Inussutissarsiutigalugu aalisarnermit aningaasaqarnermik paasissutissanik nalunaarutigikkit

Angallat 6 meterinit anginerusoq atorlugu aalisakkanik tulaassisimaguit soorlu fabrikkimut tulaassiffiusunulluunniit, taava aningaasaqarninnut paasissutissat nalunaarutigissavatit. Paasissutissat kukkunersiuisumit akuerisaasumit akuerineqassapput illillu namminneerlutik nalunaarsorsinnaavatit. Aalisarsinnaanermut akuersissutit illit atinnut allaqqappat MtID atorlugu isissaatit. Aalisarsinnaanermulli akuersissutit suliffeqarfinnut allaqqaguni MitID-mi inuussutissarsiut atorlugu isissaatit.

KANUAANA-p digitalikkut aaqqiissutaata atornissaa piumasaqaataavoq. Paasissutissat E-mailikkut allakkatigulluunniit nassiunnissaat periarfissaanngilaq.

Toortakkap sungaartup "Ugguuna qinnuteqarit" toorneratigut nammineerlutit immersuiffissamik immersuillutit aallartissaatit. Taamaalioreeruit "immersugassaq immersoruk" toqqassavat "tullia"-lu toorlugu. Taamaalioreeruit angallat sorleq nalunaarusiorfiuniarnersoq toqqassavat "tullia"-lu toorlugu. Taamaalioreeruit paasissutissaatitit nalunaarutigisinnaavatit. Kukkunersiuisut nalunaarusiornissaanut aamma piumaffigisinnaavat. Eqqaamajuaannassavat qulakkiissallugu kukkunersiuisorlu isumaqatigiissimanissaq taassumap nalunaarusiaq suliarissagaa. Illimmi nalunaarusiortoqarnisaa nammineq akisussaaffigaat kukkunersiuisuunngitsoq.

Kukkunersiuisartoq nalunaarsuiniaruni KANUAANA-p systemiani kukkunersiuisutut atuutsilersinneqaqqaassaaq.
Tamanna nalunaarusiornissap quppernerani "Iserit" toorneratigut pisarpoq. Tamatuma kingorna fejlside nuissaaq
naqqani nalunaarluni "kukkunersiuisutut nalunaarsorneqalerusukkuit tullia tooruk". Taamaalioreeruni kukkunersiuisup paasissutissani immiutissavai KANUAANA-mullu atuutsilersinneqaruni nalunaarfigineqassaaq.

Kukkunersiuisartoq atuutsilersinneqarpat, kukkunersiuisartoq noqqaassuteqarsinnaalissaaq kingornalu nalunaarusiornissamut piginnaatitsissummik
qinnuigalutit Tamanna pisarpoq kukkunersiusiup "piginnaatitsissummik qinnuiginnigit" toortaaneratigut, illit paasissutissaatitit immersorneratigut
"piginnaatitsissummik qinnuiginnigit"-llu toorneratigut. Taamaalioreerpat illit qupperninnut isissaatit piginnaatitsissullu akueralugu. Taava kukkunersiuisartoq nalunaarusiorsinnaanngussaaq.

Nalunaarusiornissaq pingasunut agguataagaavoq:

• Angallatit avataasiortut sinerissammullu qanittumi raajarniartunut angallatit pillugit paasissutissat
• Sinerissap qanittuani angallatinut 6 meterit sinnilinnut paasissutissat (sinerissap qanittuani raajarniat pinnagit)
• Aalisakkeriviit tunitsiviillu

Paasissutissat angallatinit nalunaarutigineqartussat:

• Angallat pillugu paasissutissat
• Orsussaq suliffissaqartitsinerlu
• Artinut agguataarlugu pisat amerlassusii tonsinngorlugit
• Tunisat amerlassusii artinut agguataarlugu tonsinngorlugit
• Avammut niuerneq artinut agguataarlugu tonsinngorlugit
• Avammut niuernermi kaaviiaartitsineq
• Tunisinermi kaaviiaartitat nalingi
• Kaaviiaartitat allat
• Aningaasartuutit

Kukkusoqartillugu:
Angallataatit takusinnaanngikkukku piginnituuninnik uppernarsaammik peqarlutit KANUAANA attavigissavat. Taamaattorli angallat pigiunnaariikkat takusinnaagukku ukioq eqqortoq nalunaarusiorfigisimanerlugu qulakkiissavat. Ukioq eqqortuuppat, angallatip tunisimaneranut, kivisimaneranut allatigulluunniit pigiunnaarsimaneranut uppernarsaammik nassiussissaatit. Angallammik piginikuunngisannik takusinnaasaqaruit KANUAANA aamma allaffigissavat. Saaffiginnissutit tamaasa uunga pisarput gflk@nanoq.gl

Kukkunersiuisartumut:
KANUAANA kukkunersiuisartutut atuutsilerusuttumik tigusaqarunik suliaq aallartinneqartarpoq naammassippallu kukkunersiuisartoq attavigineqarumaarpoq. Kukkunersiuisartoq ullut pingasut iluanni tusagaqanngikkuni kukkunersiuisartoq KANUAANA-mut saaffiginnissaaq, uunga gflk@nanoq.gl.

Nalunaaruteqarnermi:
Nalunaaruteqarneq naammassigukku uppernarsaammik tigusaqassaatit. Nalunaaruteqarsimanermut uppernarsaatip toqqornissaa pingaaruteqarpoq . Aamma pingaaruteqarpoq uppernarsaammi kisitsisit eqqortuunersut misissussallugu. Uppernarsaammi kukkuneqarpat KANUAANA ingerlaannaq uunga saaffigissavat gflk@nanoq.gl

Tunisinermiit ukiup kingorna nalunaaruteqarnermut piffissamut killiuliussaq kingusinnerpaaq tassaavoq novemberip aallaqqaataa. Piffissaanerani nalunaarutiginninngikkuit KANUAANA-mit eqqaasitsissumik tigusaqassaatit. Qaammatip naatinnagu suli nalunaaruteqarsimanngikkuit akiligassiissummik akiliisussanngortinneqassaatit.

Imminut sullississummi aaqqiissuteqarnermi kukkunermik nalunaaruteqarnissaq illit kukkunersiuisuilluunniit kissaatigiigussiuk kukkunermik allaatiginninneq mailikkut Skærmimi assiliartumik imaluunniit uppernarsaat ilanngullugu KANUAANA-mut gflk@nanoq.gl-mut nassiutissavat.