Qimminut qimuttunut nakorsaatit

Qimminut qimuttunut nakorsaatit atorlugit katsorsaasarnerit Namminersorlutik Oqartussanit siunissami akisussaaffigineqarnissaat Naalakkersuisut akuersissutiginikuuaat. Taamaammat uumasut nakorsai Uumasunut Nakorsaqarnermi Inuussutissalerinermullu Oqartussaaffeqarfimmeersut siunissami nakorsaatinut allagartaliisinnaapput, taakkulu nakorsaataasivimmut qaninnerpaamut aaneqarsinnaassapput.

Uumasunut Nakorsaqarnermi Inuussutissalerinermullu Oqartussat Kalaallit Nunaanni peqqinnissaqarfik suleqatigalugu qimmit qimuttut ungasianit nakorsiartinneqartarnerinik aaqqissut februar 2023-imi aallartinneqartoq atorlugu nakorsaatinik peqqinnissaqarfik suliaqartittalerpaat. Ungasianit nakorsiussisarneq qimminik qimuttoqarfinni illoqarfinnut arlalinnut ingerlaavartumik siammartikkiartorneqassaaq. Qimminut qimuttunut nakorsaatinik toqqortaasiveqarpoq ukunani; Ilulissani qitiusumik napparsimmavik, Qaanaami peqqissaavik, Sisimiuni qitiusumik napparsimmavik, Aasiaat qitiusumik napparsimmavik, Uummannami peqqissaavik aamma Tasiilami napparsimmavik.

Nappaatinik pisariunngitsunik soorlu nipaallisaatit antibiotekallu atorlugit qumaqarneq pillugu katsorsaanissamut nakorsaatit pingaarutillit nakorsaataasivimmiitinneqartassapput.

Piginnittumik oqaloqateqarneq tunngavigalugu assit videolu atorlugit uumasut nakorsaat nappaammik suussusersinnaassaaq, qimminullu qimuttunut nakorsaammik innersuussilluni. Qimmip pisariaqartitsinerani nakorsaat taamaallaat innersuunneqarsinnaavoq.
Uumasut nakorsaata illit nakkutilliisussaralutillu iliuuseqartussaatitaraatit, taamaammallu uumasut nakorsaat ikiorniarlugu uumasup qanoq inneranik illit nassuiaanissat misissuinissallu pingaaruteqarpoq.

Attaveqarnissamut paasissutissat:
Oqarasuaat: +299 345000 (uumasut nakorsai apeqqutigineqassapput))
E-mail: uumasut@nanoq.gl
Ammasarfiit: Ataasinngornermiit tallimanngornermut nal. 09:00-15:00

Paasissutissat uumasut nakorsaannut paasissutissat tusarliussassat:

1) Kinaavit sumilu najugaqarpit?
2) Qimmeq sorleq pineqarpa? (Chipnormu, suiaassusia, ukiui, nappatigisaatalu attuumassutillip nalunaarsorsimanera)
3) Qimmip suna ajoqutigaa? Qanoq sivisutigisumik?
4) Qimmeq pisarnermisut nerisaqartarpa?
5) Pissusilersuutai allanngornikuuppat?
6) Qimmit allat assinganik pissuseqarpat akornuteqarpalluunniit?
7) Paasissutissat attuumassutillit uumasut nakorsaanut nassiutikkit, ilanngussinnaavatillu qimmimik assilisat videolialluunniit.

Ilulissani nakorsaat qanoq pissarsiarineqarsinnaava:

1. Nakorsaammut akileeqqusissummik qanorlu iliorlutit akiliuteqarnissamik nassinneqassaatit.

a. Mobilepay imaluunniit aningaaserivikkut nuussinikkut (ingerlaannartumik nuussinikkut).

2. Nakorsaat akilerneqassaaq.
3. Akiliutissaq tiguneqariarpat nakorsaatip allagartaa uummasut nakorsaata Ilulissani nakorsaataasivimmut nassiutissavaa. Tamatuma kingorna nakorsaat saaffiginnittarfimmut aaneqarsinnaavoq.
a. Ammasarfiit: Ataasinngornermiit tallimanngornermut nal: 08:00-16:00.
4. Uumasut nakorsaata peqqusinera malillugu nakorsaat atorneqassaaq. Apeqqutissaqartoqartillugu uummasut nakorsaat attavigeqqinneqarsinnaavoq.

Qaanaami nakorsaat qanoq pissarsiarineqarsinnaava?

1. Nakorsaammut akileeqqusissummik qanorlu iliorlutit akiliuteqarnissamik nassinneqassaatit.

a. Mobilepay imaluunniit aningaaserivikkut nuussinikkut (ingerlaannartumik nuussinikkut).

