Aalisartunut, piniartunut savaatilinnullu ataatsimoorussamik sillimmasiineq

Ataatsimorussamik sillimmasiissut aalisartunut, piniartunut aammalu savaatilinnut namminersortunut sulisartuinullu, sullisilluni ajoqusernermut aammalu sulinermik patsiseqartunik ajuutinut sillimasiissutaavoq.

Ataatsimoorussamik sillimmasiinermi iluaqutissat makku pisinnaavatit:

• Napparsimallutit angerlarsimatitaaguit, imaassinnaavoq ullormusiaqartinneqartutit.
• Ajoqusernerup kingorna ataavartumik ajuuteqalersimaguit imaasinnaavoq ajunngitsorsiaqartitaasutit.
• Ajoqusernerup kingorna sulisinnaanngikkuit, utaqqiisaasumik tarsiiffigineqarsinnaavutit, imaluunniit qaammatikkaartumik tunniunneqartartumik taarsiiffigineqartutit.
• Ajoqusernerup kingorna sukkannerpaamik passunneqarnissannut ikiussavatsigit. Ajoqusernerit pissutaalluni passunneqarnissat Kalaallit Nunaanni naammassineqarsinnaanngippat Qallunaat
  Nunaannukarlutit passunneqarnissat isumagisinnaavarput.
• Sulissillutit toqunermi katissimasap/aapparisap, aningaasanik ataasiaq tigusassanik aammalu ukiuni quini ukiumut isertitat 30 %-at angullugu pisarnissaq pisinnaatitaaffigaa.
• Meeqqannik qimataqaruit, meeqqavit 18-nik ukioqalernissaat tikillugu ukiumut isertitavit 10 %-nik
  pisarnissaq pisinnaatitaaffigisinnaavaat. Meeqqatit ilinniartuuppata 21-nik ukioqalernissartik tikillugu
  ukiumoortumik pisarnissaq pisinnaatitaaffigisinnaavaat.
  
  

Akinik annertussusiliinerit atuuttut www.cfa.gl-mut iserlutit annertunerusumik atuarsinnaavatit.

Imminut sillimmaserneq nammineq piumassuseq atorlugu sillimmaserneruvoq, sulisoqaruilli sulisutit inatsisit malillugit sulisilluni ajoqusernerup kingunerinut sillimmateqartinnissaat pisussaatitaaffigivat.

Sulisutit sillimasersimanngikkukkit sulisuit/ikiortivit sulisillutik ajoquserneri akilertussangorsinnaavatit.

Aalisartuuguit, piniartuuguit imaluunniit savaatiliuguit, inuussutissarsiutinilu taaneqartuni ingerlatsinissamut akuersissummik peqarlutit, angallatillu 15 miiterinit/49,21 fod-imik mikineruppat pisortatigoortumik tapiissutit atorlugit sillimmasernisaq pisinnaatitaaffigivat.

Ataatsimorussamik sillimasiissutip ajoquserit aammalu inuussutissarsiutigalugu nappaatigilikkanut atuuppoq.

Suliffimmut inummiit ataatsimit ingerlanneqartumut inuk ataaseq ukiumut 1.800 kr.-nik akeqarpoq, aammalu suliffeqarfiutilinnut allanut piumasaqaatinik naammassinnissinnaasunut, inuk ataaseq 3.000 kr.-nik akeqarluni.

Namminersortut ataatsimoorussamik sillimasiinermut ilaasortaasut, Arbejdsmarkedets Erhvervssikring-mut sillimmasissanngillat aammalu ilanngutissanatik, sulisut ataatsimoorussamik sillimmaserneqarsimanertik aqqutigalugu inuussutissarsiornermi nappaatigilikkanut sillimmasigaareermata.

Ataatsimoorussamik sillimateqarneq pillugu www.cfa.gl-mi annertunerusumik atuarsinnaavat, aammalu www.gruppeforsikring.gl aqqutigalugu ataatsimoorussamik sillimmasiinermut ilanngussinnaallutit.

Ataatsimoorussamik sillimmasiineq pillugu inatsit www.cfa.gl-mut iserlutit annertnerusumik atuarsinnaavatit.