Silap pissusaata allanngornerani ajunaarnersuartut ittumik pisoqartillugu inuussutissarsiorsinnaanngikkallarnermi ikiorsiissutinik qinnuteqarfissaq

Aalisarnermut Piniarnermullu Naalakkersuisoqarfiup suliassaasa ilagaat, Aalisarnermut Piniarnermullu inussutissarsiutit ingerlaavaartumik ineriartortuarnissaannut aamma unammillersinnaassuseqarnissaanut suleqataanissaq. Taakkunanilu suleqataasinnaanissamut Inuussutissarsiutitigut tapersiisarnermut immikkoortortaqarfik aaqqissuussaasarpoq - Aalisarnermut Piniarnermullu Naalakkersuisoqarfimmi Inuussutissarsiutitigut tapersiisarfiup immikkoortortaqarfianni.

Inuussutissarsiutitigut tapersiinerit tassaapput Aalisartunut Piniartunullu ataani allaqqasunik qinnuteqarfiusinnaasut:

• Umiatsiaaqqanut tapiissut.
• Aallarteqqinnissamut tapiiffigineqarnissamut qinnuteqaat.
• Angallammut qinnuteqaat.
• Angallat isatertinnissaanut kiisalu angallammut pisoqalisimasumut isaterititsineq.
• Silap pissusaata allanngornerani ajunaarnersuartut ittumik tassanngaannartumik pisoqartillugu inuussutissarsiorsinnaanngikkallarnermi ikiorsiissutinik qinnuteqarneq.

Piumasaqaatit:

Ajunaarnersuaqarneranut atatillugu aningaasaateqarfimmit tapiisoqartarsinnaavoq ima pisoqartillugu:

1. Ajunaarnersuaqarneranut atasumik inuussutissarsiornermi isertitassatit annaagukkit.
2. Naalakkersuisut kisimik Aningaasaqarnermut Akileraartarnermullu ataatsimiititaliap akuersineratigut, tusagassiuutit aqqutigalugit nalunaarutigisinnaavaat, ajunaarnersuarmut assigusumik pisoqarsimasoq.
3. Aalisartuussaatit, piniartuullutit, imaluunniit nunalerinermik inuussutissarsiuteqarlutit.
4. Inuussutissarsiutigalugu suliffigisat ajunaarnersuarmik pisoqarfimmiissalluni.
5. Sillimmasiisarfivit tamanna matussusersinnaanngippagu.
6. Allatigut kommunini aamma Namminersorlutik oqartussani tapiissarnerit allat periarfissiinngippata.

Silap pissusaata allanngornerani ajunaarnersuartut ittumik pisoqartillugu inuussutissarsiortoqarsinnaanngikkallarnermi ikiorsiissutinik qinnuteqaammut immersuiffissaq.

Qinnuteqarfissamut immersuiffissaq.

Sulinermi isertitassanik annaasanik aamma isertitassaagaluanik annaasaqarnermi inuussutissarsiornermi sumiiffinni ajunaarnersuartut ittunik naalaatsiffiusuni tapiiffigineqarnissamut qinnuteqartoqarsinnaavoq.

Qinnuteqarneq

Ajunaarnersuarmut atatillugu qinnuteqaasiussaguit, qinnuteqarnissamut immersugassaq immersussuat,

Qinnuteqaat esu@nanoq.gl Piniarnermut Aalisarnermullu Naalakkersuisoqarfimmut ESU-p
immikkoortortaqarfianut nassiunneqassaaq.

Qinnuteqarnermi immersugassaq sumiiffigisanni sullissivimmi pisinnaavat, aamma Aalisarnermut
Piniarnermullu Naalakkersuisoqarfimmi imaluunniit Savaatillit Peqatigiit Suleqatigiissuni (SPS)
siunnersorteqarfianni pissarsiarisinnaavat.