2. Nakorsaat akilerneqassaaq.
3. Akiliutissaq tiguneqariarpat nakorsaatip allagartaa uumasut nakorsaannit Qaanaami peqqissaavimmut nassiunneqassaaq.
4. Nakorsaataasiviup ammanerani nakorsaat peqqissaavimmut aaneqassaaq. Nakorsaat tallimanngornermi tunniunneqartarpoq nal. 13:00-14:30.
5. Uumasut nakorsaata peqqusinera malillugu nakorsaat atorneqassaaq. Apeqqutissaqartoqartillugu uummasut nakorsaat attavigeqqinneqarsinnaavoq.

Sisimiuni nakorsaat qanoq pissarsiarineqarsinnaava:

1. Nakorsaammut akileeqqusissummik qanorlu iliorlutit akiliuteqarnissamik nassinneqassaatit.

a. Mobilepay imaluunniit aningaaserivikkut nuussineq (ingerlaannartumik nuussineq).

2. Nakorsaat akilerneqassaaq.
3. Akiliutissaq tiguneqariarpat nakorsaatip allagartaa uumasut nakorsaannit Sisimiut nakorsaatilerivianut nassiunneqassaaq. Nakorsaat nakorsaatileriviup utaqqisarfiani normumik tigusinikkut aassavat.

a. Ammasarfiit: Ataasinngorneq aamma tallimanngorneq nal. 09:00-12:00 aamma 13:00-15:00. aamma marlunngorneq aamma pingasunngorneq nal. 09:00-12:00.

4. Uumasut nakorsaata innersuussinera malillugu nakorsaat atorneqassaaq. Apeqqutissaqartillugu uummasut nakorsaat attavigeqqinneqarsinnaavoq.

Aasianni nakorsaat qanoq pissarsiarineqarsinnaava:

1. Nakorsaammut akileeqqusissummik qanorlu iliorlutit akiliuteqarnissamik nassinneqassaatit.

a. Mobilepay imaluunniit aningaaserivikkut nuussineq (ingerlaannartumik nuussineq).

2. Nakorsaat akilerneqassaaq.
3. Akiliutigissaq tiguneqariarpat nakorsaatip allagartaa uumasut nakorsaannit Aasiaat nakorsaatilerivianut nassiunneqassaaq. Tassanngaanniit nakorsaat nakorsaatilerivimmut aaneqarsinnaanngussaaq.

a. Ammasarfiit: Ataasinngornermiit tallimanngornermut nal. 09:00-11:30 aamma 12:00-14:00.

4. Uumasut nakorsaata innersuussinera malillugu nakorsaat atorneqassaaq. Apeqqutissaqartillugu uummasut nakorsaat attavigeqqinneqarsinnaavoq.

Ummannami nakorsaat qanoq pissarsiarineqarsinnaava:

1. Nakorsaammut akileeqqusissummik qanorlu iliorlutit akiliuteqarnissamik nassinneqassaatit.

a. Mobilepay imaluunniit aningaaserivikkut nuussineq (ingerlaannartumik nuussineq).

2. Nakorsaat akilerneqassaaq.
3. Akiliutissaq tiguneqariarpat nakorsaatip allagartaa uumasut nakorsaannit Uummannami peqqissaavimmut nassiunneqassaaq.
4. Nakorsaat peqqissaavimmi 1 sal-imi nakorsaatinik tunniussisarfimmi aassavat.

a. Ammasarfiit: Ataasinngorneq, marlunngorneq aamma sisamanngorneq nal. 14:30-15:30.

5. Uumasut nakorsaata innersuussinera malillugu nakorsaat atorneqassaaq. Apeqqutissaqartillugu uummasut nakorsaat attavigeqqinneqarsinnaavoq.

Tasiilami nakorsaat qanoq pissarsiarineqarsinnaava:

1. Nakorsaammut akileeqqusissummik qanorlu iliorlutit akiliuteqarnissamik nassinneqassaatit.

a. Mobilepay imaluunniit aningaaserivikkut nuussineq (ingerlaannartumik nuussineq).

2. Nakorsaat akilerneqassaaq.
3. Akiliutissaq tiguneqariarpat nakorsaatip allagartaa uumasut nakorsaannit Tasiilami napparsimavimmut nassiunneqassaaq.
4. Nakorsaat peqqissaavimmi 1 sal-imi nakorsaatinik tunniussisarfimmi aassavat.

a. Ammasarfiit: ataasinngorneq, marlunngorneq aamma sisamanngorneq nal. 10:00-15:00.

