Gå til indholdet

Timmisartuni qatserisartoq imaluunniit imaani annaassiniartartoq

Ilinniakkap suunera: 222164

Maana qinnuteqarit

Paasissutissat

  • Sivisussuseq: Ullormit ataatsimit qulinut
  • Qinnuteqarfissamut killerititaq: -
  • Ilinniagaqalernissamut piumasaqaat (qaffasissuseq):  Periarfissat arlallit
  • Sumiiffik: Kangerlussuaq + Narsarsuaq + Nuuk + Ilulissat
  • Aningaasaqarneq: Sulisitsisoq
  • Atuartitsinermi oqaatsit: danskisullu, tuluttut

Mittarfeqarfinni unammillernartunik pissanganartunillu ilinniaqqinnissamut periafissaqarpoq. Terminalarbejderitut uagutsinni atorfeqaruit timillu pisinnaalluarpat timmisartuni qatserisatutut annaassiniartartutullu kiisalu imaani annaassiniartartutut pikkorissarnernik ilinniaqqissinnaavutit. Pikkorissarnerit ilaat ullormik ataatsimiit ullut qulit tungaannut sivisussuseqarput.

Ilinniaqqinnerit assigiinngitsut neqeroorutigisagut tassaapput:

• Iliuuseqarnermi aqutsisoq
• Putsup iluani qatserisartoq
• Ikiueqqaarnermi ilitsersuisutut imaluunniit putsup iluani qatserisartutut ilinniarneq
• Ikuallannerup ingerlasarnera innerullu ikummaruloortarnera pillugit ilinniarneq
• Inersimasunik perorsaanermik ilinniaqqinneq
• Issittumi ikiueqqaarneq

Ataani takusinnaavat imaani annaassiniartarnermut ilinniarneq qanoq ingerlasarnersoq.

Imatut imaani annaassiniartartunngorsinnaavutit
Peqqissuuguit kiisalu qatserinermi annaassiniarnermilu tunngaviusumik ilinniarneq angusiffigisimallugit, Mittarfeqarfinni imaani annaassiniartartutut ilinnialersinnaavutit. Qaanaap, Upernaviup, Uummannap/Qaarsut, Ilulissat, Aasiaat, Sisimiut, Maniitsup, Nuup, Paamiut, Narsarsuuup, Kulusuup aamma Nerlerit Inaanni mittarfinni imaani annaassiniartartoqarpugut.

Ilinniarnerpit ingerlanerani makku ilinniassavatit:
• Imarsiornermi malittarisassat aamma immap assingi
• Sumiissusersiorneq
• Umiatsiat umiarsuillu suliarinissaat
• Imminut illersorneq
• Sulinermi annaassiniarnermilu suliassat aalajangersimasut

Naatsorsuutigaarput:

• Nutaanik ilinniarnissannut kajumissuseqartutit
• Pitsaasumik ataatsimut isigissinnaasutit ulapaarujussuarnermilu sulilluarsinnaasutit
• Qatserinermik annaassiniarnermillu tunngaviusumik pikkorissarnermi angusaqarsimasutit
• Uatsinni suliffeqassasutit

Ilinniarneq pillugu paasissutissat
Timmisartumi ikuallattoqartillugu qatserinermi annaassiniarnermilu ilinniagassani assigiinngitsuni illit peqataasutut iliuuseqarnissat piumasaqaataavoq. Pikkorissarnermi sungiusarnerit assut pingaartitaraagut kiisalu ilisimalikkatit piginnaasarilikkatillu pillugit oqaluttariarsornermik ilinniassaatit. Aammattaaq allattariarsorluni soraarummeertoqassaaq.

Uannga allanneqarpoq: Ilinniartitaanermut, Kultureqarnermut, Timersornermut, Ilageeqarnermullu Naalakkersuisoqarfik

Air Greenland

Postboks 1012

3900 Nuuk

 

+299 34 34 34

hrudvikling@airgreenland.gl

 

www.airgreenland.com

Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.