Kommunimi pilersaarutit – Allannguinerit

Kommunip pilersaarutai aamma kommunip ilassutitut pilersaarutai, siusinnerusukkut illoqarfimmut pilersaarutinik taaneqartartut, tassaapput pilersaarutit kommunip nunamik pigisaminik qanoq atuinissaminut pilersaarutai. Kommunip pilersaarutaa illoqarfiit, nunaqarfiit aamma kommunimi sumiiffiit ilaannut nunap assingi ilaasarput. Kommunip pilersaarutai, sumiiffiit ilaannut assigiinngitsunut arlaqartunut agguataagaasarput, assersuutigalugu:

• inissiaqarfinnut
• aamma kommunimi sumiiffinnut eqqissisimatitanut

Kommunip pilersaarutaani sumiiffiit ilaanni ataasiakkaani maleruagassanik ilaqartinneqartunik pilersaarutinik sukumiinerusunik kommunip ilassutitut pilersaarutaa imaqartarpoq, assersuutigalugu:

• inissiaqarfimmi illut qanoq portutigissanersut
• imaluunniit illut qanoq imminnut ungasitsigissanersut

Sanaartorneq annerusoq imaluunniit suliaqarneq aallartinneqartinnagu, kommunip ilassutitut pilersaarutaanik kommune suliaqartussaavoq. Kommunip ilassutitut pilersaarutaani kommunip aalajangersassavaa:

• sumi sanaartortoqassanersoq
• aamma nunaminertanik atugassiinerit sumiissanersut

Sumiiffiit ilaanni ataatsimi arlalinniluunniit allannguinissaq kommunip kissaatigiguniuk, kommunip ilassutitut pilersaarutaanut siunnersuut kommunip tamanut tusarniaassutitut nassiutissavaa.


Tamanut tusarniaaneq
Kommunip ilassutitut pilersaarutaa tusarniaassutigineqassaaq, innuttaasut pilersaarusiornermut akuutikkumallugit. Tusarniaanerup sivisussusaa sivikinnerpaamik sapaatit akunnerini arfinilinni ingerlanneqassaaq. Piffissami tassani innuttaasutut kommunip ilassutitut pilersaarutaanut oqaaseqaateqarnissamut aamma akerliliissuteqarnissamut periarfissaqarputit. Oqaaseqaatitit aamma akerliliissutitit illit kommuninni kommunalbestyrelse-mut nassiunneqassapput.

Pilersaarummi nalunaarneqartutuut piffissaliunneqartoq eqqorlugu oqaaseqaatit akerliliissutilluunniit tunniunneqassapput.

Oqaaseqaatit akerliliissutillu tiguneqarsimasut, pilersaarutip inaarutaasumik akuersissutigineqarnissaa sioqqullugu kommunalbestyrelse-mit nalilersorneqassapput.