Meeqqanut akilersuutit imaluunniit meeqqanut akilersuutit allanngortinneqarnissaat pillugit qinnuteqarneq

Ataatsimoorussamik meeqqaminnut angajoqqaat tamarmik immikkut pilersuisussaatitaapput. Angajoqqaat inuunerminni atugaat, aamma meeqqamut pitsaanerpaasussaq eqqarsaatigalugit, meeraq pilersorneqassaaq, perorsarneqassaaq aamma ilinniartinneqassaaq.

Meeqqamut pilersuisussaatitaanertik angajoqqaap aappaata naammassinngippagu, angajoqqaap aappaata angajoqqaaqatimi meeqqap pilersorneqarneranut akilersuuteqarnissamik naalakkerneqarnissaa noqqaassutigisinnaavaa.

Angajoqqaaq taanna meeqqamik najugaqateqartoq – imaluunniit sivisunerpaamik najugaqateqartoq, aallaaviatigut tassaassaaq angajoqqaaqatimi meeqqanut akilersuutinik akiliinissaa pillugu qinnuteqarsinnaasoq. Nalinginnaasumik taamaallaat meeqqap 18-iliinissaanut akilersuisoqassaaq.

Taamaalilluni, assersuutigalugu avinnerup kingorna meeqqamut pilersuinermut akilersuutitut, meeqqanut akilersuutit aningaasatigut tapiissutaapput angajoqqaap aappaata (akilersuutinik akiliisartup) angajoqqaaqatiminut (akilersuutinik tigusisartumut) akiligassai.

Pisut akilersuutinik akiliisussaatitaanermik kinguneqarsinnaasut assersuutigalugu tassaapput:

- Illit angajoqqaallu aappaa najugaqatigiikkunnaarpusi
- Meeraq illit najukkanut nuuppoq
- Angajoqqaaq meeqqamut aningaasartuutinik akiliisarunnaarpat

Meeqqap pilersorneqarnissaa isumaqatigiissutigigussiuk, nammineerlusi tamanna pillugu isumaqatigiissusiorsinnaavusi. Assersuutigalugu angajoqqaap aappaata angajoqqaaqatiminut meeqqamut akilersuutinik akiliisarnissaa isumaqatigiissutigisinnaavarsi, imaluunniit meeqqap pilersorneqarneranut aningaasartuutisi avillugit akilertassagissi isumaqatigiissutigisinnaavarsi. Aningaasat amerlassusaat isumaqatigiissutigisinnaanngikkussiuk, imaluunniit akilersuutip Naalagaaffiup Sinniisoqarfianit aalajangerneqarnissaa kissaatigigussiuk, qinnuteqaammik nassiussissaasi.

Angajoqqaaq akilersuutinik pisinnaatitaasoq angajoqqaarlu akilersuutinik akiliisartoq najugaqatigiileqqippata, akilersuutinik akiliisussaatitaaneq atorunnaassaaq.

Meeqqanut akilersuutit qaammatit tamaasa siumoorluni akilerneqartassapput.

Meeqqanut akilersuutinik pissagaanni tulliuttut piumasaqaataapput:

• meeraq Kalaallit Nunaanni kommunimi angerlarsimaffeqassasoq
• meeraq imaluunniit akilersuutinik tigusisartoq qallunaat naalagaaffianni innutaasutut pisinnaatitaassasoq, imaluunniit, allakkut, Kalaallit Nunaanni oqartussaasunit akilerneqartunik akilersuutinik tapiissutinilluunniit tigusinissamut pisinnaatitaasoq
• meeraq inuusuttorluunniit pisortanit pilersorneqassanngitsoq
• meeraq meeravissiartaarineqarnissaq siunertaralugu paarineqassanngitsoq
• meeqqap angajoqqaavi najugaqatigiissanngitsut
• angajoqqaap aappaa meeqqap pilersorneqarneranut siulianili akilersueriissanngitsoq

Piffissami akilersuutip akilerneqarnerani meeqqap sumi najugaqarnera, nalinginnaasumik akilersuutit annertussusaanut apeqqutaavoq.
Meeqqanut Kalaallit Nunaanni najugaqartunut nalinginnaasumik akilersuut massakkut meeqqamut ataatsimut qaammammut 1068,50 kr.-iuvoq.
Angajoqqaap akiliisussap isertitai, akilersuutit annertussussaannut apeqqutaapput. Taamaattoq malittarisassaq pingaarneq malillugu akilersuut nalinginnaasumik akilersuummit appasinneruneq ajorpoq, aamma naak akilersuummik akiliisartup isertitai annikikkaluartut.

Akilersuut qaffataq
Akilersuummik akiliisartoq qaffasissumik isertitaqartarpat, meeqqamut akilersuummik qaffatamik meeqqamut qinnutigineqarsinnaavoq. Akilersuut qaffataq tassaavoq akilersuut nalinginnaasumik akilersuummit qaffasinnerusoq.

Akilersuutip qaffasissusissaata nalilersorneqarnerani aningaasartuutit, akilersuutinik akiliisussap nammineq meeqqami pilersornissaanut atugai, eqqarsaatigineqassapput. Imaappoq, meeqqat amerlassusaat, akilersuutinik akiliisartup pilersussallugit pisussaaffigisai, akilersuutip annertussusaanut pingaaruteqarput.

Akilersuutinik akiliisartoq pillugu Naalagaaffiup sinniisoqarfia paasissutissanik akileraartarnermut aqutsisoqarfimmut pissarsiniassaaq. Tamanna suliamik suliarinninnerup sivisuneruneranik kinguneqarsinnaavoq.

