MitID innuttaasunut sullissivimmi imaluunniit nunaqarfiup allaffiani

Innuttaasunut sullissivimmi MitID pillugu ikiorneqarniaruit, kinaanerlutit uppernarsinnaasariaqarpat. Tassungalu peqqutaavoq allap kinaassusaanik atornerluisoqannginnissaa anguniarlugu MitID-mut atatillugu kinaassutsimut uppernarsaanissaq sakkortuumik piumasaqaataammat.

Innuttaasunut sullissivimmi imaluunniit nunaqarfiup allaffiani MitID-mut ikiorneqarniaruit: 

1. Uppernarsaammik atuuttumik nassassaatit – ataani paasisaqarnerugit (uppernarsaatit paarisatit nassassavatit – biilinik ingerlatsinermut uppernarsaat aamma peqqinnissaqarfimmut uppernarsaat appi atorlugu taamaallaat uppernarsaatigineqarsinnaapput). Biilersinnaanermut utaqqiisaasumik allagartaq atorsinnaanngilaq.
2. (Inuup normuanik nalunaarsimaffimmi nalunaarsorsimasut aallaavigalugit apeqqutinik ilinnut tunngasunik akisaqassaatit – imaluunniit inummik illit kinaassutsinnik uppernarsaasinnaasumik ilagisaqassaatit.

Kinaassutsimut uppernarsaammik assitalimmik immaqaluunniit kinaassutsimut uppernarsaatinik assitaqanngitsunik marlunnik takutitaqassaatit

Innuttaasunut kiffartuussivimmut ornigunninni, kinaassutsimut uppernarsaatitut atorsinnaasatit assitallit tassaasinnaapput:

Uppernarsaatini ataani allassimasuni ataaseq nassaruk:

• Kalaallit Nunaanni immaqaluunniit Danmarkimi biilersinnaanermut allagartaq
• Digitalimik Danmarkimi biilersinnaanermut allagartaq (kørekort-app)
• Passi inuup normuanik allassimasulik, Kalaallit Nunaannit Danmarkimit Savalimmiuniilluunniit tunniunneqarsimasoq
• Najugaqarsinnaanermut uppernarsaat assitalik taavalu inuup normu Danmarkimi Nunat allamiunut aqutsisoqarfimmit imaluunniit Nunanut allanut ministereqarfimmit tunniunneqarsimasoq.
• Kinaassutsimut uppernarsaat Danmarkimi Nunanut allanut ministereqarfimmit tunniunneqarsimasoq

Taakku piginngikkukkit uppernarsaatit ukua atorsinnaavatit:

• Najugaqarsinnaanermut uppernarsaat assitalik, Danmarkimit tunniunneqarsimasoq
• Passi inuup normuanik allassimasoqanngitsoq, Kalaallit Nunaannit Danmarkimit Savalimmiuniilluunniit tunniunneqarsimasoq
• Passi Danmarkimit, Kalaallit Nunaannit Savalimmiuniillu tunniunneqanngitsoq
• Nunagisami kinaassutsimut uppernarsaat, Danmarkimit, Kalaallit Nunaannit Savalimmiuniillu tunniunneqanngitsoq
• Kinaassutsimut uppernarsaat assitalik, Danmarkimi imaluunniit Kalaallit Nunaanni kommuunerisamit tunniunneqarsimasoq

… uppernarsaallu ukunannga ataaseq ilaassaaq:
(Uppernarsaammi inuup normut allassimassaaq)

• Peqqinnissaqarfimmut uppernarsaat, peqqinnissaqarfimmut uppernarsaat immikkut ittoq imaluunniit peqqinnissaqarfimmut uppernarsaat app-i Danmarkimi Kalaallit Nunaanniluunniit tunniunneqarsimasoq.
• Najugaqarnermut uppernarsaat Danmarkimit imaluunniit Kalaallit Nunaannit tunniunneqarsimasoq
• Atimut uppernarsaat Danmarkimit imaluunniit Kalalaallit Nunaannit tunniunneqarsimasoq
• Kuisissimanermut uppernarsaat Danmarkimit imaluunniit Kalalaallit Nunaannit tunniunneqarsimasoq
• Inunngorsimanermut uppernarsaat Danmarkimit imaluunniit Kalalaallit Nunaannit tunniunneqarsimasoq
• Inuup normup Savalimmiuni tunniunneqarsimaneranik uppernarsaat (Savalimmiuni Naalagaaffiup Sinniisuanut taamaallaat atuuppoq)
• Ukiumi kingullermi akileraarfiusumi ukiumoortumik nalunaarusiat imaluunniit ukiumi matumani akileraarfiusumi siumoortumik naatsorsuinerit (ukiumoortumik nalunaarusiaq imaluunniit siusinaartumik naatsorsuusiaq kinnaassutimullu uppernarsaat taperiisillugit oqartussanik tapisiaqarnissamut atorsinnaanngilaq)
• Oqartussanit tapisisimanermut uppernarsaat (annerpaamik qaammatinik pingasunik nutaanngissusilik) (ukiumoortumik nalunaarusiaq imaluunniit siusinaartumik naatsorsuusiaq kinnaassutimullu uppernarsaat taperiisillugit oqartussanik tapisiaqarnissamut atorsinnaanngilaq)

