Savaatilik

Savaatilinngorniartoq/nunalerisoq  tunisassiorpoq neqimik aamma naatitanik, ullumikkut annerusumik savaaqqat neqqaannik. Savaateqarneq kalaallit nammineq inuussutissanik pilersuinermut pingaaruteqaqaaq, ulluinnarnilu nalliuttorsiornermilu savaaqqap neqaanik neriniaraangatta, aamma kalaallit kartoffiliinik ruuaatitsinnillu nerigaangatta, taava nunaatillip tamakkua isumagisarsimavai.

Savaatilinngorniarluni/nunalerisunngorniarluni ilinniartitaaneq ukiunik pingasunik sivisussuseqarpoq, ukiullu ingerlanerini atuagarsornikkut atuartitaasarput Upernaviarsummi aamma Nunatsinni, Islandimi Norgemilu praktikertoqartarpoq:

• Siullermik qaammatini pingasuni Nunatsinni savaatilimmi praktikkertoqaqqaassaaq, aug-okt
• Ukioq ataaseq atuarneq aamma praktikkerneq Upernaviarsummi, nov-okt
• Ukioq ataaseq praktikkerneq Islandimi imaluunniit Norgemi, nov-aug,  Oqaatsitigut atuartitaaneq ilanngullugu
• Ukioq ataaseq nunalerinermik atuarfimmi ilinniarluni Norgemi Islandimiluunniit, aug – maj
• Iluarsartuullugu pilersaarusiaq naggataarutaasoq Upernaviarsummi, juni

Periarfissaqarpoq praktikernerup piffissatigut sivitsussallugu Island/Norgemi, oqaatsisigut piginnaaneq pitsanngorsaatigalugu, nunami allami nunalerinermik ilinniarfimmi atuarniaraanni. Ilanngullugu aamma periarfissaavoq ilinniarnerup ukiup pingajuat kalaallisut naggasissallugu, immikkut ittumik Upernaviarsummi atuaqqilluni.

Ilinniartitaanermi fagini kemi, naggorissaanermik nunalerinermillu ilinniartinneqassaasi, uumasut kinguaassiornerat, paarineqarnerat aamma nerisinneqarnerat, uumasuutigisat peqqinnissaat, aningaasaqarnermut inuiaqatigiilerinermullu fagi, naatitanik ilisimasaqarneq, illuutit sananeqaataannut tunngasutigut, kiisalu sakkunut maskinanullu ilinniagassanut tunngasutigut. Ilinniarnerup ukiup siulianut ilaatillugu kørekort´itaartoqassaaq, namminerlu akiligassarissavat. Ilinniarnerit naggasissavat savaateqarfimmik/nunaateqarfimmik ingerlatsinermik pilersaarummik sanallutit.

Ilinniartitaanermi tigutissinnaapput ukioq taanna 17-iliiffimmi.

Inuilimi ilinialernisamut akuerisassaguit – Food College Greenland, Kalaallit Nunaanni meeqqat atuarfiani 9 kl. naammassereersimassavat, kalaallisut matimatikkimilu karakter E/02-mi angusaqarsimallutit. Tamatuma sanatigut tunngavigatigut suliffimmik sungiusarfissarsisimassaatit. Suliffimmik sungisarfissarsisimanngikkuit aallartinnissamut skolepraktikordning-tsinni SKP-mi ikiorsinnaavatsigit. Qinnuteqartut linnialernissamut piumasaqaatinik naammassinnissimasut tamarmik, ilinniarnissamut akuerineqartarput. Ilinnialernissamut piumasaqaatit naammassineqartinnagit immikkut pisoqartillugu piginnaasanik nalilersuinikkut ilinniarnissamut akuersisoqarsinnaavoq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniagaq ingerlaavartumik aallartittarpoq

Neqeroortoq 
Inuili

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit .Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat/ Suliffiusinnaasut
Nunalerinerup iluani sulisinnaassaatit 
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
https://inuili.gl/wp-content/uploads/2024/01/Lokal-uddannelsesplan-for-Landbrugsuddannelsen-Faareholder-Planteavler.pdf

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.