5. Uumasut nakorsaata innersuussinera malillugu nakorsaat atorneqassaaq. Apeqqutissaqartillugu uummasut nakorsaat attavigeqqinneqarsinnaavoq.

Qeqertarsuarmi nakorsaat qanoq pissarsiarineqarsinnaava:

1. Nakorsaammut akileeqqusissummik qanorlu iliorlutit akiliuteqarnissamik nassinneqassaatit.

a. Mobilepay imaluunniit aningaaserivikkut nuussineq (ingerlaannartumik nuussineq).

2. Nakorsaat akilerneqassaaq.
3. Akiliutissaq tiguneqariarpat nakorsaatip allagartaa uumasut nakorsaannit Qeqertarsuarmi peqqissaavimmut nassiunneqassaaq.
4. Nakorsaataasiviup ammanerani nakorsaat peqqissaavimmut aaneqassaaq.

a. Ammasarfiit: Ataasinngorneq aamma tallimanngorneq nal. 13.00-15.00

5. Uumasut nakorsaata innersuussinera malillugu nakorsaat atorneqassaaq. Apeqqutissaqartillugu uummasut nakorsaat attavigeqqinneqarsinnaavoq.

Qasigiannguani nakorsaat qanoq pissarsiarineqarsinnaava:

1. Nakorsaammut akileeqqusissummik qanorlu iliorlutit akiliuteqarnissamik nassinneqassaatit.

a. Mobilepay imaluunniit aningaaserivikkut nuussineq (ingerlaannartumik nuussineq).

2. Nakorsaat akilerneqassaaq.
3. Akiliutissaq tiguneqariarpat nakorsaatip allagartaa uumasut nakorsaannit Qasigiannguani peqqissaavimmut nassiunneqassaaq.
4. Nakorsaataasiviup ammanerani nakorsaat peqqissaavimmut aaneqassaaq.

a. Ammasarfiit: Marlunngorneq aamma tallimanngorneq nal. 13.00-15.00

5. Uumasut nakorsaata innersuussinera malillugu nakorsaat atorneqassaaq. Apeqqutissaqartillugu uummasut nakorsaat attavigeqqinneqarsinnaavoq.

Nakorsaaseereernerup kingorna qimmeq suli napparsimappat, taava:
Uumasut nakorsaat attavigineqaqqissaaq.

Nakorsaataasivimmit nakorsaammik aallersinnaannginnermi:
Nammineerluni nakorsaataasivimmut nakorsaammik aallersinnaannginnermi, kammalaatip nakorsaat aasinnarlugu nassiukkiartorsinnaavaa.

Donnas Dyreklinik Nuummiittoq oqarasuaatitigut attavigineqarsinnaavoq, akiliinikkullu oqarasuaatitigut nakorsiartitsilluni nakorsaammik nassiussisinnaallutik.
Attaveqarfigisassanik paasissutissat il.il. Donnas Dyreklinikip nittartagaaniipput.

Donna's uumasut nakorsaqarfiata nittartagaata linkia

Uumasut nakorsai kisimik uumasunut nakorsaasiisinnaatitaapput. Pisariaqartitsinermi namminerlu toqqortaatinit pisinnaanngikkaanni uumasunut nakorsaatinik taamaallaat tunniussisoqarsinnaavoq.

Qimmeq qimuttoq katsorsarniaraanni qimmeq Uumareg-imik nalunaarsorneqarsimaqqaassaaq. Tamanna kommunimit qimmiutivit kapiteqqaarnerani aamma ID-mik ilisarnaaserneqarneranit pisarpoq..

Namminersorlutik Oqartussani uumasut nakorsai oqaloqatiginiaraanni tamanna akeqanngilaq. Qimmeq nakorsaammik pisariaqartitsissappat nakorsaatip tunniutinnginnerani tamanna akileqqaarneqassaaq.
Nakorsaatip akia assigiinngisitaartuuvoq, apeqqutaavorlu qimmip angissusia. Qimmit anginerit nakorsaat annertunerusoq pisariaqartittarpaat, taamaammallu immaqa nakorsaatit poortat marluk pisariaqartinneqassapput.

Qimminut qumaajaat: 75 kr.
Bakteriaajaatit: 125 kr.
Nipaallisaatit: 30 kr.
Timminnermi nakorsaatit: 95 kr.
Nakorsaatit allat: 35-135 kr.
Sullinneqarnermi akiliut: 50 kr.

Qulaani akit allassimasut nakorsaatinut pisiniarnermut akit allanngoratarsimatillugit allanngorsinnaasarput.