Ataataassuseq aamma anaanaaqataassuseq

Ulloq 1. april 2024 sioqqullugu inunngortut ataatassarsiuuneqarnerat Politinit aamma najukkami Eqqartuussivimmi suliarineqartarput.

Ulloq 1. april 2024-miit meeqqanut inunngortunut ataataassuseq aamma anaanaaqqataassuseq Palaseqarfimmi aamma Naalagaaffiup Sinniisoqarfiani suliarineqartassapput.

Nalunaarummi nutaami atuutilersumi ataataassuseq isumaqarpoq, angajoqqaanut katisimasunut nalinginnaasumik Palaseqarfimmi nalunaarsorneqartaannassaaq. Angajoqqaat katissimanngitsut kisimik Palaseqarfimmut saaffiginnittassapput.

Angajoqqaat katissimappata, Palaseqarfimmiit nalinginnaasumik ataataasuseq nalunaarsorneqartassaaq.

Angajoqqaat katissimanngippata, meeqqap inunngoreersimatsiarnerani Palaseqarfimmut saaffiginnilluni ataataassuseq nalunaarsorneqartassaaq.

Angajoqqaat isumaqatigiinnerisigut, meeqqamut isumassuinissamik aammalu akisussaasuseqarnermik, immersugassaq ”isumassuinissamik- aamma akisussaaffimmik nalunaarut” immersorneqassaaq. Tamanna tunngavigalugu Palaseqarfimmi ataataassuseq nalunaarsorneqarsinnaammat.

Angajoqqaat inooqqatigiinngippata, taamaattorli ataataassuseq akuerineqarluni, Palaseqarfimmiit Naalagaaffiup Sinniisoqarfianut suliassanngortinneqassaaq.

Ataataassuseq pillugu nalornisoqartillugu Palaseqarfimmiit Naalagaaffiup Sinniisoqarfianut suliaq ingerlatassanngortinneqassaaq.

Angajoqqaat katissimanngitsuniit kissaatigineqarpat ataataassuseq suliarineqareernissaa, meeraq suli inunngunnginnerani tamanna saaffiginnissutigineqarsinnaavoq Naalagaaffiup Sinniisoqarfianut.

Angajoqqaat meeqqap inunngornerata kingorna Naalagaaffiup Sinniisoqarfianiit ataataassusermik akuersissut Palaseqarfimmut tunniutissavaa, tamannalu Palaseqarfimmit nalunaarsorneqassalluni.

Nalunaarummi nutaami atuutilersumi anaanaaqqataassuseq nalunaarsorneqarsinnaavoq.

Meeraq inunngortinnagu anaanaasoq saaffiginnissinnaavoq Naalagaaffiup Sinniisoqarfianut anaanaaqqataassuseq akuerineqartillugu.

Anaanaasoq anaanaaqqataasorlu meeqqap inunngoreernerani sapaatip akunneri sisamat qaanngiutsinnagit Naalaaffiup Sinniisoqarfianiit anaannaaqqataassusermik akuersissut Palaseqarfimmut tunniutissavaa, Palaseqarfimmilu nalunaarsorneqassaaq anaanaaqqataassuseq.

Meeqqap inunngunnginnerani Naalagaaffiup Sinniisoqarfianiit anaanaaqqataassuseq akuerineqarsimanngippat, Palaseqarfimmiit nalunaarsorneqarsinnaanngilaq. Tamanna Nalaagaaffiup Sinniisoqarfianut suliassanngortinneqassaaq.