TNI-Flex

Tunngaviusumik ilinniakkamut inuussutissarsiutaasumut aallartinnissannut piukkunnarsarit

Pisiniarfinni allaffinniluunniit sulinissamik eqqarsaateqaruit, meeqqallu atuarfiat naammassisimallugu, kisiannili sammisat ilai amingaatigalugit? Taava TNI Flex ilinnut toqqassallugu tulluartuusinnaavoq.

TNI Flex ilinnut piginnaasanik qaffassaaffiuvoq, TNI-mut ilinniarniarluni piumasaqaatinik amingaateqaraanni, imaluunniit allamik tunngaviusumik inuussutissarsiutigalugu ilinniagaqarniaraanni.
Taamaasilluni TNI Flex ilinniaqqinnissamut aqqutissaavoq, tassani aningaasaqarneq, sulianik isumaginninneq, saaffiginnittunillu sullissinerulluni.

Finansøkonom-itut sullitat, tunisinermi, siunnersuinermi, aningaasaliinissamut periarfissani, namminersortut- inuussutissarsiornermilu soqutigisaqaqatigiinni kiisalu aningaasanik aqutsisut akimorlugit sullississaatit.

Qanoq atuartitsineq ingerlasarpa?
TNI Flex-mi atuartitaaneq paasinartuuvoq. Tamannalu isumaqarpoq ajornartorsiummik qaangiiniarnissamut aaqqiissuteqarniarsinnaallutit – piviusunik suliaqarnikkut atuartinneqarlutit, aammattaarli naliginnaasunik saqqummiiffigineqartassallutit.

Atuartitsineq allanngorarpoq, atuaqatigiilluni atuarneq, eqimattanngorluni, kisimiilluni, piviusumik aallaaveqarluni, naleqquttunillu suliaqarnerulluni.

TNI Flex-imi arlalialunnik tunngaviusumik sammisassaqarpoq: Kalaallisut, Qallunaatut, Tuluttut, Matematikilu, kiisalu sammisassat allat: Qarasaasialerineq, Inuussutissarsiornermi aningaasaqarneq, Tunisineq, Inuiaqatigiilerinerlu. Tamakkua saniatigut aaliangersimasumik sammisaqarlusi suliaqartassaasi, soorlu isiginnaartitsineq, inuttullu ineriartorneq.

Meeqqat atuarfiani imaluunniit allami tungaviusumik suliassat ilaanni naammassinnissimaguit, sammisamut pineqartumut pisariaqanngilatit. Taamaallaalli sapaatip akunneranut minnerpaamik 20 tiimit sammisaqartoqassaaq ilinniagaqarnersiuteqarniaraanni.

Ilinnut inuussutissarsiornermut tunngasunik ilinniagaqarnissamut piumasaqaatinik naammassinnissimanngitsumut, TNI Flex-imi atuarnissarnut periarfissaqarputit.

TNI Flex ilinnut piginnaasanik qaffassaaffiuvoq. Tunngaviusumik inuussutisssarsiutigalugu ilinniagaqarniarlutit eqqarsaateqaruit, kisiannili piumasaqaatinik , Kalaallisut, Qallunaatut, Tuluttut Matematik-imilu amigaateqartumut, taava TNI Flex ilinnut alloriaataasinnaavoq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi augustimi aallartissaaq

Neqeroortoq
Niuernermik Ilinniarfik/Grønlands handelsskole

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit.
Ilinniartut aningaasarsiaanik suliffinni misiliinermi akissarsiaqassaatit, aamma tiimimusiat assigiinngissinnaaput apequutallutik misilittagaqarsimaneq, ukiutit tapisiallu.

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 2 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit .Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat / Suliffiusinnaasut
Ingerlaqqiffiusumik aamma inuussutissarniornermik aamma iliniarnertuunngorniarfimmi ilinniarnissamut periarfissaqassaatit.

Ilinniarnermik aaqqissuussineq
https://cak.gl/wp-content/uploads/2017/03/TNI-Uddannelsen-Uddannelsesplan-1.pdf

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.