Fiskeskipper af 1. grad

Fiskeskipperi aalisariutini aquttutut, naalakkatut aamma sulisunut aqutsisutut ingerlatsissaaq. Fiskeskipper af 1. grad-itut sulininni aalisariutini qanorluunniit angissuseqartuni immani tamani naalakkatut pisinnaatitaavutit.

Ilinniartitaanerup imarisaa:
Fiskeskipper af 1. grad-itut ilinniarninni ilinniarneqassapput sumiissusersiorneq, silasiorneq, pigaartoqarneq, takussaasumik kalerrisaarineq, skibsteknik, peqqinnermut ilinniarneq, isumannaallisaaneq aamma avatangiisinik illersuineq, maskiinanut ilinniarneq, ikuallattumik akiuiniarneq, danskisoorneq, tuluttoorneq, pc-imik atuineq kiisalu søret aamma aalisariutini allaffissorneq.
Fiskeskipper af 1. grad-iuniaraanni ilanngullugit ilinniarneqassapput biologi, immamut ilinniarneq aamma aalisarnermut ilinniarneq.

Fiskeskipper af 1. grad-itut ilinniarneq aallartinniassagukku, ilinniarnissamut piumasaqaatit makkua naammassineqaqqaassapput:

1. Meeqqat atuarfianni naggataarutaasumik misilitsinneq imaluunniit imarsiortutut piareersarnermut pikkorissarneq angoreersimasariaqarput. Umiarsuarni 12 meterit sinnerlugit angissusilinni sivikinnerpaamik qaammatini 24-ini a-ngalareersimassaatit. Tunngaviusumik ilinniartitaaneq imaluunniit skoleskibimi ilinniar-simaneq naammassisimagukku qaammatini 18-ini angalasimanissaq naammappoq. Eqqaamallugu aalisariutini angalasimanissaq sivikinnerpaamik qaammatini 12-ini pisima-nissaa. Taamaattorli toqqaannartumik aallartissinnaavutit, tamakkiisumik aalisariummi 12 meterit (15 BT) sinnerlugit angissusilimmi qaammatini 24-ini angalasimaguit). Angalasimaneq søfartsbog-ikkut uppernarsarneqarsimassaaq.
2. Peqqissutsimut allagartamik aammalu Imarsiortutut allagartamik (Atuagaq tungortoq) atuuttunik ilanngullugu peqartariaqarputit.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi januarimi aallartissaaq

Neqeroortoq
Imarsiornermik Ilinniarfik

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit

Suliffimmik misiliinermi pissutsit
Suliffimmik misiliissanngilatit.

Siunissami periarfissat/ Suliffiusinnaasut
Imarsiornerup iluani sulisinnaassaatit. Aalisakkerinerup iluani sulisinnaassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq.

Ilinniarnermik aaqqissuussineq
https://maritim.gl/ka/aalisariutinut-ilinniarneqarsinnaasut/sumiisusersiortoq/fiskeskipper-af-1-grad/

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.