Issittumi tunngaviusumik ilinniarneq

ISSITTUMI ATAATSIMOORFIK IMMIKKUULLARISSOQ


Ulluinnaat misigisaqarfiulluarsinnaasut inuusuttunik allanik peqateqarfiusut takorluugaraagit? Sakkutooqarnerup upalungaarsimanerullu iluani piginnaasaqalerusuppit, siunissamullu pitsaasumik tunngaveqalerusullutit? Kalaallit Nunaanni inuiaqatigiinni upalungaarsimanerup tatitussutsillu iluani ilinniarfigineqarsinnaasumi Kalaallit Nunaanni ilinnialerusuppit? Taava immaqa Issittumi Tunngaviusumik Ilinniarneq ilinnut tulluarsinnaavoq.

Issittumi Tunngaviusumik Ilinniarnermi illersornerup iluani ilinniartutut upalungaarsimanerup iluani pissanganaqisumik tunngavissanik ilinniartinneqassaatit, ilinniarnerit naammassigukku illersornissaqarfiup iluani ilinniaqqissinnaassaatit. Ilinniarnerit naammassigukku ilinniaqqissinnaavutit imaluunniit Sakkutuutut imarsiortutut, Sakkutuutut timmisartutut imaluunniit Sakkutuutut nalinginnaasutut sulisinnaavutit. Sakkutuut piginnaasassaannik ilinniartinneqassaatit aammalu upalungaarsimanerup iluani suliassanik suliaqarsinnaalissallutit, ilinniartutut ataatsimoorfimmi immikkuullarissumi peqataalissaatit, tassanilu sakkutuujunngitsut sakkutuullu suleqatigissallugit.

Tunngaviusumik ilinniarneq qaammatini arfinilinni ingerlasarpoq. Atuagarsorneq sungiusarnerlu ingerlanneqassaaq, timikkut tarnikkullu nukkassarneqassaatit soorlu aamma allanik qanimut suleqateqarlutit ulapaarfinni sulisinnaaneq sungiusassagit.

Tunngaviusumik ilinniarneq naammassigukku qaammatini arfinilinni ilinniakkavit eqqarsaatersuutiginissaanut periarfissaqarputit, tassanilu sakkutuujunngitsutut sakkutuutullu ilinniakkatit tigussaasunngortillugit misilerassallugit.

Maluginiaruk ilinniarnissannut qinnuteqarniaruit Kalaallit Nunaanni najugaqartariaqaravit.

ILINNIARNERUP AAQQISSUUSSAANERA
• Tunngaviusumik moduli (Sapaatip-akunneri 18-it)
• ILIUUSEQARNISSAMUT MODULI (Sapaatip-akunneri 3)
• IMARSIORNERMUT MODULI (Sapaatip-akunneri 3)
• EQQARSAATERSUUTEQARNISSAMUT INGERLATSINEQ (Qaammatit 6 tikillugit)

Qaqugu misilitsikkiartorsinnaavunga?
Kalaallit Nunaata Kitaani, Ilinniartitaaneq pillugu paasitsitsiniaalluni angalasoqarnerani:
23. oktobari: Qaqortoq Majoriaq
24. oktobari: Qaqortoq GUX
28. oktobari: Nuuk Majoriaq
29. oktobari: Nuuk GUX
31. oktobari: Sisimiut KTI/GUX
01. novembari: Sisimiut Majoriaq
04. novembari: Aasiaat GUX/Majoriaq
06. novembari: Ilulissat Majoriaq

Kalaallit Nunaata avannaani:
08.-09. oktobari: Uummannaq Majoriaq
14.-15. oktobari: Upernavik Majoriaq
17.-18. oktobari: Qaanaaq Majoriaq

Tunumi:
27. septembari: Ittoqqortoormiit Majoriaq
30. septembari: Tasiilaq Majoriaq
01. oktobari: Kuummiut
02. oktobari: Kulusuk

Ilinniarnissamut qinnuteqannginninni:

• Ilinniarnerup aallartinnerani 18-ileereersimassaatit.
• Kalaallit Nunaanni najugaqassaatit.

