CNS teknikkit

Mittarfeqarfinni CNS-ip iluani immikkut ingerlatsisuuvugut (Communication, Navigation and Surveillance). CNS-imik sannavitta ilaanni teknikeritut, elektronikmekanikeritut, elektronikfagteknikeritut imaluunniit teleteknikeritut atorfeqaruit CNS-teknikkimi immikkut ilinniagaqarnissannut periarfissaqarputit.

CNS-teknikkini suliaqarnermiipput ilaatigut CNS-imik aaqqissuussivinnik ingerlatsinerit aserfallatsaaliuinerillu, CNS-imik ingerlatsivinnik/aaqqissuussiffinnik nutaanik ivertiterinerit atuutsitsilernerillu, kiisalu mittarfeqarfinni atortunik ajoqutinik ujartuillunilu iluarsaassisarnerit.

CNS-imik immikkoortoqarfik pingasunik sannaveqarpoq, taakku Nuummi, Kangerlussuarmi Ilulissanilu inissisimallutik. CNS-imik ingerlatsiviup Mittarfeqarfiit mittarfiini 13-ini qulimiguulinnullu mittarfik ataaseq CNS-imik atortut akisussaaffigai.

Makku ilinniarumaarpatit:

Uppernarsaatitaarniarnerpit nalaani timmisartukkut angallannerit qularnaarnissaannut atortut pitsaanerpaamik ingerlatarinissaasa qanoq isumannaartarneri ilinniassavatit, assersuutigalugit radarit, localizerit (ILS / Instrument Landing System), DME-t (Distance measuring equipment / Ungasissutsimut uuttortaassutit), NDB (Radiofyri – naaralaartitsivik), angallannermillu ingerlatsivinni atuuffiit allat tamarmik. Taamatuttaaq ICAO (International Civil Aviation Organization), aamma Sakkutooqarfiunngitsumi Timmisartuussisarnermut Aalajangersakkat (Bestemmelser for Civil Luftfart) naapertorlugit mittarfiup piumasaqaatit suut malittarissanerai ilinniassavatit.

Naatsorsuutigaarput:

• Angalanissamut piareersimasutit. CNS-inik atortut misissorneri iluarsaassiuarnerillu mittarfinnut assigiinngitsunut tamakkununnga annertungaatsiartumik angalasarnissannik pisariaqartitsipput.
• Ukiunik sisamanik sivisussusilimmik tunngaviusumik, elektronikmekanikeritut/teknikeritut imaluunniit elektronikfagteknikeritut ilinniagaqarsimassasutit
• Kajumissuseqarlutillu nutaanik ilinniarusunnerit

Isumannaallisaanermut akuersissut:

• Atorfimmut naatsorsuutigineqassagaanni politiinit isumannaallisaarnermut akuersissuteqarnissat pisariaqartinneqarpoq. Taamaattumik pinerluttulerinermik nalunaarsuiffimmit naqitaq ilanngullugu nassiuguk. Taanna najukkami politiit pisortaqarfianni pissarsiarineqarsinnaavoq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Qinnuteqaatitit Mittarfeqarfiit / Greenland Airports suliarineqassapput, ingerlaavartumik akissutisisarumaarputit. Ilinniarnerup aallartinnissaanut sapaatip akunneri pingasut inulersimappagit illillu suli akissutisinak, Air Greenland saaffiginnittariaqassaatit.

Ilinniarnermik aallartiffik
Ilinniagaq ingerlaavartumik aallartittarpoq

Neqeroortoq
Mittarfeqarfiit / Greenland Airports

Aningaasaqarneq
Sulisitsisunniit akissarsiaqassaatit, tamanna pissutigalugu ilinniarnersiutinik imaluunniit ilinniartut akissarsiaanik pisinnaanngilatit.

Suliffimmik misiliinermi pissutsit
Suliffimmik misiliissanngilatit

Piginnaasat qaffasissusaat
-

Siunissami periarfissat / Suliffiusinnaasut
Timmisartortitseqatigiinni angalatsitsisuni imaluunniit timmisartuni attartukkani sulinissamut periarfissaqassaatit.

Ilinniarnermik aaqqissuussineq
https://www.mit.gl/gl/atorfiit-ilinniarfiillu/ilinniarfissat-allattorsimaffiat/cns-tekniker/

Suliap suliarineqarneranut imaluunniit allat pillugit naammagittaalliutissaqaruit Mittarfeqarfiit / Greenland Airports attaveqarfigissavat.