Tapiissutit
Inuussutissarsiutitigut tapiissutinik qinnuteqarniaruit, qinnuteqaatit Aalisarnermut Piniarnermullu Naalakkersuisoqarfimmut nassiutissavat. esu@nanoq.gl

Akigititat:

Aningaasaateqarfik 1 mio. kr-nik imaqarpoq taakkualu ajunaarnersuaqartillugu kiisalu aningaasaateqarfiup imaarunnissaata tungaanut ingerlaavartunik agguaanneqartassapput.

Tapiissutit annertussusissaat, Inuttut qinnuteqaatit aamma pisut ataasiakkaat aallaavigalugit aalajangerneqartassaaq.

Aallarteqqinnissamut tapiiffigineqarnissamik suliamut ingerlatseriaaseq.

1. Sumiiffimmi kommunerisanni innuttaasunik sullissivimmi qinnuteqaatit Aalisarnermut Piniarnermullu Naalakkersuisoqarfimmut nassiunneqarpat,
2. Aalisarnermut Piniarnermut Inussutissarsiutitigut Tapersiisarsarnermut immikkoortortaqarfimmi sulisut qinnuteqaatit suliarissavaat.
3. katersorneqaqqaartarput. Ukioq kaajallallugu qinnuteqarsinnaavutit.
4. Sumiiffigisanni sullissivimmi sullissisoq kiisalu illit qinnuteqartuusutit Tapiissutinik tunineqarsimanersutit itingartitaasimanerlutilluunniit allakkamik nassiussisoqassaaq.
5. Ajunaarnersuaqarneranut atatillugu naalakkersuisut ataatsimeereernerata kingorna qinnuteqaatit akuerineqartut suliarineqassapput.

Qinnuteqarfissanut piffissaliussat:

1. Umiatsiaaqqamut tapiiffigineqarnissamut piffissaliussaavoq Marts naanerata tungaanut qinnuteqarsinnaaneq.
2. Aallarteqqinnissamut tapiiffigineqarnissamik qinnuteqarneq Ukioq kaajallallugu piffissaliussaavoq.
3. Angallatitaarnissamut qinnuteqarniarnermi Ukioq kaajallallugu periarfissaavoq.
4. Angallatinut aserortitinissamut qinnuteqarniaraanni periarfissaavoq 31. Marts Ukioq atuuffiusumi qinnutigineqarnissaa, ataatsimiititalianinngaanniit suliarineqartaramik.
5. Silaannaap allanngornera peqqutigalugu piffissap sivikitsup iluani aningaasanik isaatitsinnginnermi periarfissaavoq qinnuteqassalluni.

Inuussutissarsiummut tapiissutisinissamik qinnuteqaatit itigartinneqarsimappat
naammagittaalliuuteqarsinnaavutit:

• Isumaqaruit kukkusumik tunngaveqarluni itigartitsisoqarsimasoq
• Isumaqaruit paasissutissanik nutaanik qinnuteqaatinnut tunngasunik pisoqarsimasoq

Itigartinneqarnerpit kingorna ullut 14-it qaangiutsinnagit allakkatigut naammagittaalliuuteqassaatit.

Naammagittaalliuut Aalisarnermut Piniarnermullu Naalakkersuisoqarfimmut
nassiunneqassaaq

Naammagittaalliuutinni tunngavilersuinissat eqqaamassavat.
Naammagittaalliuutit suliarineqareerpat akissutisissaatit.

Aalisarnermut Piniarnermullu Naalakkersuisoqarfiup aalajangigai oqartussanut allanut maalaarutigineqarsinnaanngillat.

 

Aningaasaateqarfik 1 mio. kr-nik imaqarpoq taakkualu ajunaarnersuaqartillugu kiisalu aningaasaateqarfiup imaarunnissaata tungaanut ingerlaavartunik agguaanneqartassapput.

Tapiissutit annertussusissaat, Inuttut qinnuteqaatit aamma pisut ataasiakkaat aallaavigalugit aalajangerneqartassaaq.