Timmisartumi saqisoq

Tunngaviusumik ilinniartitaaneq teoriimik pikkorissarluni atuagarsorneruvoq Kalaallit Nunaanni sap. ak. pingasunik Københavnimilu sap.ak. sisamanik sivisussusilik.Pikkorissarneq angusiffigalugu naammassineqarpat timmisartumi saqisutut (Cabin Crew Member) ilinniarnerup naammassinissaata tungaanut ikorfartuisumit nakkutigineqarluni timminerit aallartissapput.

Ilinniagaqarnermi ilaatigut makku pikkorissarfigineqassapput: Ilaasunik pitsaanerpaamik kiffartuussilluni sullissineq, ikuallattoqalerpat/putsumilluunniit malussartoqarnerani iliuusissat sungiusarneri, annaassiniarnissamut sungiusarnerit, ikiueqqaarneq, ilaasunik sullissineq, attaveqaqatigiinnerit, nassatat ulorianartut il.il.

Ilinniarnerup ilarujussua tuluttut ingerlanneqartarpoq

Timmisartumi saqisut ulluinnarni suliassaat ukuupput
Air Greenlandimit timmisartuni saqisutut sulisut tassa ilaasut pitsaanerpaamik kiffartuunnissaat aammalu timmisartumik ingerlaarnermi isumanaatsuunissaq akisussaafigaat.

Ilaasut pitsaanerpaamik isumannaatsuunissaannik isumaginninneq

Imarpik qulaallugu angalanermi aamma nunap iluani angalanerit ilaanni nerisassanik imeruersaatinillu sassaalliineq

Ulloq unnuarlu piffissami sukkulluunniit sulisarnissaq piareersimaffigineqassaaq.

• Inuttut isikkuminartuuneq takujuminartuunerlu, matumani inussiarnersuuneq saaffigiuminarnerlu. Eqaatsumik suleriuseqarneq aamma inunnik allanik soqutigisaqarluarneq.

• Ulaperuluffinni paatsiveerutiannginneq eqqissisimasumillu pissuseqarneq, sulianillu assigiinngitsunik ataatsikkut ingerlassisinnaaneq

• Qinnuteqarfimmi 21-nik ukioqalereersimaneq

• Atuarfimmi imaluunniit allatut ilinniagaqarnermik naammassinnissimaneq

• Inuttut tarnikkullu nalinginnaasumik peqqissuuneq (timmisartortartut nakorsaannit uppernarsarneqassaaq)

• Minnerpaamik 200 meterinik nalussinnaaneq (ilinniarnerup nalaani misilitsittoqassaaq)

• Pillagaasimannginnermut uppernarsaat

• Minnerpaamik 160 cm-inik angissuseqarneq tassungalu naleqquttumik oqimaassuseqarneq

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniagaq ingerlaavartumik aallartittarpoq

Neqeroortoq
Air Greenland

Aningaasaqarneq
Sulisitsisunniit akissarsiaqassaatit, tamanna pissutigalugu ilinniarnersiutinik imaluunniit ilinniartut akissarsiaanik pisinnaanngilatit.

Suliffimmik misiliinermi pissutsit
Suliffimmik misiliissanngilatit

Piginnaasat qaffasissusaat
-

Siunissami periarfissat / Suliffiusinnaasut
Timmisartortitseqatigiinni angalatsitsisuni imaluunniit timmisartuni attartukkani sulinissamut periarfissaqassaatit.

Ilinniarnermik aaqqissuussineq
https://www.airgreenland.gl/paasissutissat-uagut-pilluta/ilinniarfissat/timmisartumi-saqisoq/

Suliap suliarineqarneranut imaluunniit allat pillugit naammagittaalliutissaqaruit Air Greenland attaveqarfigissavat.