Klinikassistenti

Klinikassistentitut kigutileritinnerni assigiinngitsuni tamani piareersaallutillu ikiuuttassaatit. Tamatuma saniatigut sullitanik ilitsersuisassaatit.

Klinikassistentitut ilinniagaq ukiunik marlunnik sivisussuseqarpoq. Sapaatip akunnerinik 14-inik atuagarsornertaqarluni kiisalu sapaatip akunnerinik 76-inik suliffimmik sungiusarnertaqarluni. llinniagaq atuagarsornermik sapaatip akunnerinik marlunnik sivisussuseqartumik misilitsinnertalimmik naggaserneqartarpoq.

Ilinniarneq ukiunik marlunnik sivisussuseqartoq kigutilerivimmi sulinermik sungiusarnermik Nuummilu Peqqissaanermik Ilinniarfimmi pingasoriarluni sap. ak. arfineq pingasuni atuagarsornermik immikkoortortaqarpoq. Atuagarsorneq kingulleq soraarummeernermik naggaserneqassaaq.
Tamatuma saniatigut sulinermik sungusarnermut atatillugu sap. ak. sisamani atortorissaaruserluni alisissumiit ilinniartitsisoqassaaq. Katillugit sap. ak 36-ini atuagarsortoqassaaq.
Sulinermik sungiusarneq najukkanni kigutilerivimmi ingerlanneqassaaq.
Sulinermik sungiusarnerup nalaani suliffimmi sungiusaasoqassaatit Peqqissaanermillu Ilinniarfimmi attaveqarfeqassallutit.

Piumasaqaataasut makkuupput: Meeqqat Atuarfianni inaarutaasumik misilitsinnermi minnerpaamik angusimanissaat karakteerit uku:

• D (4) Qallunaatut.
• D (4) Kalaallisut.
• E (02) Kisitsineq.

llinniarfissamik nassaarsimanissaq ilinniartuunissamullu isumaqatigiissusiorsimanissaq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi augustimi aallartissaaq 2025, 2027, 2029...

Neqeroortoq 
Peqqissaanermik Ilinniarfik (PI)

Aningaasaqarneq
Sulisitsisunniit akissarsiaqassaatit, tamanna pissutigalugu ilinniarnersiutinik imaluunniit ilinniartut akissarsiaanik pisinnaanngilatit.

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat/ Suliffiusinnaasut
ilinniarnermik naammassereeruit ukunani atorfininniarsinnaavutit ulluunerani paaqqinnittarfiit aamma ulloq unnuarlu paaqqinniarfiit.Ilinniakkavit ilinniaqqinissannut ilinniagassanut qaffasinnerusunut periarfissiissaaq.

Ilinniarnermik aaqqissuussineq
Uani atuagaaraq aasinnaavat: https://pi.gl/kl/Ilinniartitaanerit/Kigutigissaasoq

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.