Nerisassiornermi ikiorti

Inuussutissalerinermut assistenti suliffinni imaluunniit tunisassiorfittut igaffiusuni igasarpoq.
Ilinniartitaanermi ilinniassavat inuussutissalerinermi eqqortumik nerisassiornissaq inunnut aalajangersimasunut siunertaqarluni.
Inuussutissalerinermi nioqqutissiassanik inuussutissanullu ilisimasaqalissaatit nerisassioriaatsillu assigiinngitsut ilinniassallugit.

Ilinniarnerup ingerlanerani piuaannartitsineq pillugu ilikkagaqassaatit, økologi aamma nerisassanik
igitsisarneq. Aamma misilittagaqalissaatit nerisassat allattorsimaffii katitissallugit igaffimmilu
ingerlaaseq tamaat pilersaarusiornissaa aamma ilikkassallugu.

Inuussutissalerinermi assistentit suliffinni tunisassiorfiillu igaffiini atorfinissinnaapput, s.a. napparsimavinni, atuarfinni, sakkutooqarfinni imaluunniit suliffinni kantiinanilu.

Inuilimi ilinialernisamut akuerisassaguit – Food College Greenland, Kalaallit Nunaanni meeqqat atuarfiani 9 kl. naammassereersimassavat, kalaallisut matimatikkimilu karakter E/02-mi angusaqarsimallutit. Tamatuma sanatigut tunngavigatigut suliffimmik sungiusarfissarsisimassaatit. Suliffimmik sungisarfissarsisimanngikkuit aallartinnissamut skolepraktikordning-tsinni SKP-mi ikiorsinnaavatsigit. Qinnuteqartut linnialernissamut piumasaqaatinik naammassinnissimasut tamarmik, ilinniarnissamut akuerineqartarput. Ilinnialernissamut piumasaqaatit naammassineqartinnagit immikkut pisoqartillugu piginnaasanik nalilersuinikkut ilinniarnissamut akuersisoqarsinnaavoq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniagaq ingerlaavartumik aallartittarpoq

Neqeroortoq 
Inuili

Aningaasaqarneq
Qanoq sivisutigisumik sulisimaneq ukiut, aamma tapit naapertorlugit ilinniartutut akissarsiaqassaatit

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit. 

Siunissami periarfissat/ Suliffiusinnaasut
Inuussutissalerinerup iluani suliaqarsinnaassaatit. Namminersorluni suliffimmik aamma aallartitsisoqarsinnaavoq.
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
https://inuili.gl/wp-content/uploads/2023/05/Lokal-uddannelsesplan-for-grundforloeb_Ernaeringshjaelperassistent.pdf

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.