Aallaqqaammut Apple App Store-kkut imaluunnuut Google Play-ikkut MitID app oqarasuaatinnut/tablet-innut ikkussivigiumasannut aarialugu ikkuguk. Katillugit MitID app-it ataatsikkut pingasut atuuttut atorsinnaavatit.
1. Oqarasuaatitoqqanni tabletitoqqanniluunniit MitID app ammaruk. Skærmip qulaaniittoq menu ammaruk.
2. Aktivér toqqaruk.
3. Appimut nutaamut MitID appit kopeeruk.
4. Paasissutissat atuakkit aamma Kom i gang toqqaruk.
5. PIN-kode toortaruk imaluunniit inuup ilisarnaataatigut kinaassuserseeriaaseq (inussat ipaat/Touch ID/Kiinnamik ilisarsissut) atoruk.
6. Isumannaallisaatitut MitID app kopeertinnagu akunneq ataaseq utaqqissaatit. Allassimasoq ‘Ja, jeg vil gerne kopiere’ nalunaaqutseruk toorlugulu ‘Start kopiering’.
7. Utaqqineq aallartippoq. Igalaasaq utaqqisitsisoq millisinniarukku ‘OK’ tuussavat. Utaqqitillutit MitID appi matusinnaavat. Utaqqineq naammassippat appimit nalunaarfigineqassaatit.
8. Akunneqrup ataatsip kingorna: MitID appi ammaruk. Skærmimi ‘Vis QR-kode og kopier MitID til ny app’-imiittoq Vis QR-kode tuussavat.
9. PIN-kode allaguk.
10. Illit QR-kodemik scannerinerit qularnaarniarlugu MitID-ip Bluetooth atussavaa. Skærmimi ‘Adgang til Bluetiirh er nødvendig’/Adgang til Bluetooth og lokation er nødvendig’-mi paasissutissat atuariarlugit Næste tooruk.
11. MitID appip Bluetoothimik atuinissaa oqarasuaatinullu Androidinut pisoqaanerusunut atuinissaa akueriuk; taamatuttaaq sumiiffiup takuneqarsinnaanngornissaanut akuersigit.
12. Maanna QR-kode takusinnaanngorpat, oqarasuaatit/tabletit nutaaq atorlugu scannissavat. QR-kode minutsini pingasuni atuutissaaq.
13. Oqarasuaatitaanni tabletitaanniluunniit MitID app ammaruk.
14. Skærmimi ‘Aktiver dit MitID’-mi Kom i gang tooruk.
15. Kopier fra anden MitID app toqqaruk. Næste tooruk.
16. Allaffissaq QR-koden er vist på den gamle app nalunaaqutseruk Scan QR-kode-lu toorlugu.
17. Skærmimi ‘Adgang til Bluetooth er nødvendig’/Adgang til Bluetooth og lokation er nødvendig’-mi Næste tooruk.
18. MitID appip Bluetoothimik atuinissaa oqarasuaatinullu Androidinut pisoqaanerusunut atuinissaa akueriuk; taamatuttaaq sumiiffiup takuneqarsinnaanngornissaanut akuersigit.
19. Oqarasuaatit/tabletit appitoqqami QR-kodep saavanut inissillugu QR-kode scanneruk. MitID appi oqarasuaativit assiliissutaa atorlugu QR-kodemik scanneritinniarlugu oqarasuaatip skærmia ilinnut sammitiguk.
20. Kinaassutsit uppernarsarniarlugu atuisutut ID allaguk. Tamatuma kingorna Næste tooruk.
21. Maanna SMS-ikkut PIN-kode tigusat toortaruk.
22. Skærmimi ‘Vælg din perosnlige PIN-kodemi Næste tooruk.
23. Inuttut PIN-kodet pilersiguk. Næste.tooruk. PIN-kodet uteqqiguk toorlugulu ‘Næste’.
24. Inuup ilisarnaataatigut kinaassuserseeriaaseq (inussavit ipaat imaluunniit kiinnamik ilisarsissut) atorlugu akuersissanerlutit toqqaruk.
25. MitID app-imit nalunaarutit akuerikkit.
26. Una appi maanna ikuuppoq atoriaannanngorlunilu. OK tooruk.
Oqarasuaatitoqqanni/tabletsitoqqanni MitID app-i suli atuuppoq. Atorunnaarusukkukku peersinnaavat imaluunniit MitID atorsinnaajuaannarumallugu MitID app-itaannut taartissatut toqqorlugu.