Suila-tapit - paasissutissaatitit takukkit

Suila- tapit tassaapput sulinermut ilanngaatit tunniunneqartartussat.

'Suilara' iserfigalugu Suila-tapisiatit takusinnaavatit. Tassani suut Akileraartarnermut Aqutsisoqarfiup paasissutissat tunngavigalugit Suila-tapisiassannik naatsorsuisimanersut takusinnaavatit. Aamma tassani ukiumut isertitariumaagassatit naatsorsorneqarsimasut Suila-tapisiassannullu qanoq sunniuteqarnersut takusinnaavatit.

Suila-tapit qaammatit tamaasa marlunngornerit pingajuanni, sulinermik inuussutissarsiuteqartunut 70.000 koruunit 500.000 koruunillu akornanni issertitalinnut tunniunneqartassapput.

Malugiuk Suila-tapinik tigusaqassaguit NemKontoqaqqaartariaqaravit.

Malugiuttaaq Suila-tapisiariumaagassatit kontonnullu ikineqartut assigiinngissinnaammata. Pisortanut akiitsoqaruit Suila-tapisiassavit tunniunneqannginnerini pingajoraaterutaat akiitsunnut ilanngaatigineqqaaqqaarsinnaapput. Tamanna isumaqarpoq Suila-tapit kontonnut ikisut ikinnerusut, Suila-tapisiassavit ilai pisortanut akiitsunnut akiliutigigakkit.

Aalasuliaq Suila-tapit suuppat? Takuuk.

Iserniarlutit MitID atortoriaqarpat.

NemKontoqaruit iliuuseqanngikkaluarlutit Suila-tapisiassatit tigusinnaavatit.

Suila-tapiassatit Akileraartarnermut Aqutsisoqarfiup isertitannut tunngatillugu paasissutissaatai tunngavigalugit naatsorneqartarput.

- Ukiuni marlunni kingullerni isertitatit
- Siumoortumik nalunaarsuinitit
- Sulinal-imi sulisitsisunnit akissarsiatit pillugit nalunaarsorneqarsimasut.
- Sulinal aqqutigalugu tunitsivinnit tunisatit pillugit nalunaarsuinerit
- Sulinali-mi nunani allani soraarnerusutisiaqalernissannut ileqqaakkannut tunngatillugu nalunaarsukkat
- Ingerlatseqatigiiffiit eSkat-imi sinneqartoorutinit iluanaarutisiatit pillugit nalunaarsugaat
- eSkat aqqutigalugu akileraarutit B-t ingerlaavartumik akilerneqartartut

Qulaani paasissutissat tunngavilugit Akileraartarnermut Aqutsisoqarfimmit ukiumut isertitariumaagassatit naatsorneqartarput.

Paasissutissanik nutaanik takkuttoqarneri tamaasa ukiumut iserrtitariumaagassatit naatsorsorneqartarput.

Qaammammut ataasiarluta Suila-tapisiassatit NemKontunnut ikisussanngortittarpagut.

Suila-tapisiassavit tunniunneqannginneranni 33,33 procentit angullugit akiitsunnut ikiliutigitinneqaqqaarsinnaapput.

Akileraartarnermut Aqutsisoqarfimmiit isertitannut tunngatillugu paasissutissaateqalerutta aatsaat Suila-tapinik tunisinnaalissavatsigit.
inatsimmi taaneqartarpoq Akileraartarnermut Aqutsisoqarfiup suliffeqarfinnit nalunaarfigineqarnera.
Suila-tapiassat aatsaat tunniunneqartarput Akileraartarnermut Aqutsisoqarfik isertitat pillugit nalunaarfigineqaraangat.
Suliffeqarfinnit nalunaarnerit ukuusinnaapput:

- Sulisitsisut akissarsiat pillugit nalunaarsugaat
- Tunitsivinnit tunisanit isertitat pillugit nalunaarsukkat
- Namminersorlutik inuussutissarsiummik ingerlataqartut akilaarutinut B-nut akiliineri
- Sinneqartoorutinit ilulanaarutisiat nalunaarutigineqarneri

Isertitaqarnermit Suila-tapisinissamut qaammatit marluk ingerlasarnerat
Isertitanik nalunaaruteqarnermit, akileraarutinilluunniit B-nik akiliinermit Suila-tapisinissamut qaammatit marluk ingerlasarput. Taamaammat assersuutigalugu februarimi Suila-tapisiassatit apriilimi aatsaat tunniunneqassapput.

