Danmarkimi peqatigiiffinnut nassiussisarnerit

Peqatigiiffik Danmarkimi inissisimasoq, uumasunit nerisassiassanik nunatsinneersunik nassitsivigineqarsinnaavoq, pineqartut ilaasortanit allattorneqarfiit naapertorlugit nalunaarsorneqarsimasut nammineq atugassaattut pissarsiarineqarsimatillugit. Nassiussarsiat tamarmik ilaasortaniit kisiat nammineerluni nerisassatut atorneqarsinnaatitaapput.

Peqatigiiffiit nassiussarsianik ataasiakkaatut poortorsimasunik tigusisinnaapput.
Peqatigiiffiup siunertaraa poortukkat ataasiakkaat peqatigiiffiup ilaasortanut allattaaviinut allattorneqarsimasunut ingerlateqqinnissaat. Peqatigiiffinnut nassiussinerit amerlassusissaat killeqanngilaq, uku ataasiakkaatut poortukkat killissarititaasut qaangerneqaqqusaannginnerat uani immikkoortumi "piumasaqaatit"-mi eqqaaneqartut minillugit.

Peqatigiiffik Danmarkimi inissisimasoq, uumasunit nerisassiassanik nunatsinneersunik nassitsivigineqarsinnaavoq piumasaqaatit makku naammassineqarpata.
Nassiussisup nassiussitinnani nassiussaq nunatsinniit anitinnagu piumasaqaatini imm. 1-p aammalu imm. 2-p naammassisimaneri qulakkeeqqaartassavai.

1. Nassiussineq nassiussarsiatut ataasiakkaatut poortorsimasutut ataatsimut ima agguarneqarpoq;
   a) Neqit, neqinit tunisassiat, immuk aamma immunnit tunisassiat oqimaannerpaamik 5 kg aamma b) Tunisassiat uumasuneersut, assersuutigalugu igutsaap sukkuutaa, manniit, manninnit tunisassiat oqimaannerpaamik 5 kg,
   c) aalisakkat aamma nioqqutissat aalisakkaneersut amerlassusissaat killeqanngilaq.
2. Poortukkat ataasiakkaat imaat allattorneqarsimassapput.
3. Peqatigiiffiup poortukkat ataasiakkaat ammarneqanngitsut takkussimasunut, peqatigiiffimmi ilaasortaasutut nalunaarsorneqarsimasunut tunniutissavai. Oqimaassuseq siuliani taaneqartoq nassiussinermi ataatsimi ilaasortat tamarmik immikkut annerpaamik tigusinnaavaat.
4. Peqatigiiffik tunniussinermut atatillugu akiliummik tigusaqarsinnaatitaanngilaq.
5. Inuussutissat tigusisussaviup nammineerluni atugassaatut aalajangiussaapput. Tigusisussaq nerisassiassanik tuniniaanissaminut tunniussinissaminulluunniit akuerisaanngilaq.
6. Inuussutissat suliarineqarnerat/piareersarneqarnerat taamaallaat tigusisussap najugaani pisinnaavoq.

Peqatigiiffiit uumasunit nerisassiassanik nunatsinneersunik imaluunniit Savalimmiuneersunik inuinnarnut atuutsitsisut, toqqorsissussisut ingerlatitseqqiisullu suliatik Danmarkimi Inuussutissalerinermut Aqutsisoqarfimmut nalunaarutigisassavaat. Peqatigiiffiup amerlassutsit nassiussat ataasiakkaat immikkut ilaasortanut ataasiakkaanut ingerlateqqissimasatik ingerlaavartumik nalunaarsortassavaat. (taanna nalunaarsuivik Inuussutissalerinermut Aqutsisoqarfimmiit qinnuigineqarnikkut saqqummiussassanngorsinnaasussaavoq).

Inuit sinnerlugit eqqussinernik il.il. isumaginnissinnaasutut peqatigiiffik nalunaarsorneqarsimassaaq, kisialli taanna inuussutissanik isumaginnittartutut suliffeqarfittut nalunaarsorneqarsimassanngilaq, inuussutissanut tunngasunik sulianik allanik taanna ingerlataqartarsimanngikkuni.

Peqatigiiffik niuerfittut iluseqalissanngilaq. Peqatigiiffiup nassiussat tikinnerat pillugu, nassiussanik peqatigiiffiup tigusinissaa pitinnagu Inuussutissalerinermut Aqutsisoqarfik ilisimatissavaa una siumoortumik ilisimatitsissutitut immersugassaq ”GL0103” killeqarfinni nakkutilliinermut nassiunneqartussaq atorlugu.

Inuttut nammineq eqqussisarneq peqatigiiffillu nalunaarsuinerinut nalunaaruteqartarnerannullu il. il. piumasaqaatit pillugit itinerusumik uumasunik nakkutilliinermut nalunaarummi atuarsinnaavatit.
Immikkoortoq "Inatsit" takuuk.

Siumoortumik ilisimatitsissutitut immersugassaq Inuussutissalerinermut Aqutsisoqarfiup allagartanit paasissutissaasivianut aajuk.
Siumoortumik ilisimatitsissutitut immersugassaq, peqatigiiffik aqqutigalugu inuit eqqussinerat (GL0103)

Uumasunik nerisassiassanik eqqussinermut immikkut ittumik atuuttunik malittarisassaqarpoq, taakkulu CITES-imi malittarisassanut ilaatinneqarput. CITES tassaavoq uumasut nujuartat naasullu illersorniarlugit isumaqatigiissut.

Uumasut qilalukkat qernertat, aarrut, niisarnat, eqalussuarnat, europami nimerissat taavalu nannut nerisassiassatut Danmarkimut eqquteqqusaanngillat.

Taamatut inerteqquteqarneq nerisassiassat angalalluni nassatatut, Danmarkimi inummut najugaqartumut nassiussatut imaluunniit peqatigiiffimmut nassiussatut pineqaraluarpat atuuppoq. Inerteqquteqarnermi immikkut akuersissummik piniarneq periarfissaanngilaq.

Neqimik imaluunniit qilalukkap qaqortap mattaanik Nunattalu Kitaanit tikaagullimmik eqqussiniaruit, CITES-imi akuersissut eqqaamassavat.

CITES-imi malittarisassat pillugit paasisaqarnerorusukkuit uunga attaveqarsinnaavutit:
CITES-imi malittarisassat pillugit paasisaqarnerorusukkuit uunga paasiniaasinnaavutit

Danmarkimi killeqarfiup uumasut nakorsaata attaveqarfiginissaanut paasissutissat:

Grænsekontrolstedet i Kastrup Lufthavn
Kystvejen 16
2770 Kastrup

Tlf.: +45 72 27 64 40
Mail: 208@fvst.dk

Grænsekontrolstedet i Aarhus (havn)
Østhavnsvej 31
8000 Århus C

Tlf.: +45 86 13 11 33  
Mail: 215@fvst.dk

Inatsisiliat kisimi danskisut allagaqarput.

Bekendtgørelse om veterinærkontrol ved indførsel af animalske fødevarer og om straffebestemmelser for overtrædelse af relaterede EU-retsakter (retsinformation.dk)

Bekendtgørelse om indførsel af fødevarer, foder, animalske biprodukter, afledte produkter og fødevarekontaktmaterialer med særlige restriktioner m.v. og om straffebestemmelser for overtrædelse af relaterede EU-retsakter (retsinformation.dk)