk

Oqarasuaammut:
+45 33980010

E-mail:
https://support-mitid.digst.dk/

Ammasarfii
- Ataasinnornermit tallimanngornermut nal.05.00-17.00 (Kalaallit Nunaanni nalunaaqutaq malillugu)
- Arfininngorneq, sapaat nalliuttunilu nal.07.00-13.00 (Kalaallit Nunaanni nalunaaqutaq malillugu)

Taamaanngippat najugarisanni innuttaasunik sullissivik imaluunniit nunaqarfigisanni allaffik saaffigisinnaavat

Eqqumaffigiuk
MitID pillugu kiffartuussivik Danmarkimiittoq danskisut saaffissaavoq.

Allat MitID-mut tunngasumik ikiorsinnaavatit, kisiannili qanoq ilioqqusaanerlutit qanorlu ilioqqusaannginnerlutit eqqumaffigissavat.

Ima iliorsinnaatitaavutit

MitID-taarnissamut piareersarneq

MitID-mut tunngasumik paasissutissanik ujaarlersinnaavutit, imaluunniit ikiorniakkat piareersaassussinnaavat.

MitID-taarnissamut ilisissanut ilitsersuummut killikkussi

• Saaffigineqarnissamut paasissutissat ikkussuussinnaavatit, ass. Oqarasuaatip normua imaluunniit email
• Paasissutissat sms-imeersut emailimeersulluunniit tiguneqartut ikkussinnaavatit, assersuutigalugu oqarasuaatip normua uppernarsarniarlusiuk normumik nassitsikkussi
• Ikiorniakkat atuisumut normu nukittooq imaluunniit kode isissutissaq nukittooq suusinnaanersoq nassuiaassinnaavat- kisianni illit taakkua atorniagai suunersut paasissanngilatit

Ima ilioqqusaanngilatit

• Ikiukkavit kode-utai takoqqusaanngilatit suunersullu paaseqqusaanngilatit. Kode-t allanut tunniunneqartussaanngillat.
• MitID app-i, kode-nut takussutissaq, kode-nut atuaat imaluunniit chip-i allap pigisaa atoqqusaanagulu toqqorsimasuutigeqqusaanngilat. MitID-mik piginnittup, imaluunniittassunga attuumassutillip, kisimi atoqqusaallugulu toqqorsimasuutigeqqusaavaa

Alaruk

Taamaammat ikiorniakkavit makkua ikkussorpagit alassavat:

• Atuisussap MitID app-i akueriniarlugu PIN-kode toortarpagu
• Atuisussap MitID kode-mik takutitsissumik imaluunniit MitID kodeik atuaassumik isissutissamik kode-ssaa.

Allat sinnerlugit MitID-taartoqarsinnaanngilaq
Eqqumaffigissavat alla sinnerlugu MitID-taarsinnaannginnavit. Inuk alla -taakkartoriikkanik ikiorneqaraluarluni- MitID-taarsinnaanngitsoq Innuttaasunut Sullissivimmukassaaq, nammineerluni imminut sullissivinnik atuisarniaruni imaluunniit taakkununnga nammineq akuersisarniaruni.

 

MitID aamma NemLog-in pillugit inatsisip Kalaallit Nunaannut atuutilernissaanut peqqussut