Umiatsiaaqqamik sinerissap qanittuani aalisarsinnaanermut akuersissummik qinnuteqarit

Inuussutissarsiutigalugu aalisartutut aalisarsinnaanermut akuersissummik peqartussaavutit.

Uani aalisakkanut makkununnga akuersissut pillugu qanoq qinnuteqarsinnaanersutit atuarsinnaavat:

• Saarulliit
• Saattuat
• Nipisat
• Qalerallit

Imatut inissisimaguit akuersissummik qinnuteqarsinnaavutit:

• inuttut ataasiinnartut
• akuerineqarnera

Aalisarsinnaanermut akuersissut ukunani atuuppoq:

• Sumiiffimmut killilikkamut ataatsimut,
• Ukiumi ataatsimi januaarip aallaqqaataaniit decembarip 31-ianut
• Piffissami aalisarfiusumi ataatsimi Aalisarnermut Piniarnermullu Naalakkersuisoqarfimmit nalunaarutigineqartumi.

Aalisakkat assigiinngitsut tamarmik tamakkiisumik pisassiiffigineqarput. Uani pisassiissutigineqartut aqutsiveqarfinni assigiinngitsuni avinneqarsimasinnaapput, taamaammallu aqutsiveqarfiit tamaasa immikkoortillugit pisissaavigineqarput. Pisassiissutit tamakkerlugit pisarineqaraangata aalisarneq aqutsiveqarfinni ataasiakkaani unitsinneqartarpoq.

Inuussutissarsiutigalugu aalisartutut aalisarnermut malittarisassat piumasaqaatillu aalajangersarneqarsimasut malinnissaannut pisussaaffeqarputit. Taakkunani peqqussutit angerlarsimaffittut kommunerisanni immikkuullarissinnaasut, soorlu sumiiffinnut eqqissisimatitanut illersuisut, aamma atuutsinneqarput. Kommunini ileqqoreqqusat pillugit inatsisit.gl-imi paasisaqarnerusinnaavutit.

Pinngortitap eriagineqarnissaanut nammineerlutit akisussaaffeqarputittaaq. Imaq ataatsimoorulluta isumalluutigaarput ataatsimoorlutalu aamma akisussaaffigalutigu.

Inuussutissarsiutigalugu aalisartutut aalisarsinnaanermut akuersissut pillugu qinnuteqarsinnaanermut piumasaqaatit makku naammassisimassavatit:

• Ukiuni siuliini akuersissummik assingusumik peqarsimassaatit / akuersissummik assinganik ukioq kingulleq peqarsimavutit
• Kalaallit Nunaanni akileraarutinut akiliisarputit, ukiunilu kingullerni marlunni akiliisarsimallutit
• Kalaallit Nunaanni najugaqartuuvutit, ukiunilu kingullerni marlunni najugaqartuusimallutit

Qinnuteqartunut nutaanut immikkut akuersissuteqartarneq
Ukioq kingulleq aalisarsinnaanermut akuersissummik peqarsimanngikkuit nutaatut qinnuteqartussaavutit, taamaammallu akuersissummik pissaguit piumasaqaatit makku naammassisimassavatit:

• 18-it 29-llu akornanni piffissap qinnuteqarfiup nalaani ukioqarnissat,
• Imarsiornermik ilinniagaqarsimassaatit imaluunniit aalisarnermik misilittagaqarnerit uppernarsarsinnaassavat. Aalisarnermut misilittagaqarneq inuussutissarsiutigalugu piniartuunermik uppernarsaammik, najukkanni aalisartut piniartullu peqatigiiffianit oqaaseqaammik, inuussutissarsiutigalugu aalisartumit aalisaqatigisimasannit oqaaseqaammik aamma/imaluunniit kommunerisanni inuussutissarsiornermut siunnersortigisannit oqaaseqaammik uppernarsarneqarsinnaassaaq. (taakku qinnuteqaammut ilanngunneqassapput.
• Aalisarnermut atortuutinik naleqquttunik pigisaqassaatit.

