Nioqqutissanik eqqussuinermi akitsuutit

Nioqqutissanik eqqussuinermi akitsuutit tassaapput nioqqutissanik Kalaallit Nunaannut eqqussiguit akiligassatit. Akitsuutit tassaapput toqqaannanngitsumik akileraarutinik taaneqartartut.

Nioqqutissat ilaat eqqunneqarneranni akitsuusigassaapput. Allat akitsuusigaanngillat, ima paasillugu, nioqqutissat eqqunneqarnerini akilertariaqanngitsut. Aammattaaq nioqqutissaqarpoq eqquteqqusaanngitsunik.

Nioqqutissat akitsuuserneqartussaasut Kalaallit Nunaannut nassiussimagukkit, inuk nioqqutissanik tigusisoq tassaavoq eqqussinermi akitsuutinik akiliisussaq.

Kangerlussuarmi, Narsarsuarmi Kulusummilu eqqussanik nakkutilliisoqartarpoq.

Nioqqutissat ilaat eqqunneqarneranni akitsuusigaapput, soorlu nerisassat. Akigititat takussutissami ‘Kalaallit Nunaannut eqqussinermi akitsuutit allattorsimaffianni’ takusinnaavatit.

Eqqussinermi akitsuutit allattorsimaffiat Januar 2022

Eqqussinermi akitsuutit allattorsimaffiat Januar 2023

Eqqussinermi akitsuutit allattorsimaffiat 2024

Eqqussinermi akitsuut nassiussanik naammassinnittartumut imaluunniit Akileraartarnermut Aqutsisoqarfimmut akilissavat.

Namminersorlutit suliffiuteqaruit imigassanik tupanillu akileraarutitaqanngitsunut malittarisassat malillugit annertunerusunik eqqussiniaruit, Akileraartarnermut Aqutsisoqarfimmut eqqussisinnaanermik immikkut ittumik qinnuteqaqqaassaatit. Taamatullu akitsuutit akileriikkatit Akileraartarnermut Aqutsisoqarfimmut saaffiginninnikkut utertissinnaavatit.

Utertitsineq
Suliffeqarfinnut periarfissaavoq nioqqutissat kasiilerneqarsimappata, Namminersorlutik Oqartussat nalunaarutaat naapertorlugu utertitsinissamik qinnuteqarnissamut.

Nioqqutissat akileraaruteqanngitsut tassaapput nioqqutissat eqqussuinermi akitsuutinik akiliuteqarfigisariaqanngisatit. Kalaallit Nunaannut nioqqutissat suut aamma nioqqutissat ataasiakkaat qanoq amerlatigisut eqqussinnaaneritit pillugit ersarilluinnartunik maleruagassaqarpoq.

Nioqqutissat akileraaruteqanngitsut pillugit takussutissaq november 2019-imeersoq

Umiatsiat aamma umiatsianut kingoraartissamaatit eqqunneqarnerannut akitsuusiisoqarneq ajorpoq.

Makku eqqunnissaat inerteqqutaavoq:

• Motorcykelit
• Ikiaroornartut
• Iisartakkat nukkassaatit (doping)
• Immiassat, sungarnitsussat (humle) akuutissallu allat angerlarsimaffimmi aalakoornartulinnik imigassaliornermi atorneqartartut
• Nioqqutissat Cites pillugu maleruagassanut ilaasut

   

Akitsuutinik nalunaaruteqassaguit toortagaq sungaartoq tooruk.

Taanna periarfissaanngilaq

Paasisaqarnerorusukkuit atuarsinnaasatit:  Kapitali 3 - Eqqussuinermi akitsuutiti  i Nioqqutissanik eqqussuineq annissuinerlu pillugit Namminersorlutik Oqartussat nalunaarutaat

Aamma:   Nioqqutissanik eqqussuineq annissuinerlu pillugit Inatsisartut inatsisaata allanngortinneqarneranik Inatsisartut inatsisaat (Piffissamik akitsuutit akilerneqartussanngorfiannik erseqqissaaneq, imigassanik aalakoornartortalinnik nammineq atugassanik eqqussisinnaaneq, tikinnermi akitsuusiisitsisinnaaneq aamma aningaasat atoriaannaat pillugit maleruagassanik allannguineq)

Nioqqutissanik eqqussuineq annissuinerlu pillugit Inatsisartut inatsisaat 

Nioqqutissanik eqqussuineq annissuinerlu pillugit Namminersorlutik Oqartussat nalunaarutaat

Nioqqutissanik eqqussuineq annissuinerlu pillugit Inatsisartut inatsisaata allanngortinneqarneranik Inatsisartut inatsisaat (Piffissamik akitsuutit akilerneqartussanngorfiannik erseqqissaaneq, imigassanik aalakoornartortalinnik nammineq atugassanik eqqussisinnaaneq, tikinnermi akitsuusiisitsisinnaaneq aamma aningaasat atoriaannaat pillugit maleruagassanik allannguineq)