Ukiumut isertitassatut naatsorsuutigineqartut naapertorlugit Suila-tapit tunniunneqarumaarput. Taamanna ima paasineqassaaq, tunnikunneqartut illit ilimagisannit allaanerusinnaasut.

Pingaartumik tamanna pisinnaavoq:

- Tunisanit isertitatit qaammammiit qaammammut nikerartorujussuuppata,
- Akileraarutinut akilertakkatit nikerarpata,
- Akileraartarnermut Aqutsisoqarfiup ukiut siuliini iluanaarutinik pissarsisimasutit takusinnaappagu,
- Akileraartarnermut Aqutsisoqarfiup ukiut siuliini isertitatit ukioq maannamiit allaanerusut takusinnaappagit.

Sulinermut Ilanngaammik pissarsisimanngikkuit, makkua pissutaasinnaapput:

- Suila-tapisisinnaanissannut isertitatit qaffasippallaartut.

- Suila-tapisisinnaanissannut isertitatit ikippallaarput. Suila-tapit innuttaasunut sulinermik inuussutissarsiuteqartunut ikinnerpaamik 5.834 kr.-nik qaammammut isertitalinnut tunniunneqartarput.

- Suila-tapisiassatit100 kr.-nit ikinneruppata. Katillugit 100 kr.-ninik sinnerlugilluunniit Suila-tapisiassaqalernissannut tunniussinissaq utaqqisinneqarpoq.

- Akileraartarnermut Aqutsisoqarfiup takusinnaavaa ukiuni kingullerni isertitatit, qaammammiit qaammammut nikerartorujussuusut. Assigiinngitsunik tikkuussisumik taakkua Akileraartarnermut Aqutsisoqarfimmut nalunaarnerupput. Suila-tapisiassavit tunniunneqarnissai erseqqarinnerusumik nalunaaruteqartoqarnissaanut utaqqisinneqarput .


- Sulisitsisuit Akileraartarnermut Aqutsisoqarfimmi Sulisitsisut nalunaarsorsimaffianut Sulinalimut isertitatit nalunaarutigisimanngilai. Sulisitsisut attavigiuk.

- Sulisitsisuit isertitatit nalunaarutigisimavai, nalunaarutiginninnerli kingusinaarluni kukkusumilluunniit pisimavoq. Sulisitsisut attavigiuk.

- Tunitsivigisartakkavit tunisatit nalunaarutigisimanngilai. Nalunaarutiginninneq kingusinaarluni kukkusumilluunniit pisimavoq. Tunitsivigisartakkat attavigiuk.

- Sulininnit isertitaqanngilatit. Isertitatit ilinniagaqarnersiutaappata, utoqqalinersiutaappata, pisortanit ikiorsiissutaappata, Suila-tapisisinnaanngilatit.

- Kalaallit Nunaannut tamakkiissumik akileraartussaatitaanngilatit.

- Namminersorlutit inuussutissarsiummik ingerlataqartuuvutit akileraarutillu B-t ingerlaavartumik akilertarsimanngilatit.

- Immaqa amerlavallaartunik akiliisimanerit peqqutaalluni, Akileraartarnermut Aqutsisoqarfimmit qaammammut 41.700 kr.-nit sinnerlugit isertitaqartussaasutit naatsorsorneqarsimavoq.

- Ukiut siuliini iluanaarutisiaqarsimasutit takusinnaavarput. Qaammammut agguaqatigiissillugu 41.700 kr.-nit sinnerlugit isertitaqassasutit natsorsuutigaarput.

