Fiskeskipper af 3. grad

Fiskeskipper af 3. grad-itut ilinniartitaanermi ilaatinneqarput tuluttoorneq, isumannaallisaaneq aamma avatangiisinik illersuineq, sumiissusersiorneq, pigaartoqarneq, skibsteknik, søret, silasiorneq, takussaasumik kalerrisaarineq, aalisarnermut inatsiseqarneq, imaani isumannaallisaaneq, aalisakkanik ujarlernermi aammalu sumiissusersiornermi atortut kiisalu pc-imik atuineq. Ilanngullugu ilinniarneqassapput immikkut pikkorissarnerit: sungiusaatigalugu angalaneq, peqqinnissamut ilinniarneq, radar, radio, maskiinanik ilinniarnerit, ikuallattumik akiuineq, pujorsiorneq (røgdykning) kiisalu ikuallattumik qamisaanermi aqutsineq.

Suliffigisaq:
Aalisariutini aquttoq imaluunniit naalagaq. Aalisariutini 20 – 500 BT-itut angissusilinni naalagaanerit, sinerissap qanittuani angalasuni Fiskeskipper af 3. grad-itut imaani inuussutissarsiuteqarnermut allagartaqartussaapput. Naalagaq imarsiornermi sulisunut aqutsisuussaaq, talinnganermilu usilersornermi usingiarnermilu aqutsisassalluni.

Fiskeskipper af 3. grad-itut ilinniarnerit aallartissagukku isernissamut piumasaqaatit makkua piumasarineqarput:

1. Meeqqat atuarfianni naggataarutaasumik misilitsinneq naammassisimassavat.
2. Sivikinnerpaamik umiarsuarni 12 meterit sinnerlugit angissusilinni qaammatini 24-ini a-ngalasimassaatit. Tunngaviusumik ilinniartitaaneq imaluunniit skoleskibimi ilinniarsimaneq naammassisimagukku qaammatini 18-ini angalasimanissaq piumasaqaataavoq. Eqqaamallugu aalisariutini sivikinnerpaamik qaammatini 12-ini angalaleersimassagavit. Angalasimaneq søfartsbog-imi uppernarsarneqarsimassaaq.
3. Ilanngullugu peqqinnermut allagartaq atuuttuusoq aamma imarsiortutut allagartaq (atuagaq tungujortoq) atuuttuusoq pigissagakkit.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi januarimi aallartissaaq

Neqeroortoq
Imarsiornermik Ilinniarfik

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit

Suliffimmik misiliinermi pissutsit
Suliffimmik misiliissanngilatit

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit .Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat/ Suliffiusinnaasut
Imarsiornerup iluani sulisinnaassaatit. Aalisakkerinerup iluani sulisinnaassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq.

Ilinniarnermik aaqqissuussineq
https://maritim.gl/ka/aalisariutinut-ilinniarneqarsinnaasut/sumiisusersiortoq/fiskeskipper-af-3-grad/

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.