Ilinnialerniarlutit:

• Kalaallisut qallunaatulluunniit silappaarissutsimut allattariarsornikkut misilitsissimassaatit.
• Illersornissaqarfimmi tunngaviusumik peqqissutsimut piumasaqaatit naammassisinnaassavatit.

Misilitsinneq:

• Nalinginnaasumik:
Ilinniarneq ilinnut naleqquttuunersoq paasiniarlugu, Issittumi Tunngaviusumik Ilinniarneq pillugu ulluinnaallu qanoq issanersut misilitsinnermi paasisaqassaatit. Allattariarsornikkut misilitsissaatit ilinnialernissannullu naleqqunnerlutit paasiniarlugu peqqissutsit nakorsamit misissorneqassalluni.
• Allattariarsornikkut misilitsinneq (kalaallisut qallunaatulluunniit):
Allattariarsornikkut misilitsinneq akunneq ataaseq missiliorlugu sivisussuseqarpoq. Misilitsinnermi pisunik eqqarsarsinnaassutsit ilutsinillu katiterisinnaassutsit misilittarneqassaaq.
• Peqqissutsip misissorneqarnera:
Peqqissutsip misissorneqarnera marloqiusamik ingerlanneqartarpoq.
Siullermik uuttortarneqarlutillu oqimaalutarneqassaatit aammalu isigisinnaasatit tusaasinnaasatillu misissorneqassallutik. Misissortinnermi atisat atorneqaannartarput – kamippalli peerneqassallutik. Misissortinnerup aappaa nakorsami pisarpoq, taassumalu peqqissutsit misissussavaa nalilersussallugulu ilinnialersinnaanersutit. Misissortinneq nakorsami ingerlanneqartarpoq, iluatigullu atisat taamaallaat atorneqartarlutik.

Misilitsinneq ingerlakkukku, nakorsallu ilinnialersinnaanerarpatit, taava Issittumi Tunngaviusumik Ilinniarnissamut qinnuteqarsinnaavutit, taakkualu saniatigut Danmarkimi ilinniarfissat, Upalungaarsimanermut Aqutsisoqarfiup ataaniittut qinnuteqarfigisinnaassallugit ukuusut:
sakkutooqarnerup iluani ilinniarfissat.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Qinnuteqaatitit Issittumi Sakkutooqarfimmit suliarineqassapput, ingerlaavartumik akissutisisarumaarputit. Ilinniarnerup aallartinnissaanut sapaatip akunneri pingasut inulersimappagit illillu suli akissutisinak, Issittumi Sakkutooqarfimmut saaffiginnittariaqassaatit.

Ilinniarnermik aallartiffik
Ilinniarneq 5 maj aallartissaaq

Neqeroortoq
Issittumi Sakkutooqarfik

Aningaasaqarneq
Qaammammut 8.997,33 kr. Taakkualu saniatigut ineqarneq, nerisaqarneq, angalaneq, atisat assigisaallu akeqanngillat.

Suliffimmik misiliinermi pissutsit
Suliffimmik misiliissanngilatit

Piginnaasat qaffasissusaat
-

Siunissami periarfissat /Suliffiusinnaasut
Ilinniakkat naammassigukku ilinniarsimanermut uppernarsaammik oqaaseqaammillu Issittumi Sakkutooqarfimmit kiisalu eqqarsaatersuuteqarnissamut ingerlatsininni pisortaqarfik suliffigisannit pissarsissaatit.

Ilinniakkat naammassigukku Illersornissaqarfiup iluani, sakkutuut naalagaanni, Kalaallit Nunaanni politiini allatigulluunniit ikuallannerni, annaassiniaanerni allatigulluunniit annaassiniaanermut attuumassutilinni ilinniaqqissinnaassaatit.

Ilinniarnermik aaqqissuussineq

https://karriere.forsvaret.dk/uddannelse/interne-uddannelser/arktisk-basisuddannelse-gronlandsk/

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.