Aningaasaqarnermut ilinniagaqarneq

Ilinnut allanut ikiuuterusuttumut siunnersuerusuttumullu isumaqartumullu aningaasaliineq, taarsigassarsineq, sipaagaqarneq sillimmasiinerillu suliassaqarfiusut pissanganartut.

Aningaaserivimmi sillimmasiisarfimmiluunniit siunnersortitut ilinnut imminut takusinnaavit? Sullittanut attaveqarneq pissanganartuusoq isumaqarpit? Immaqa taava Aningaasaqarnermut ilinniagaqarneq ilinniarfigissallugu ilinnoorpoq.

Aningaasaqarnermut ilinniagaqarneq sooq ilinniarneqassava?
Ilinniakkap sullitanik sullissineq pillugu paasisimasaqalersissavaatit ilisimasaqalersillutillu aamma aningaasaqarnerat pillugu sullitat ilitsersornissaanut ilinniartillutit. Siunissami sullitassavit ilaatigut aningaasanik taarsigassarsinissamut, sipaagaqarnermut, aningaasalinermut imaluunniit sillimmasiinernut pisariaqatitaasa qulaajarnissaat ilinniassavat.

Ilaatigut ineqarnermut siunnersortinngorsinnaavutit, aningaasaliinermut siunnersortinngorsinnaavutit, soraarnerussutisianut siunnersortinngorsinnaavutit, inuinnut sullitanut siunnersortinngorsinnaavutit, ajoqusertunik sullissisunngorsinnaavutit imaluunniit sillimmasiinermi sillimmasiisitsisartunngorsinnaavutit.

Aningaasaqarnermut ilinniarneq ilaatigut AU Aningaasat pillugit siunnersuisarnermut isissutaavoq.

Atuartitsineq qanoq ingerlanneqartarpa?
Aningaasaqarnermut ilinniarnermi ilinniartitsineq piviusunut qanippoq. Tamanna isumaqarpoq, ajornartorsiutinut samminnittunik suliaqassaatit – suliassanik suliuniutitullu pilersaarutitut aaqqissuussanik ilinniartitsineq, kisianni aamma ileqquusumik ilinniartitsinnermi oqalugiarnernik ilinniartinneqartassaatit.

Atuartitsineq klassimi atuartitsinerup, suleqatigiilluni sulinerup, ataasiakkaarluni sulinerup, suliassat suliassallu nalinginnaasut akornanni allanngorarpoq.

Tunngaviusumik ilinniagassani soraarummeernerit tamarmik oqaluttariarsornerupput. Immikkut sammisaqarluni ilinniakkani allattarissanik soraarummeertoqarsinnaavoq aamma sammisamik pilersaarutitut suliniutinut ilaasumik soraarummeertoqarsinnaavoq.

Naleqquttumik immikkut sammisaqarluni ilinniakkamik misilitsinermik ilinniarnerup ingerlanera naammassineqassaq.

Aningaasaqarnermut ilinniarnermut arlinnik tunngaviusunik ilinniagaqassaatit: Kalaallisut, Qallunaatut, Inuussutissarsiornermi aningaasaqarnermut ilisimatusarneq, Tuluttut, Paasissutissiuinermi teknologi, Tuniniaaneq & sullissineq aamma Inuiaqatigiilerinermik ilinniarneq.

Tamatuma saniatigut suliaqarfinnut immikkut ittunut immikkut sammisanut ilinniagaqassaatit.

Aningaasaqarnermut ilinniarnermut tiguneqassaguit aallaaviatigut MERX I tigoreersimassavat.

Tamatuma saniatigut ilinniarnerup aallartinnginnerani soorlu imaattumi aningaaserivimmi, sillimmasiissarfimmi, illunik tuniniaasartumi assigisaaniluunniit sungiusarluni suliffissamik nassaarsimanissat piumasaqataavoq.

Piumasaqaatinik qulaani taaneqartunik naammassinnissimanngikkuit, piginnaasavinnik nalilersuiffigineqarnissaq imaluunnit immikkut akuerineqarnissaq pillugu qinnuteqarsinnaanermut periarfissaqarpoq. Paasissutissanut amerlanerusunut ilinniagaqarnermi aaqqissuussaq atuuttoq takuuk.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi augustimi aallartissaaq

Neqeroortoq
Niuernermik Ilinniarfik/Grønlands handelsskole

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit
Ilinniartut aningaasarsiaanik suliffinni misiliinermi akissarsiaqassaatit, aamma tiimimusiat assigiinngissinnaaput apequutallutik misilittagaqarsimaneq, ukiutit tapisiallu.

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.,

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit .Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat / Suliffiusinnaasut
Allaffinni sulinissamut periarfissaqassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq.

Ilinniarnermik aaqqissuussineq
https://gbs.gl/wp-content/uploads/2023/02/Finansuddannelsen-1.pdf

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.