Inuutissarsiutigalugu aalisarnermi piniarnermilu tapertaqartinneqartumik tunngaviusumik ilinniarneq

Ilinniarneq aalisariutinut tunngaviusumik ilinniartitaaneruvoq. Ilinniartoq tunngaviusumik ilinniartitaaneq inaaruniuk aalisariutip qaavani aalisartutut sulilersinnaasaaq.

Inuusutissarsiutigalugu aalisartunngoruvit aalisariaatinut atuuttunut akuulissagavit. Inuutissarsiutigalugu aalisartumut ilinniarnermi piareersarneqassaatit aalisartutut inuuniuteqarnermi unammilligassat naamattoorneqassinnaasartut upalunngaarfiginiarnissaanut.

Inuutissarsiutigalugu aalisartuunerup ilinniartitaanera ukiuni marlunni sapaatip akunnerillu 11-it sivisussuseqarpoq. ilinniartitaaneq assasornerujussuusaaq, ilinniarnerillu nikerartinneqasaaq ilinniarfimmi aamma suliffillu misiliifigisaq. Ilinniarnerup ingerlanerani sisamariarlutit ilinniarfimmiikkumaarputit Imarsiornermik Ilinniarfik Paamiut aamma Imarsiornermik Ilinniarfik Nuuk saniatigullu pingasoriarlutit aalisariutini suliffimmi misiliigumaarputit:

Aalisariutini inuuniuteqarneq
1. Ilinniarfimmiineq (sapaatip akunnerini pingasuni): Tassani inuutissarsiutigalugu aalisartuuneq ilisaritinneqassaaq.
2. Aalisariutini suliffimmi misiliineq (qaammatini arfinillit missani).
3. Ilinniarfimmiineq (sapaatip akunnerini 11-it): Tassani ilinniartinneqassaatit aalisariaatit, allunaaserineq, sumiisusersiorneq, motoorimik paarsineq, ikumaneq aamma igaffik.
4. Aalisariutini suliffimmi misiliineq ( qaammatit pingasut missaani).
5. Ilinniarfimmiineq (sapaatip akunneri 11-it.) Tassani uku ilinnut atuartitsisutigineqassapput nakorsaataasivik B, iluarsiigallarnermik svejserineq, hydrauli, sulinermi isumannaallisaaneq, allunaaserineq, allaffissorneq / naatsorsuutit, STCW-isumannaallisaanermut pikkorissarneq aamma radiolerineq LRC.
6. Suliffimmi misiliineq (qaammatini pingasut missaani).

Piniarnermik inuutissarsiorneq
7. Ilinniarfimmiineq (sapaatip akunnerini 11-it): Tassani ilinniartinneqassaatit piniarnermut inatsisit, piniarnermi pissuserissaaneq, inuusutissat, ileqqut malillugit piniarneq, angallammiit puisinniarneq, Neqit nerpiilu nerisassiarineri, neqinik nerpinnillu panertitsineq, eqalunnik qalerallinillu pujoorineq.

Suliffimmi misiliinerni, misilittagaqarfigilerumaarpatit piniutinik ningitsineq amuarneq, aserfallatsaaliineq, angallatip qaavani pisaanik passussineq, lasti eqqanaarsarnera, pisaanik poortuineq, pigaartuuneq, elektroniskimik pisaaneq nalunaarsuineq, igaffimmi sulineq, maskiinanik paarsineq aserfallatsaalinerillu saniatigutillu usingiarneq tullialu angalanissaq periareersaaqataaffigalugu

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniagaq ingerlaavartumik aallartittarpoq

Neqeroortoq
Imarsiornermik Ilinniarfik

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit .Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat/ Suliffiusinnaasut
Imarsiornerup iluani sulisinnaassaatit. Aalisakkerinerup iluani sulisinnaassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq.

Ilinniarnermik aaqqissuussineq
https://maritim.gl/ka/aalisariutinut-ilinniarneqarsinnaasut/inuutissarsiutigalugu-aalisarnermi-piniarnermillu-tapertaqartinneqartumik-tunngaviusumik-ilinniarneq/

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.