Ataani qulequttami Akilersuutip annertussusaata allanngortinneqarnissaa pillugu qinnuteqarneq-rup ataani akilersuutip annertussusaata allanngortinneqarnera pillugu qinnuteqaat pillugu annertunerusumik atuagaqarit.

Meeqqamut akilersuutit pillugit imaluunniit akilersuutip annertussusaa pillugu qinnuteqarniaruit, internettimut attaveqarneq atorlugu attataasaq quppernerup uumap qulerpiaaniittoq sungaartoq “Uani qinnuteqarit” atorlugu qinnuteqassaatit aamma illit inuttut MitID-t atorlugu qupperneq pulaffigiuk.

Akilersuutip aalajangersagaareersup qaffanneqarnissaa pillugu qinnuteqaruit, uppernarsaatit tulliuttut ilanngutissavatit

- Akilersuutit pillugit pisortani oqartussaasup aalajangiinerata assilillugu sanaqqinneqarnera

Meeqqamut akilersuutit pillugit qinnuteqaat aappallu isumaqatigiissutigigussiuk, marluullusi qinnuteqaat atsiussavarsi aamma immersugassaq ’Immersoruk anisillugulu’ toqqassavarsi (taanna MitID-mik atuinissamik piumasaqaatitaqanngilaq).

Takussutissiat pisariaqartinneqartut ilanngunneqarsimanngippata, Naalagaaffiup Sinniisoqarfiata qinnuteqaatit suliarisinnaanngilaa.

Toortagaq sungaartoq “Uani qinnuteqarit” toorlugu, digitaliusumik imminut kiffartuunneq aallartissavat.

Qinnuteqaat Naalagaaffiup Sinniisoqarfiata tiguguniuk aamma suliaq naammassillugu suliarineqarpat, Naalagaaffiup Sinniisoqarfia aalajangiinermik suliaqassaaq.
Angajoqqaajusup aappaa isumaqataanngikkaluarpalluunniit meeqqamut akilersuutinik qinnuteqarsinnaavutit.

Taamaattoqarpat angajoqqaajusup aappaa Naalagaaffiup Sinniisaata tusarniaaffigissavaa, taamaalilluni taassuma meeqqanut akilersuutinik qinnuteqarsimanerit ilisimalissavaa. Tamatuma kingorna taanna qinnuteqaammut oqaaseqaateqarnissamut periarfissaqarpoq.


Suliap suliarineqareernerata kingorna aalajangiineq Naalagaaffiup Sinniisoqarfianit tigusat, angajoqqaajusup aappaata akilersuummik akilersuisitaalernissaanik, imaluunniit taanna akilersuummik akilersuisitaassannginneranik imaqassaaq.


Angajoqqaajusup aappaa akilersuutinik akiliisalissappat, aalajangiinermi akilersuutip annertussusissaa aamma ullormit sorlermit akilersuutip akilerneqarnissaa aalajangerneqassaaq.


Akilersuutinik qaffasinnerusunik qinnuteqaruit, akilersuutinik akiliisartoq pillugu Naalagaaffiup Sinniisoqarfia paasissutissanik akileraartarnermut aqutsisoqarfimmut pissarsiniassaaq. Tamanna suliamik suliarinninnerup sivisuneruneranik kinguneqarsinnaavoq.

Akilersuummik akiliisartoq qaffasissumik isertitaqartarpat, meeqqamut akilersuummik qaffatamik meeqqamut qinnutigineqarsinnaavoq.

Akilersuut qaffataq tassaasoq akilersuut nalinginnaasumik akilersuummit qaffasinnerusoq. Akilersuutip qaffasissusaa procentimut ilanngussamik ilanngussinikkut aalajangerneqassaaq, assersuutigalugu nalinginnaasumik akilersuut + 100 pct.

Akilersuutip qaffasissusissaata nalilersorneqarnerani aningaasartuutit, akilersuutinik akiliisussap nammineq meeqqami pilersornissaanut atugai, eqqarsaatigineqassapput, imaappoq, meeqqat amerlassusaat, akilersuutinik akiliisartup pilersussallugit pisussaaffigisai, akilersuutip annertussusaanut pingaaruteqarput.

Akilersuutinik akiliisartoq pillugu Naalagaaffiup Sinniisoqarfia paasissutissanik akileraartarnermut aqutsisoqarfimmut pissarsiniassaaq. Tamanna suliamik suliarinninnerup sivisuneruneranik kinguneqarsinnaavoq.

Meeqqamut/meeqqanut kisimiillutit pilersuisunngornerpit kingorna qaammatit marluk sinnerlugit qaangiunneranni qinnuteqaruit, akilersuut piffissamit qinnuteqarfiusumit aalajangerneqassaaq.

Naammagittaalliornissamut ilitsersuut

Naalagaaffiup Sinniisoqarfiata aalajangiinera Social- aamma Boligministereqarfimmut naammagittaalliuutigineqarsinnaavoq. Naammagittaalliuut Naalagaaffiup Sinniisoqarfianut nassiunneqassaaq, taassumalu naammagittaalliuut suliallu takussutissat Social- aamma Boligministereqarfimmut ingerlateqqissavaa.

Naammagittaalliornissamut piffissaliussaq

Taassuminnga tigusinerpit kingorna sapaatit akunnerisa 4 iluanni Naalagaaffiup Sinniisoqarfiata aalajangiinera naammagittaalliuutigissallugu periarfissaqarputit. Taassuminnga tigusinernit sapaatit akunneri 4 sinnerlugit qaangiussimappata, taama allaat pisuni immikkut ittuni aalajangiineq pillugu naammagittaalliuutit suliarineqarsinnaavoq.