Taamaanngippat uppernarsaatit ataani allassimasut marluk taperiisillugit atorneqarsinnaapput:
(Uppernarsaammi minnerpaamik ataatsimi inuup normut allassimassaaq)

• Atimut uppernarsaat Danmarkimit imaluunniit Kalalaallit Nunaannit tunniunneqarsimasoq
• Kuisissimanermut inunngorsimanermullu uppernarsaat Danmarkimit imaluunniit Kalaallit Nunaannit tunniunneqarsimasoq.
• Peqqinnissaqarfimmut uppernarsaat, peqqinnissaqarfimmut uppernarsaat immikkut ittoq imaluunniit peqqinnissaqarfimmut uppernarsaat app-i Danmarkimi Kalaallit Nunaanniluunniit tunniunneqarsimasoq.
• Najugaqarnermut uppernarsaat Danmarkimit imaluunniit Kalaallit Nunaannit tunniunneqarsimasoq
• Najugaqarsinnaanermut uppernarsaat assitalik, Danmarkimit tunniunneqarsimasoq
• Kinaassutsimut uppernarsaat assitalik, Danmarkimi imaluunniit Kalaallit Nunaanni kommuunerisamit tunniunneqarsimasoq
• Najugaqarnermut uppernarsaat Savalimmiunit tunniunneqarsimasoq
• Inunngorsimanermut kuisissimanermullu uppernarsaat Savalimmiunit tunniunneqarsimasoq
• Inunngorsimanermut atimullu uppernarsaat Savalimmiunit tunniunneqarsimasoq
• Inuup normup Savalimmiuni tunniunneqarsimaneranik uppernarsaat (Savalimmiuni Naalagaaffiup Sinniisuanut taamaallaat atuuppoq)
• Ukiumi kingullermi akileraarfiusumi ukiumoortumik nalunaarusiat imaluunniit ukiumi matumani akileraarfiusumi siumoortumik naatsorsuinerit
• Oqartussanit tapisisimanermut uppernarsaat (annerpaamik qaammatinik pingasunik nutaanngissusilik)

Kinaassutsimut uppernarsaat inuup normumik allassimasoqanngippat, uppernarsaammik inuup normumik allassimasulimmik aamma nassassaatit

Malugiuk:

• Kinaassutsimut uppernarsaat atuuttuussaaq. Assersuutigalugu passi imaluunniit biilersinnaanermut allagartap piffissaq atuuffiusoq qaangersimassanngilaa. Biilersinnaanermut utaqqiisaasumik allagartaq atorsinnaanngilaq.
• Kinaassutsimut uppernarsaat anillatsillugu nassarneqassaaq – biilersinnaanermut uppernarsaat peqqinnissaqarfimmullu uppernarsaat taamaallaat digitaliusumik app-kkut atorneqarsinnaapput

Atit allanngortinnikuuiuk? Uppernarsaammi inuup normut atillu allassimasoq massakkut atigisavit assigippagu kinaassutsinnut uppernarsaatit aatsaat atorsinnaavat. Katissimanermut uppernarsaatit, atimut uppernarsaatit taavalu uppernarsaatit allat atorsinnaanngillat, atigisimasat taakkunani allassimappat.

Uppernarsaasoq tassaavoq inuk innuttaasunik sullissivimmukarninni imaluunniit nunaqarfimmi allaffimmukarninni ilaasoq, illillu kinaassutsinnik uppernarsaasinnaasoq.

Inuk uppernarsaasuussaguni 18-leereersimasariaqarpoq taavalu ullut 30-it sinnerlugit MidID-qareersimasariaqarluni.

Uppernarsaasoq kinaassutsimut uppernarsaammik assitalimmik atuuttumik nassassaaq MitID-lu. Inuk ataaseq ulluni 120-ni amerlanerpaamik pingasoriarluni uppernarsaasuusinnaavoq.

Nunami allamiuuvit imaluunniit Kalaallit Nunaata avataani najugaqaruit tamatigut Innuttaasunut Sullissivimmut imaluunniit nunaqarfiup allaffianut inummik uppernarsaasussamik nassartassasutit innersuutigissavarput, inuup normuisa nalunaarsorfiani paasissutissat ilinnut tunngasut naammanngeratarsinnaammata.

Pas-ivit scannernissaa ajornartorsiutigigukku Innuttaasullu Sullissiviannut imaluunniit nunaqarfiup allaffianut ikiortikkiartorniarlutit pappilissat ilinnut tunngasut nassassagitit ilisimatitsissutigissavarput. MitID-taassaguit imaluunniit MitID suliffeqarfimmut tunngasumut atussagukku paasissutissat taakku nassassavatit. Paasissutissat tassaasinnaapput pappilissat inuup normornik allaqqasortallit. MitID imminut sullissilluni aaqqiissutinut amerlanerpaanut atorsinnaavoq.

MitID suliffeqarfik Kalaallit Nunaannut attuumassutilik sinnerlugu digitalikkut atorusukkukku paasissutissanik mitid-erhverv.dk -mi nassaarsinnaavutit (qupperneq taamaallaat qallunaatut tuluttullu allaqqavoq).

MitID aamma NemLog-in pillugit inatsisip Kalaallit Nunaannut atuutilernissaanut peqqussut