TNI-MI Allaffissorneq Nuuk

Suliffeqarfinni malunnaatilittut inissinnissat ilinniaruk.

Sooq TNI-MI ALLAFFISSORNEQ
TNI-mi Allaffissornermik ilinniarnerup sullissinermik, allaffissornermik aningaasaqarnermillu ilisimasaqalertissavaatit. Naliginnaasumik suliffeqarfinni namminersortuni imaluunniit suliffeqarfinni pisortat suliffeqarfiutaanni sulilersinnaassaatit.

Qanoq atuartitsineq ingerlasarpa?
TNI-mi Allaffissornermi sammisassat ukuupput:

Grundfag: Kalaallisut, Qallunaatut, Tuluttut, Qarasaasialerineq, Inuussutissarsiornermi aningaasaqarneq, Tuniniaaneq aamma sullissineq kiisalu Inuiaqatigiilerineq.
Områdefag: Aallartinnermi paasissutissiineq, naggataarnermi paasissutissiineq, suliassat niuernermut tunngasut, Saqqummiussinermi periuseq, Ilinniarnermi periuseq, Psykologi aamma sullissineq, Ingerlaarfissanik pilersaarusiorneq, Avatagiisit isumalluutillu, Pilersitsineq, Ingerlatsineq, Kulturimik paasinninneq, Nunani Tamalaani niuerneq, Atuagarsornermi aarfinileriarluni Suliamik sammisaqarneq.
Fag specifikt for Administrationslinjen: Allaffissornermi aqutsineq, Nammineq pilersaarusiorneq, Paasissutissanik ujaasineq/-suliaqarneq, Inuttaasunik sullissineq, Tunngavilersuinermi periuseq, Tamanut allaffissornikkut sullissineq, Sammisamik misilitsinneq.
TNI-mi allaffissornermi tunngaviusumik allaffissornerup iluani aningaasaqarnermut, kiffaartuussinermullu piginnaasaqalissaatit, atuagarsorluni, suliffimilu sungiusarnikkut pisumi. Ilinniassaatittaaq allakkiornermi, kisitsinermi, qarasaasiat aammalu qarasaasialerinermi programmit assingiingitsut atorlugit suliaqarsinnaangussallutit

TNI-mi Allaffimmiunngorniassangaanni, ukiumut karakteri aammalu misilitsinnermi karakteri suliassani tunngaviusuni Kalaallisut, Qallunaatut, Tuluttut kiisalu Matematik-imi karakter-ini minnerpaaffissaq angusiffigisimassavat, Karakterini minnerpaaffissaq ilinniakkap qanoq ittuunerani apeqqutaavoq.

• Atuarfitsialak: 6/E
• Meeqqat atuarfiani misilitsinnermi angusaq:7

Meeqqat atuarfiani annertusisami (maleruagassat nutaanngitsut) angusaq:6

• Meeqqat atuarfiani soraarummeernermi Piareersarfiup ataani (atuarfitsialak qaffaseqatigalugu) angusaq:6/E
• Inuussutissarsiutigalugu tunngaviusumik ilinniagaqalernissamut misilitsinneq AEU angusaq: 7/D

Ilinnialernissamut piumasaqaatit sukumiisut arlallit, sivikillisaaneq, immikkut

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi oktoberimi aallartissaaq

Neqeroortoq
Niuernermik Ilinniarfik/Grønlands handelsskole

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit.
Ilinniartut aningaasarsiaanik suliffinni misiliinermi akissarsiaqassaatit, aamma tiimimusiat assigiinngissinnaaput apequutallutik misilittagaqarsimaneq, ukiutit tapisiallu.

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit .Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat/ Suliffiusinnaasut
Allaffinni sulinissamut periarfissaqassaatit.
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
https://cak.gl/wp-content/uploads/2017/03/TNI-Uddannelsen-Uddannelsesplan-1.pdf

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.