Qaanaami, Kalaallit Nunaata Kangiani Kujataaniluunniit najugaqaruit allamillu suliaqarnissamut periarfissaqanngippat, qinnuteqartunut nutaanut piumasaqaatinit immikkut akuerineqarnissamut qinnuteqarsinnaavutit.

Sumi najugaqartuunissamut piumasaqaammit immikkut akuersissuteqartoqarnissaa pillugu qinnuteqarnissannut periarfissaqarputit (kommunerisat aperiuk).

Toorsivissat saamiatungaaniittut toortarnerisigut piumasaqaatit sorliit aalisakkanut ataasiakkaanut atuunnersut pillugit paasisaqarnerusinnaavutit.

MitID atorneqarsinnaanngilaq.

Nipisanut, saattussanut, saarullinnut qaleralinnullu aalisarsinnaanermut akuersissut pillugu qinnuteqaat ataaseq atorlugu qinnuteqarsinnaavutit.

Qinnuteqaaternut ilanngussassat makku ilanngutissavatit:

• Imarsiornermik ilinniarnermiit attuumassutilimmiit ilinniarsimanermut uppernarsaatit, imaluunniit
• Aalisarnermik misilittagaqarnermut uppernarsaat. Aalisarnermut misilittagaqarneq inuussutissarsiutigalugu piniartuunermik uppernarsaammik, najukkanni aalisartut piniartullu peqatigiiffianit oqaaseqaammik, inuussutissarsiutigalugu aalisartumit aalisaqatigisimasarnit oqaaseqaammik aamma/imaluunniit kommunerisanni inuussutissarsiornermut siunnersortigisannit oqaaseqaammik uppernarsarneqarsinnaassaaq

Una toorlugu qinneqarfissaq aaajuk

Qinnuteqaatigisat kommunerisannut tunniutissavat, kommunilu qinnuteqaammik aamma atsiussaaq.

Qinnuteqarnissannut apeqqutissaqassaguit imaluunniit ikiorneqarnissamik pisariaqartitsissaguit qinnuteqarnissamut ilitsersuut tullinnguuttuniittoq atuarsinnaavat imaluunniit kommunerisat attaveqarfigisinnaavat.

Qinnuteqaatit nassiutereerukku aalisarsinnaanermut akuersissummik suliaqarneq aallartissaaq.

Umiatsiaaqqamik aalisarsinnaanermut akuersissutip illit pigisappit nutarternissaa pillugu qinnuteqaruit akuersissut kommunip ilinnut tunniussinnaavaa.
Siullermeertumik umiatsiaaqqamik aalisarsinnaanermut akuersissummik qinnuteqaruit, taava qinnuteqaatit kommunip Aalisarnermut Piniarnermullu Naalakkersuisoqarfimmut ingerlateqqissavaa, taassumalu qinnuteqaatit suliarissavaa.

Qinnuteqaatinnik suliarinninneq ullut suliffiusartut 10-t missaannik sivisussuseqassaaq. Qinnuteqaativit suliarineqarnissaanut paasissutissat amigarpata attavigineqarumaarputit.

Qinnuteqaatigisat akuerineqarsimanersoq itigartinneqarsimanersorluunniit maili nassiussat aqqutigalugu kommunimiit akineqarumaarputit. Mail-i oqarasuaalluunniit aqqutigalugu akissutisiumaarputit.

Aalisarsinnaanermut akuersissummi massakkut pigisanni paasissutissanik allanngortoqarsimappat tamanna Aalisarnermut Piniarnermullu Naalakkersuisoqarfimmut paasissutissiissutigissallugu pisussaaffeqarputit.

Allannguinerit pillugit tigusaqartoqariarpat nutaamik akuersissusiuunneqassaatit, tassanilu paasissutissat nutaat ilanngunneqassapput.

Inuussutissarsiutigalugu aalisartutut paasissutissat eqqortut tunngavigalugit aalisarnermik ingerlatannut akuersissummik atuuttumik peqarnissat illit akisussaaffigivat.

Ukioq naallugu saarullinnut, qaleralinnut, saattussanut nipisanullu aalisarsinnaanermut akuersissummik qinnuteqarsinnaavutit.