Kystskipper

Kystskipperitut ilinniarneq atuagarsorneruvoq, imaralugulu sungiusaatigalugu angalaneq. Ilaatigut atuartitsissutigineqarput sumiissusersiorneq, pigaartooqatigiinneq, silasiorneq, motoorilerineq, immami isumannaallisaaneq, ikuallattumik akiuineq, umiarsuarmi pappiararsorneq, søret, imarsiortuuneq, danskisoorneq tuluttoornerlu aamma usinik navianartunik passissusineq. Kyst-skipperitut ilinniarneq Fiskeskipper af 3. grad-imut naligiisinneqarpoq, taamaattorli immikkut modulimik ilaqartinneqarluni, tassalu usinik passissineq.
Suliffigisaq:
Umiarsuarni niuffagiutini 500 BT tikillugu angissusilinni aquttuuneq imaluunniit naalagaaneq. Naalakkap suliassaraa umiarsuaq aqussallugu ingerlatissallugulu. Ilanngulluguttaaq umiarsuup usingiarnera usilersorneralugu aquttussaavai. Tamakkiisumik aquttoq/naalagaq sulinermi aqutsisussaavoq aamma matut, usingiarnermi usilersornermilu atortut, umiarsuup qaavani aammalu allarpassuarnik aserfallatsaaliineqarnerini iluarsaanneqarnerinilu.

Kystskipperitut ilinniarneq aallartissagukku ilinniarnissamut piumasaqaatit makkua piumasarineqarput:

1. Meeqqat atuarfianni naggataarutaasumik misilitsinneq naammassisimassavat.
2. Imarsiornermik Ilinniarfimmi imaluunniit skoleskibimi skibsassistentitut tunngaviusumik pikkorissarneq naammassisimagukku, piumasarineqarpoq qaammatini 12-ini aquttun-ngorniarnermi angalasimanissaq imaluunniit skibsassistentitut sungiusimanngitsutut qaammatini 18-ini angalasimanissaq.
3. Aammali skibsassistentitut suniusimanngitsutut qaammatini 15-ini angalasimaguit ilinnialersinnaavutit. Tassanili piumasarineqarpoq skibsassistentitut naggataarutaasumik pikkorissarneq naamassisimassagit.
4. Suliamut tunngatillugu ilinniagaqarsimaguit (jern og metal, ukiuni 3-4-ini) aammalu imarsiornermik ilinniarfimmi imarsiornikkut sapaatit akunnerini 10-ini pikkorissarsimaguit ilinniarnissamut piumasarineqarpoq skibsassistentitut qaammatini 12-ini angalasimanissaq.
5. Skibsmekanikeritut ilinniarsimaguit, toqqaannartumik ilinnialersinnaavutit. Piumasaqaatinulli sivikinnerpaamik skiibsmekanikeritut ilinniarninnut atatillugu qaammatini 12-ini angalareersimanissaq piumasarineqarpoq. Ilanngulluguttaaq peqqissutsimut allagartaq atuuttuusoq aammalu imarsiortutut allagartaq (atuagaq tungujortoq) pigisariaqarpatit.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi juuni-imi aallartissaaq

Neqeroortoq
Imarsiornermik Ilinniarfik

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit

Suliffimmik misiliinermi pissutsit
Suliffimmik misiliissanngilatit

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit .Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat/ Suliffiusinnaasut
Imarsiornerup iluani sulisinnaassaatit. Aalisakkerinerup iluani sulisinnaassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq.

Ilinniarnermik aaqqissuussineq
https://maritim.gl/ka/aalisariutinut-ilinniarneqarsinnaasut/sumiisusersiortoq/kystskipper/

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.