Atualerneq

1. august ukiumi tassani meeqqat arfinilinnik ukioqalertussaasoq, illit angajoqqaatut pisussaaffigaat meeqqavit atuartitaanissaa isumagissallugu. Meeqqavit qaqugu sumilu atuarfimmut allatsinnissaa pissasoq pillugu kommunimit angajoqqaatut allagarsitinneqarumaarputit.

Illit meeqqat arfinilinnik ukioqalerfissaa ullorsiutit ukiuat sioqqullugu atualernissaminut periarfissaqanngilaq. Taamaattoq illit sulianik paasisimasaqartoq suleqatigalugu, assersuutigalugu meeqqavit paaqqinnittarfiani perorsaasoq, illit meeqqavit atualernissaa kinguartikkumallugu toqqarsinnaavat. Tamanna pisinnaavoq atualernissamut piukkunnassuseqarnermut misilitsitsisoqarsimappat, tamannalu naapertorlugu paasinarsippat illit meeqqat atuarfimmi aallartinnissaanut piareersimanngitsoq.

Illoqarfinni ataasiinnaanngitsumik arlalinnilli atuarfeqartoqarpat, meeqqavit atuarfimmi klassimilu sorlermi atuassanersoq illit angajoqqaatut kissaatigisinnaavat. Taamaattorli atuarfimmi sulisut perorsaasutut sulisut assersuutigalugu meeqqavit paaqqinnittarfiani sulisut suleqatigalugit, aalajangerneqassaaq sorlermiissanersoq.

Meeqqat atuarfianni atuarneq akeqanngilaq. Atuarfiit ilaanni nerisaqarneq periarfissaavoq.

Meeqqat tamarmik tallimat missaannik ukioqaleraangamik meeqqerivimmiikkunik angerlarsimaannarunilluunniit, atualernissamut piukkunnassuseqarnermut misilitsittarput. Taanna meeqqap atuarfimmi aallartinnissaminut piareersimaneranut paasiniaaneruvoq.

Misilitsinnermi paasiniagassat ilaatigut tassaapput, meeqqap:

• Oqaasii
• Kisitsisinik paasinnittarnera
• Eqqaamasinnaanera
• Ilinniariaaseqarnera

Meeqqap misilitsinnera meeqqerivimmi perorsaasumit atuarfimmiluunniit siunnersortimit ingerlanneqartarpoq. Meeraq ataasiaannarluni misilitsissaaq.

Misilitsinnerup takutippagu meeraq ilisimasassami ilaanik ajornartorsiuteqartoq imaluunniit meeraq immikkut pisariaqartitaqartoq, taava atualinnginnerani ajornartorsiutit anigorniarlugit suleqatigiittoqalissaaq. Angajoqqaattaaq namminneerlutik imaluunniit ilisimasallit peqatigalugit aalajangersinnaavaat meerartik atualernissaminut ukioq ataaseq utaqqisariaqarnersoq.

Meeraq arfinilinnik ukioqaleraluaruniluunniit tamatigut imaattariaqanngilaq atualernissaminut piareersimasoq. Meeraq atualernissaminut piareersimanngitsoq pinngitsaalillugu atualersikkaluaraanni tamanna ajornartorsiuterpassuarnik kinguneqarsinnaavoq.

Atualernissamut allatsinneq oqaloqatigiinnertut ingerlasarpoq, ilinniartitsisup assersuutigalugu meeraq apersussavaa qanoq ateqarnersoq, qassinik ukioqarnersoq aammalu kikkut ilaqutarinerai. Illit angajoqqaatut soorunami oqaloqatigiinnermi peqataassaatit.

Eqqaamassavat meeqqavit kuisinnermut imaluunniit atertaarnermut allagartaa nassassagakku.

Meeqqavit atualernissaminut suut ilisimariissanerai piumasaqaataanngilaq. Taamaattorli illit meeqqavillu ulluinnarni avatangiiserisassi nalilersinnaavaat meeqqat atualernissaminut piareersimanersoq.

Meeqqat tamarmik allatsereerpata atualersussat klassinut agguataarneqassapput.

Aasamut atuanngiffeqarneq aallartitsinnagu qitornavit sumi atualissanersoq allakkatigut nalunaarfigineqassaatit, atualersussallu tamarmik atuarfissaminnut pulaarnissamut aggersarneqassapput. Pulaartitsinerni atuarfiit ilaasa angajoqqaat paasissutissanik ilaqutariinnut tunngasunik immersuisitsissapput, soorlu assersuutigalugu:

• Aternik, sumi najugaqarnermik inuullu normuanik
• Kikkut angajoqqaatut oqartussaanerinik

Ukioq atuarfiusoq 1. august aallartittarpoq. Kommunit ataasiakkaat aalajangertarpaat atuarfigisaminni ulloq suna atualerfiussanersoq. Tamannattaaq najukkami aviisitigut, radiukkut, allagarsiinikkut allakkatigullu nalunaarutigineqartarpoq.

Atuarfiit ilaanni meeqqat atuarnissaata tungaanut atuarfimmiillu soraareernerani paaritissinnaavat. Meeqqat atualernissaminut allatsippat paaritittassanersoq qanorlu akiliuteqartoqarsinnaaneranik apeqquteqarsinnaavutit.