Illit angajoqqaatut oqartussaassusilittut akisussaaffeqarnerit aamma meeqqap akisussaaffeqarnerat

Meeqqap ineriartornera, ingerlalluarnera, peqqissusialu pillugit ernumaat aallaavigalugu nalunaarummik kommuni tigusigaangami, kommunimi sulianik suliarinnittartut meeqqap angajoqqaavi angajoqqaat akisussaanerat pillugu oqaloqatiginninnissamut aggersarsinnaavaat, aamma meeqqap akisussaaffeqarnerat pillugu meeraq aggersarsinnaavaat. Kommuni aggersaassaaq ilinnut allakkanik aggersaassutinik nassiussilluni imaluunniit oqarasuaat atorlugu attaveqarluni.

Angajoqqaat akisussaanerat pillugu oqaloqatiginninnerup siunertaraa meeqqap ineriartornera ingerlalluarnera peqqissusaalu ataatsimoorluni tapersersueqatigiilluni suleqatigiinnissamik pilersitsinissaq.

Meeqqap akisussaaffeqarnerat pillugu oqaloqatigiinnerup siunertaa tassaavoq illit ineriartornerit, ingerlalluarnerit peqqissutsillu pitsanngoriartinnissaanik suleqatigiiinnissarput.
Illit angajoqqaatillu kommunimit suleqateqarlusi illit pissusilersuutivit pitsaanngitsut pinaveersaartinnissaat unitsinnissaallu sulissutigissavasi, aamma illit angajoqqaatillu pisussaaffiligaassaasi.

Illit meeqqat isumassorneqarnissaminut toqqissisimatitaanissaminullu pisinnaatitaaffeqarpoq.
Illit meeqqat ataqqineqarluni pissusilersorfigineqartussaavoq aamma timimigut tarnimigulluunniit persuttaqqussaanngilaq imaluunniit allatigut sumiginnaqqusaanngilaq.
Illit meeqqavit soqutigisai pisariaqartitaalu aallaavigalugit toqqaasinnaavutit.
Meeqqat inuusuttullu angajoqqaami oqartussaaffiisa ataani inissisimasarput, katisimasuusimanngippata.
Illit angajoqqaatut oqartussaassusilittut illit meeqqat angajoqqaatut oqartussaassuseqarfigivat.
Kommuni illit meeqqat pillugu nalunaarummik tigusaqarsimaguni, illit angajoqqaatut akisussaaffiitit pillugit aggersarneqarsinnaavutit.
Illit angajoqqaatut aamma meeqqatut, akisussaaffiit pillugit oqaloqateqarnissamut kommunimit assigiinngitsutigut aggersarneqarsinnaavutit, soorlu oqarasuaatikkut, mailikkut allakkatigulluunniit.

Ernummaateqarneq makkunannga imaqarsinnaavoq:

1. illit meeqqat atuanngitsuukulavallaartoq imaluunniit atuartussaatitaanermik naammassinnissimanngitsoq.
2. illit meeqqat pinerluuteqarsimasoq.
3. illit meeqqat ilungersunartumik pissusilersornerminik imaluunniit naleqqussarnerminik ajornartorsiuteqarpat.
4. illit angajoqqaatut meeqqavit ajornartorsiutaasa aaqqiissuteqarfiginiarnerini kommunimik suleqateqarusunngikkuit.
   Angajoqqaat akisussaaffeqarnerat pillugu oqaloqatigiinnermi angajoqqaat meeqqaminnut akisussaaffeqarnerinik aamma angajoqqaatut oqartussaassusillip pisussaaffimmisut naammassisassaanik naatsorsuutigisat eqqartorneqartarput.

Angajoqqaat kommunillu meeqqap pitsaanngitsumik pissusilersornerata suleqatigiillutik pinaveersaartitsinissaat unititsinissaallu oqaloqatigiinnerup siunertaraa.
Angajoqqaatut oqartussaassusillip kajumissuseqarnartumik anguniangaqartarnissaq siunertaavoq; meeqqap atuariartortarnissaanik imaluunniit ulluunnerani paaqqinniffimmukartarnissaanik isumaginninneq, angajoqqaanut ataatsimiinnerni peqataasarneq, angajoqqaanut pilersaarummi peqataasarneq kiisalu meeqqap ajornartorsiutaasa aaqqiiffigineqarnissaat pillugit oqartussaasut attuumassutilinnik ataatsimiinnerni peqataasarneq.

Tassa imaappoq; meeqqap ineriartornera ingerlalluarnera peqqissusaalu tapersersorniarlugit ataatsimoorluni suleqatigiinnissaq angajoqqaat akisussaaffiinik oqaloqatigiinnerup siunertarisarpaa.
Meeqqavit ineriartorneranut ingerlalluarneranulluunniit navianartorsiortoqarsinnaammat ernumasoqalersinnaavoq imaluunniit illit angajoqqaatut akisussaaffivit naammassinissinnaasimannginnavit ernumasoqalertoq.
Angajoqqaat akisussaaffii pillugit oqaloqateqarnerup inernerisinnaavaa illit meeqqavit ajornartorsiutigisaata aaqqiiffigineqarnissaanut tapertaasinnaasumik illit angajoqqaatut oqartussaaffilittut ataatsimik arlalinnilluunniit aalajangersimasumik/-nik pisussaaffilerneqartutit.

Illit meeraguit 12-t 17-illu akornanni ukioqartoq, meeqqatut akisussaaffeqarputit, tassa imaappoq illit nammineq imminut akisussaaffigivutit aamma illit iliuutsitit akisussaaffigivatit.
Illit ineriartornerit ingerlalluarnerit peqqissuunerilluunniit pillugit ernumaamik tigusaqarsimaguni kommunip illit meeqqat akisussaaffeqarnerat pillugit oqaloqatiginiarlutit aggersarsinnaavaatit.

Illit meeqqatut pisinnaatitaaffeqarputit, kisianni aamma illit imminut akisussaaqataavutit aamma iliuuserisatit pillugit akisussaaqataallutit.
Imaassinnaavoq illit atuariartorneq ajortutit, pinerluttuliorsimasutit imaluunniit pissusilersornikkut naleqqussarniarnikkulluunniit ajornartorsiuteqartutit.
Taamaattumik illit ineriartornerit ingerlalluarnerit peqqissuunerillu illit suleqatigalutit pitsanngorsarusullugit kommunivit meeqqat akisussaaffeqarnerat pillugu oqaloqatiginiarlutit aggersarsinnaavaatit.

Illit, angajoqqaatit kommunilu pitsaanngitsumik pissusilersuutit pinaveersartinnissaanut unitsinnissaannullu suleqatigiissaasi aamma illit nammineq angajoqqaatillu ilinnut pitsaanerpaaq anguniarlugu pisussaaffiilerneqassuusi.

Meeqqat akisussaaffeqarnerat pillugu ilaatigut siunertaraa illit tusarniaaffigineqassagavit, ajornartorsiutippit aaqqinnissaanut, tapersersorneqarnissamik pisariaqartitsinersutit.