Aallarteqqinnissamut tapiiffigineqarnissamut qinnuteqarfissaq

Aalisarnermut Piniarnermullu Naalakkersuisoqarfiup suliassaasa ilagaat, Aalisarnermut Piniarnermullu inussutissarsiutit ingerlaavaartumik ineriartortuarnissaannut aamma unammillersinnaassuseqarnissaanut suleqataanissaq. Taakkunanilu suleqataasinnaanissamut Inuussutissarsiutitigut tapersiisarnermut immikkoortortaqarfik aaqqissuussaasarpoq - Aalisarnermut Piniarnermullu Naalakkersuisoqarfimmi Inuussutissarsiutitigut tapersiisarfiup immikkoortortaqarfianni.

Inuussutissarsiutitigut tapersiinerit tassaapput Aalisartunut Piniartunullu ataani allaqqasunik qinnuteqarfiusinnaasut:

• Umiatsiaaqqanut tapiissut.
• Aallarteqqinnissamut tapiiffigineqarnissamut qinnuteqaat.
• Angallammut qinnuteqaat.
• Angallat isatertinnissaanut kiisalu angallammut pisoqalisimasumut isaterititsineq.
• Silap pissusaata allanngornerani ajunaarnersuartut ittumik tassanngaannartumik pisoqartillugu inuussutissarsiorsinnaanngikkallarnermi ikiorsiissutinik qinnuteqarneq.

Inuussutissarsiutigalugu umiatsiaararsortunut immikkut ittumik tapiissutinik qinnuteqalernermi piumasaqaatit ukuupput:

• Piniartuunissat, aalisartuunissat imaluunniit Kalaallit Nunaannilu najungarisami aalisartuunissat.
• 18-it 65-llu akornanni ukioqarnissat.
• Inuussutissarsiutigalugu aalisartuusimanissat imaluunniit piniartuusimanissat
  sivikinnerpaamik ukiuni marlunni
• Umiatsiaaraq 16 aamma 19 fodi akornanni angitigissasoq.

Qaanaap eqqaamiuuguit Tunumiuuguit Kujataarmiuuguit umiatsiaaqqap akiata 84%-ia tikillugu tapiissutigineqartarpoq. Kalaallit Nunaata sinnerani umiatsiaaqqap akiata 75%-ia tikillugu tapiissuteqartarluni.

Umiatsiaaqqamut tapiiffigineqarnissarnut Kommunerisarni inuussutissarsiutigut siunnersuisarfimmi kiisalu KONFIFA-mi aalisartunut piniartunullu siunnersuisoq aqqutigalugu qinnuteqariartorsinnaavutit. (KONFIFA www.konfifa.gl)

Aallarteqqinnissamut tapiiffigineqarnissamik qinnuteqarniaruit, qinnuteqarnermi immersuiffissaq immersussavat. Qinnuteqaatit Aalisarnermut Piniarnermullu Naalakkersuisoqarfimmut nassiunneqassaaq. esu@nanoq.gl

Aallarteqqinnissamut tapiiffigineqarnissamut qinnuteqarnissamut immersuiffissaq


Qinnuteqarnissamut immersuiffissaq najukkanni sullissivimmi, Aalisarnermut Piniarnermullu Naalakkersuisoqarfimmi imaluunniit Aalisarnermut Piniarnermullu siunnersortimik KONFIFA-minngaanniit pissarsiarisinnaavat.

Qinnuteqarnerni ilanngutissavat:

• Ukiuni kingulliit pingasuni isertitat allangartai
• Aalisartut Piniartullu inuussutissarsiuteqarnerit uppernarsaatit
• Pisiffissaminngaanniit neqeroorusiaq
• Aallarteqqinnissamut tapiiffigineqarnissamik aningaasat qanoq amerlatigisumik taperneqarusunnerlutit.
• Aalisarnermut Piniarnermullu inuussutissarsiutitigut siunnersortip imaluunniit Peqatigiiffimminngaanniit tapersiut.
• Pigisat qanoq ajutoorutigisimanerinut nassuiaasersuut.

