Nunatsinni katersugaasiviit suliassaraat nunatsinni kulturikkut kingornussat tammatsaalinissaat nalunaarsornissaallu. Tamatuma kingunerisaanik katersugaasiviit inuit avatangiiserisimasaallu ilisimatusarfigisarpaat, katersuinikkut, toqqortarinninnikkut paasisanillu ingerlatitseqqiisarnikkut ilisimannittutullu nassuiaatit saqqummersittarlugit. Katersugaasiviit assersuutigalugu makkuninnga saqqummiussassaqartarput:
- Qalipakkat
- Pigisat atortorineqarsimasut
- Atisat
- Assit
- Taalliat
- Timit paniinnarnikut
- Ileqqut, pingaartorsiornermi iliuuserisartakkat upperisallu nassuiaataasa allattorsimaffii
Tamakku tamarmik kikkunnilluunniit takuneqarsinnaapput aammalu saqqummersitsinerni takutinneqartarlutik.
Nalinginnaasumik saqqummersitsinerit aalajangersimasut aamma allanngorartut katersugaasivinnit ingerlanneqartarput. Assersuutigalugu Narsami katersugaasivik sumiiffimmi oqaluttuarisaaneq pillugu aalajangersimasumik saqqummersitsisarpoq aasaaneranilu qallunaatsiaat pillugit immikkut ittumik saqqummersitsisarluni.
Katersugaasiviit innuttaasut tamarmiusut utoqqaat inuusuttullu saaffigisarpaat. Taamaattoq akuttunngitsumik katersugaasiviit meeqqanut inuusuttunullu sammitinneqartunik saqqummersitsisarput. Atuarfiit, ilinniartoqarfiit takornariallu nassuiaanertalimmik saqqummersitani angallanneqarsinnaanerat katersugaasiviit ilaannit neqeroorutigineqartarpoq.
Malugiuk
Katersugaasiviit ilaat isernermut akiliisitsisarput, pingaartumik aasaanerani.