Angerlarsimaffinniit eqqagassalerineq tassaavoq pisortat aaqqissuutamik ingerlataasa ilaat, Eqqagassalerinermut ilaasoq. Eqqagassalerineq tassaalluni eqqagassaatitsinnik qanoq isumaginnittarnersugut, tassa pinngortitap eriaginissaa inoqatittalu peqqissuunissaat eqqarsaatigalugit.
Angerlarsimaffinniit eqqagassat, tassaallutik illoqutigiit eqqagassaataasa katersorneri. Illuniit eqqagassat, tassaasut aamma eqqaannagassat, soorlu nerisat sinnikui, immuit puukui puukullu allat, igaffimmiit eqqagassat nangikullu.
Angerlarsimaffiit/illut tamarmik aaqqissuussaasumik eqqaavilerinermi peqataanissaat kommunip akisussaaffigivaa.
Illumi najugaqaruit, attartugaralugu namminerluunniit illuutigalugu, aaqqissuussaasumik Eqqaavilerinermut atatillugu pisussaaffialoqarputit:
- Eqqagassatit katersorlugit eqqaavimmut ikissavatit
- Illit nammineq eqqaaveqarnissat isumagissavat
- Aaqqissuussaasumik eqqaavilerinermut nammineq ilanngunniarlutit nalunaassaatit
Kommunit ataasiakkaarlutik namminneq qanoq akulikitsigisumik eqqaaviit imaarneqartarnissaat aalajangersartarpaat. Eqqaaviit imaarneqarneri tamaasa, eqqaavilerisut puussiartaa taarsertarpaat.
Akiligassaq ilinnut nassiunneqassaaq.
Imaarneqartarnissaannik imaarneqartarunnaarnissaannillu nalunaarneq allannguinerlu
Eqqaaviit imaarneqartarnissaannik imaarneqartarunnaarnissaannilluunniit nalunaarutiginiarukku imaluunniit allannguisitsiniaruit assersuutigalugu imaarsititsisarnerit amerlassusaannik immersugassaq immersussavat.
MitID-mik peqaruit, immersugassaq toqqaannartumik attaveqaatitigoortumik immersorsinnaavat nassiullugulu.
MitID-mik peqanngikkuit, immersukkat sumiiffinni innuttaasunut sullissivimmut imaluunniit nunaqarfiup allaffianut tunniutissavat.