Timmisartuni qatserisartoq imaluunniit imaani annaassiniartartoq

Mittarfeqarfinni unammillernartunik pissanganartunillu ilinniaqqinnissamut periafissaqarpoq. Terminalarbejderitut uagutsinni atorfeqaruit timillu pisinnaalluarpat timmisartuni qatserisatutut annaassiniartartutullu kiisalu imaani annaassiniartartutut pikkorissarnernik ilinniaqqissinnaavutit. Pikkorissarnerit ilaat ullormik ataatsimiit ullut qulit tungaannut sivisussuseqarput.

Ilinniaqqinnerit assigiinngitsut neqeroorutigisagut tassaapput:

• Iliuuseqarnermi aqutsisoq
• Putsup iluani qatserisartoq
• Ikiueqqaarnermi ilitsersuisutut imaluunniit putsup iluani qatserisartutut ilinniarneq
• Ikuallannerup ingerlasarnera innerullu ikummaruloortarnera pillugit ilinniarneq
• Inersimasunik perorsaanermik ilinniaqqinneq
• Issittumi ikiueqqaarneq

Ataani takusinnaavat imaani annaassiniartarnermut ilinniarneq qanoq ingerlasarnersoq.

Imatut imaani annaassiniartartunngorsinnaavutit
Peqqissuuguit kiisalu qatserinermi annaassiniarnermilu tunngaviusumik ilinniarneq angusiffigisimallugit, Mittarfeqarfinni imaani annaassiniartartutut ilinnialersinnaavutit. Qaanaap, Upernaviup, Uummannap/Qaarsut, Ilulissat, Aasiaat, Sisimiut, Maniitsup, Nuup, Paamiut, Narsarsuuup, Kulusuup aamma Nerlerit Inaanni mittarfinni imaani annaassiniartartoqarpugut.

Ilinniarnerpit ingerlanerani makku ilinniassavatit:
• Imarsiornermi malittarisassat aamma immap assingi
• Sumiissusersiorneq
• Umiatsiat umiarsuillu suliarinissaat
• Imminut illersorneq
• Sulinermi annaassiniarnermilu suliassat aalajangersimasut

Naatsorsuutigaarput:

• Nutaanik ilinniarnissannut kajumissuseqartutit
• Pitsaasumik ataatsimut isigissinnaasutit ulapaarujussuarnermilu sulilluarsinnaasutit
• Qatserinermik annaassiniarnermillu tunngaviusumik pikkorissarnermi angusaqarsimasutit
• Uatsinni suliffeqassasutit

Ilinniarneq pillugu paasissutissat
Timmisartumi ikuallattoqartillugu qatserinermi annaassiniarnermilu ilinniagassani assigiinngitsuni illit peqataasutut iliuuseqarnissat piumasaqaataavoq. Pikkorissarnermi sungiusarnerit assut pingaartitaraagut kiisalu ilisimalikkatit piginnaasarilikkatillu pillugit oqaluttariarsornermik ilinniassaatit. Aammattaaq allattariarsorluni soraarummeertoqassaaq.

Terminalarbejderitut qasujaatsuullutit peqqissuullutillu maani atorfeqaruit timmisartunik ikuallattunik qamisaanermik annaasiniarnermillu kiissalu imaani annaasiniartarnermik ilinniaqqissinnaavutit.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Qinnuteqaatit Ilisimatusarfimmit suliarineqassaaq, ilinniagaqarnersiuteqarnissamut qinnuteqaatit Ilinniagaqarnersiuteqartitsivimmit suliarineqassalluni, kisianni taakku tamarmik Ilisimatusarfimmit allaffissornikkut aqunneqassapput.

nalunaarfigineqassaatit akuerisaasimanerlutit imaluunniit akuerisaasimannginnerlutit.

Eqqaamallugu ilumut ilinnialerniarlutit nalunaarutigissagakku.

Qinnuteqarnerpit nalaani suli soraarummeersimanngikkuit akuerineqarsinnaavutit soraarummeerninni angusisimanissat piumasaqaatiginerqarluni.
Eqqaamallugu soraarummeersimanermut uppernarsaat nassiunneqassammat kingusinnerpaamik juunip 29-ani.

Ilinniarnerup qaqugu aallartinnissaa, ilinniagaqarnersiutit il.il. pillugit kigusinnerpaamik 15 januaari Iliisimatusarfimmit ilisimatinneqassaatit.

Ilinniarnermik aallartiffik
Ilinniagaq ingerlaavartumik aallartittarpoq

Neqeroortoq
Mittarfeqarfiit / Greenland Airports

Aningaasaqarneq
Sulisitsisunniit akissarsiaqassaatit, tamanna pissutigalugu ilinniarnersiutinik imaluunniit ilinniartut akissarsiaanik pisinnaanngilatit.

Suliffimmik misiliinermi pissutsit
Suliffimmik misiliissanngilatit.

Siunissami periarfissat / Suliffiusinnaasut
Timmisartortitseqatigiinni angalatsitsisuni imaluunniit timmisartuni attartukkani sulinissamut periarfissaqassaatit.

Ilinniarnermik aaqqissuussineq
https://www.mit.gl/gl/atorfiit-ilinniarfiillu/ilinniarfissat-allattorsimaffiat/qatserineq-annaassiniarnerlu/

Suliap suliarineqarneranut imaluunniit allat pillugit naammagittaalliutissaqaruit Mittarfeqarfiit / Greenland Airports attaveqarfigissavat.