Malugiuk; Aallarteqqinnissamut tapiissutit ataasiaannarluni ikiorsiissutigineqartarmata, 2.000,00 – 25.000,00 koruuninik.

Kommunerisanni innuttaasunik sullissivimmi qinnuteqaativit immersornissaanut ikiorneqarsinnaavutit. Aammattaaq ikiorneqarnissamut Aalisarnermut Piniarnermullu Naalakkersuisoqarfimmut aammattaaq KONFIFA-mut attaveqarsinnaavutit

Tapiissutit
Inuussutissarsiutitigut tapiissutinik qinnuteqarniaruit, qinnuteqaatit Aalisarnermut Piniarnermullu Naalakkersuisoqarfimmut nassiutissavat. esu@nanoq.gl

Aallarteqqinnissamut tapiiffigineqarnissamik suliamut ingerlatseriaaseq.

1. Sumiiffimmi kommunerisanni innuttaasunik sullissivimmi qinnuteqaatit Aalisarnermut Piniarnermullu Naalakkersuisoqarfimmut nassiunneqarpat,
2. Aalisarnermut Piniarnermut Inussutissarsiutitigut Tapersiisarsarnermut immikkoortortaqarfimmi sulisut qinnuteqaatit suliarissavaat.
3. Qinnuteqaatit ullut qulit iluani akineqareersimassaaq
4. ukioq kaajallallugu qinnuteqarsinnaavutit.
5. Sumiiffigisanni sullissivimmi sullissisoq kiisalu illit qinnuteqartuusutit Tapiissutinik tunineqarsimanersutit itingartitaasimanerlutilluunniit allakkamik nassiussisoqassaaq.

Umiatsiaaqqanut tapiissutitnik, aallarteqqinnissamut tapiiffingineqarnissamut, angallatinut, aserorterititsinissamut kiisalu Silaannaap allanngorarnerata peqqutaanik qinnuteqarnermut suleriaaseq.

Qinnuteqarfissanut piffissaliussat:

1. Umiatsiaaqqamut tapiiffigineqarnissamut piffissaliussaavoq Marts naanerata tungaanut qinnuteqarsinnaaneq.
2. Aallarteqqinnissamut tapiiffigineqarnissamik qinnuteqarneq Ukioq kaajallallugu piffissaliussaavoq.
3. Angallatitaarnissamut qinnuteqarniarnermi Ukioq kaajallallugu periarfissaavoq.
4. Angallatinut aserortitinissamut qinnuteqarniaraanni periarfissaavoq 31. Marts Ukioq atuuffiusumi qinnutigineqarnissaa, ataatsimiititalianinngaanniit suliarineqartaramik.
5. Silaannaap allanngornera peqqutigalugu piffissap sivikitsup iluani aningaasanik isaatitsinnginnermi periarfissaavoq qinnuteqassalluni.

Inuussutissarsiummut tapiissutisinissamik qinnuteqaatit itigartinneqarsimappat
naammagittaalliuuteqarsinnaavutit:

• Isumaqaruit kukkusumik tunngaveqarluni itigartitsisoqarsimasoq
• Isumaqaruit paasissutissanik nutaanik qinnuteqaatinnut tunngasunik pisoqarsimasoq

Itigartinneqarnerpit kingorna ullut 14-it qaangiutsinnagit allakkatigut naammagittaalliuuteqassaatit. Naammagittaalliuut Aalisarnermut Piniarnermullu Naalakkersuisoqarfimmut nassiunneqassaaq.

Naammagittaalliuutinni tunngavilersuinissat eqqaamassavat.
Naammagittaalliuutit suliarineqareerpat akissutisissaatit.

Aalisarnermut Piniarnermullu Naalakkersuisoqarfiup aalajangigai oqartussanut allanut maalaarutigineqarsinnaanngillat.