Sulisunut qarasaasiatigut akileraartarnermut allagartanik noqqaassutit

Sulisitsisutut qarasaasiatigut akileraartarnermut allagartanik 2021-mut tunngasunik sulisutit noqqaassussinnaavatit 1. november-imiik 11. november 2020 ilanngullugu.

Nalunngikkukku ukiup tulliani sulisunnut akissarsisitsisussaallutit, qarasaasiatigut akileraartarnermut allagartaq iluaqutigisinnaavat,

Qarasaasiatigut akileraartarnermut allagartat pigigukkit, sulisorisappit nammineerluni allagartamik tunniussinissaa utaqqisariaqanngilat.

Qarasaasiatigut akileraartarnermut allagartat assigiinngitsunik iluseqarlutik takkuttarput. Taamaasillutit akissarsialerissutini assigiinngitsuni akileraartarnermut allagartat ajornanngitsuaqqamik ikkussuussinnaalissavatit.

Sulisup hovedkortia kisimi elektroniskinngortinneqarsinnaavoq. Taamaanneralu peqqutaavoq sulisitsisup nammineerluni akileraartarnermut allagartat aaginnarsinnaanginneri noqqaassuteqaqqaarnissamut ingerlatseriaaseq aqqutigeqqaartussaammagu.

Sulisitsisut arlaqartut qarasaasiatigut akileraartarnermut allagartanik sulisumut ataatsimut atugassanik qinnuteqarsimappata, Akileraartarnermut Aqutsisoqarfiup nalilersugassarivaa, sulisitsisoq sorleq pingaarnertut sulisitsisorineraa. Pingaarnerusussarlu aalajangiunneqarpat tassunga nassiunneqassaaq, qinnuteqartullu allat B-tut isertitaqartutut allagartaq atortariaqarpaat.

• Qarasaasiatigut akileraartarnermut allagartanik noqqaassut pissaaq Sulinal-ikkut sukumiisumik nalunaarsuutit oktober 2020-mut akissarsianut akileeraarutinullu tunngasut nassiunneranni, tassalu uani piffissami 1. november-miik 11. november 2020 pisinnaalluni
• Qarasaasiatigut akileraartarnermut allagartanik noqqaassussiguit sulisitsisut allattorsimaffianut ilannguteqqassaatit

Sulisitsisut allattorsimaffianut ilanngunniaruit ilanngunnissamut immersugassaq immersoriarlugu sulinal@nanoq.gl-imut nassiutissavat.

Ilanngunnissamut immersuiffissaq una toorlugu aasinnaavat

Qarasaasiatigut akileraartarnermut allagartanik noqqaaleruit ima isiussaatit:

1. Sulisitsisut Allattorsimaffianut Sulinal-imut iserit. https://sulinal.nanoq.gl/
2. Sukumiisumik nalunaarsuinerit oktober-imut akissarsiat akileraarutillu tunngasoq aallartiguk. Immikkoortitaartumik inuup normua malillugu nalunaarsuineq iserfigiuk. Tassani oktober-imut sukumiisumik nalunaarsuineq inuup normui aallaavigalugit allattuisinnaavutit, imaluunniit fil-eq atortorissaarutinut naleqqussaq atorlugu nassiussinnaavatit. Tassani toqqarneqarsinnaapput, x-iliinikkut inuup normui ataasiakkaarlugit, imaluunniit inuup normui ataatsikkut tamaasa.
3. Qinnutiginiakkatit nassiutikkit.

Malugiuk
Fil-inngorlugit nalunaarsuinerit toqqarsimagukku ikkutereerlugillu, aatsaat qaraasiaasiakkut akileraartarnermut allagartamik noqqaassusinissamut periarfissaq qulequttap uuma ataani takuneqarsinnaanngussammat: Qarasaasiatigut atortorissaarutip qarasaasiatigut akileraartarnermut allagartanik qinnuteqaat sulisunik nalunaarsorsimasoq tigussavaat.

Qupperneq Sukumiisumik nalunaarsuutit qaammammoortut pillugit ilitsersuut takuniarukku una tooruk

Akileraartarnermut Aqutsisoqarfimmi, Sulisitsisut Allattorsimaffianniik noqqaassutit suliarineqassaaq. Qarasaasiatigut akileraartarnermut allagartat tigunissaat december-ip qaammataata affaani siullermi tigunissaat naatsorsuutigissavat.

Noqqaassussininni E-mailimut nalunaarutigisimasannut allaffigineqarlutit nalunaarfigineqassaatit. E-mailimi qarasaasiakkut akileraartarnermut allagartat tigussavatit, Akileraartarnermut Aqutsisoqarfiup naliliivigimmagu akileraartussamut pingaarnertut sulisitsisuunerit.

Qarasaasiatigut akileraartarnermut allagartat assigiinngitsut uku atorlugit pisinnaavatit:

• ESI formati atortorissaarut Akissarsiat atorlugu nalunaaruteqarnermi.
• CSV formati naliginnaasumik ikkussinermut atorsinnaasoq
• HTM formati browser-ikkut takutitsissutaasinnaasoq

Ilutsit/formatit pingasut qanoq nassuiaateqarnersut una toorlugu takusinnaavatit

Piffissami 1. november-imiik 11. november 2020 ilanngullugu taamaallaat qarasaasiatigoortumik akileraartarnermut allagartat qinnutigisinnaavatit.