- NemKontoqanngilatit. NemKontotaarniarlutit aningaaseriviit attavigiuk.

Aalasuliaq Sooruna Suila-tapinik tigusaqanngitsunga? Takuuk.

Suila-tapinik qaammammut tunineqartarnissat unitsikkallarsinnaavat. Tamanna pillugu saaffiginnissut allakkatigut tax@nanoq.gl-imut pissaaq.

Suila-tapit qaammatit tamaasa, marlunngornerit pingajuanni tunniunneqartassapput.
Isertitanik nalunaaruteqarnermit, akileraarutinilluunniit B-nik akiliinermit Suila-tapisinissamut qaammatit marluk ingerlasarput. Taamaammat assersuutigalugu februarimi Suila-tapisiassatit apriilimi aatsaat tunniunneqassapput.

Suila-tapit taamaallaat tunniunneqarsinnaapput Akileraartarnermut Aqutsisoqarfik isertitatit pillugit nalunaarutinik tigusaqarsimappat.

Sulisitsisut aningaasarsianik utoqqalinersiassanillu nalunaarsuinissaat kingusinnerpaamik suliaqarnermit qaammatip suliaqarfiusup 10-anni. Ulloq taanna sapaatip akunnerata naanerippagu imaluunniit nalliuttuuppat, ulluinnaq tulliuttoq siulleq piffissaliussaavoq.

Akileraarutinut B-nut akiliinissamut piffissaliussaq akiligassami nassiunneqartumi allaqqasarpoq. Qaammammi aningaasarsiffiusumi aningaaseriviup ammaffiani kingullermi ulloq tunniussivissaq piffissaassaaq eqqortoq.

Ingerlatsiveqatigiiffiit iluanaarutit akiliutigineqarnissaannik akuersissuteqartartut, iluanaarutit akileraarutaasa tunniunneqarnerat ilutigalugu iluanaarutit pillugit immikkut ittumik Akileraartarnermik Aqutsisoqarfimmut kingusinnerpaamik qaammatip ulluisa qulinganni tunniussinissamut pisassanngortitsinermulluunniit, akuersereernerup kingorna nassiussissapput. Ingerlatsiveqatigiiffiit, iluanaarutit tunniunneqarnissaannik akuersissuteqarneq ajortut, iluanaarutit pillugit nalunaarummik taamatuttaaq nassiussissapput.

Suila-tapit tunniunneqartarneri pillugit naammagittaalliornissamut periarfissaanngilaq.

Suila-tapinik tunniussisarneq utaqqiisaagallartuuvoq. Ukiumut isertitatut tagginneqartut tunniussinermi tunngavigineqartunit allaanerusut paasineqarpata, Suila-tapit ukiumoortumik naatsorsuusiorfigineqarnerini aningaasat naqqissorneqarumaarput, taakkua ukiup isertitaqarfiup kingorna qaammatit 8-9 -it innuttaasunit tiguneqareernerinit pissaaq.

Akileraartarnermut Aqutsisoqarfik akissarsiatit aqqutigalugit isertitarisimasannik paasissutissanik amigaateqartoq takusinnaagukku, sulisitsisut attavigissavat, Sulinal aqqutigalugu aningaarsarsiannik nalunaarsuisussaammat.

Takusinnaagukku Akileraartarnermut Aqutsisoqarfiup tunisanit isertitatit pillugit paasissutissat amigaatigigai, tunitsivisartakkat attavigissavat, Sulinal aqqutigalugu nalunaarsuisussaammat.

Aningaasarsianit akileraarutit pillugit Inatsisartut inatsisaata, akileraaruserinermik ingerlatsineq pillugu Inatsisartut inatsisaata aamma sulisoqarnermut akitsuut pillugu Inatsisartut inatsisaata allanngortinneqarnerat pillugu Inatsisartut inatsisaat.