Takornarianut piniarnermut allagartaq

Kalaallit Nunaanni piniarsinnaajumasut tamarmik piniarsinnaanermut allagartamik peqartussaapput. Piniarsinnaanermut allagartaq piniariarsinnaanermut akuersissutaavoq. Piniarsinnaanermut allagartamik pissarsiniaraanni piumasaqaatit ilagaat Kalaallit Nunaanni inuit allattorsimaffiannut nalunaarsorneqarsimanissat. Taamaammat takornarissatut illit piniarsinnaanermut allagartamik pissarsisinnaanngilatit.

Takornariaaguit aammali Kalaallit Nunaanni piniariarnissamik kissaateqarlutit, periarfissatuaraat akiliisitsilluni piniariartitsinermut akuerisaasumut ilaanissat. Tamanna pillugu sukumiinerusumik atuarsinnaavat uani www.greenland.com.

Piniariartitsisoq makku pillugit paasissutissiisinnaavoq:

• Nunami namminermi piniarsinnaanermut allagartamik pissarsisinnaanermut piumasaqaatit
• Aallaasit nammineq pigisat qanoq eqqunneqarsinnaanersut

Tamatuma saniatigut piniariartitsisup paasissutissiissutigisinnaavai:

• Piniarnermi eqqissisimatitsinermilu aalajangersakkat
• Sakkut pillugit inatsit
• Piniariartarfiit ataasiakkaat
• Tammajuitsussarsiniarluni piniarnissamut piareersaatissat
• Sillimaniarneq