MERX-I

Ilinniarnertuunngornermiit niuernermik ilinniakkanut aqqutissaq

Ilinniarnertuunngoreerpit, eqqarsaateqarpillu, niuerneq aningaasaqarneq imaluunniit tuniniaanermik sulilissallutit? Taamaappat MERX I TNI-mut imaluunniit MERX II-mut ingerlaqqinnissamut aqqutissaavoq.

MERX I periarfissiivoq TNI-mi ilinniakkanut kiisalu MERX II MERX I periarfissiivoq GUX TNI-lu akademi-mut ilinniakkanut MerX II aqqutigalugu ingerlaqqinnissamut

MERX I-mi inuussutissarsiornerup iluani pissutsinik pingaarutilinnik eqquinissamik ajoqersuunneqassaatit. Taamaasilluni ilinniakkamut sorlermut ilinniaqqiffigissallugu soqutigisannut nalilersuinissannut periarfissaqalissaatit.

MERX I-mi piginnaasatit ineriartortissinnaavatit atuagarsornikkut suleriaatsikkut ajornaatsumillu pilersaarusiornikkut, makku sammisassat naatsorsuutigisinnaavatit:

• Erhvervsøkonomi C, Innovation C, Afsætning C, IT C, CV skrivning, Forvaltning, Visuel markedsføring, Studieteknik, Personlighedspsykologi og Temaprojekt.

Qanoq atuartitsineq ingerlasarpa?
MERX I-mi sapaatip akunneranut atuarnermi sullivissat tiimit 40-it missaaniipput. Taakkua affai sinnilaarlugit atuarfimmiilluni ilinniartitsisumik najuuttoqarluni suliassaapput. Tiimit sinneri skema malillugu atuartitsinermi suliassaallutik, angerlarsimalluni sulineq, ilinniagassanik atuarneq kiisalu tiimit ikiorneqarsinnaanermut aqqutissiuunneqarsinnaanermullu atorneqarsinnaallutik.

Atuartitsinerup ilarujussuaq paasinartuuvoq. Ulluinnarni assersuutit, ulluinnarnilu assersuutit piviusut aallavigalugit suliaqartassaatit, taamaasilluni siunissami suliffigilerumaangassannut piukkunnarsarneqassallutit. Atuarnerup ingerlanerani suliat pillugit atuakkanik atuartassaatit, isiginnaangassianik aalasulianik isiginnaartassallutit, taakkualu imarisaanik suliaqartassallutit kisimiillutit imaluunniit eqimattanngorlusi.

MERX I-imut aallartinniaraanni ilinniarnertuunngorniarneq angusiffigisimasariaqarpoq, angusaq minnerpaaq E (02) sammisani Matematik C, Inuiaqatigiilerineq C, Tuluttullu C anguneqarsimassallutik.

Atuartut niuernerup iluani (siusinnerusukkut HHX) ilinniarnertuunngorsimasut toqqaannaq akademi-mi ilinniakkanut qinnuteqarsinnaapput.

Atuarneq naggaserneqassaaq, Inuussutissarsiornermi aningaasaqarneq, Nutaaliorneq, Tunisaqarneq aammalu Paasissutissiinermi teknologi-mi sammisamik misilitsinnermik.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi januarimi, augustimi aallartissaaq

Neqeroortoq
Niuernermik Ilinniarfik/Grønlands handelsskole

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit.

Suliffimmik misiliinermi pissutsit
Suliffimmik misiliissanngilatit

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit .Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat/ Suliffiusinnaasut
Niuernerup, aningaasaqarnerup aamma nittarsaassisarnerup iluini Ingerlaqqiffiusumik aamma inuussutissarniornermik ilinniaqqinnnissamut periarfissaqassaatit.

Ilinniarnermik aaqqissuussineq
https://gbs.gl/wp-content/uploads/2023/02/2020-Uddannelsesplan-MERX-I-og-II_godkendt.pdf

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.