Fast trackimik akuersissuteqarnissaq pillugu qinnuteqaat

Fast trackimik aaqqissuussaq nunat allamiunik sukkanerusumik atorfinitsitsinissamut suliffeqarfinnut aqqutissaavoq, atorfimmut najukkami sulisinnaasumik pissaqanngikkaanni.

Suliffeqarfik pisussaaffeqarpoq, suliffeqarfimmi Kalaallit Nunaanni pissutsit malillugit nalinginnaasumik akissarsianut atorfeqarnermilu atugassarititat atuutsinneqarnissaannut.
Suliffeqarfik sullivimmi avatangiisit pillugit inatsimmik sakkortuumik unioqqutitsinermut tunngatillugu Sullivinnik Nakkutilliisoqarfimmi, politiini imaluunniit eqqartuussivinni sulianik ingerlasunik peqassanngilaq.
Suliffeqarfik nunat allamiut pillugit inatsimmik unioqqutitsisimasutut eqqartuunneqarsimassanngilaq.
Suliffeqarfiup qulakkiissavaa, sulisussanik avataaniit atorfinitsitsinermut kommunimit akuersissuteqarnissaq.
Suliffeqarfik akiliisinnaajunnaarluni nalunaarsimassanngilaq imaluunniit akiliisinnaajunnaartutut suliarineqalersimassanngilaq.

• isn@nanoq.gl
• Suliffeqarfiup CVR normua aamma Atia ilanngunneqassapput
• Atorfiit akuersissutigineqarnissaannik kissaatigineqartut assigiinngitsut tamaasa pillugit isumaqatigiissutit ilanngunneqassapput
• Akissarsiat atorfininnermilu atugassarititat, nunatsinni atugassarititanut assingusut, pillugit paasissutissat ilanngunneqassapput.
• Suliffeqarfik Kalaallit Nunaanni qitiusumik allaffeqassaaq imaluunniit immikkoortortaqarfeqarluni.

Akuersissut ukiut pingasut angullugit atuussinnaavoq.

Akuersissut qaangiutsinnagu siusinnerpaamik qaammatit pingasut sioqqullugit sivitsorneqarnissaanut qinnuteqartoqarsinnaavoq.

Akuersissummik atorunnaarsitsineq:
Inuussutissarsiummik ingerlataqarfimmut ataatsimut tamanulluunniit ullunik 30-nik siumut nalunaarutigineqartumik isumaqatigiissut Namminersorlutik Oqartussanit atorunnaarsinneqarsinnaavoq.

Suliffeqarfiit Fast-track-imut akuerisat nalunaarsorsimaffiat.