Peqqissaanermi ikiorti

Peqqissaanermi ikiortitut utoqqarnik nappaatilinnik innarluutilinnillu, namminneq angerlarsimaffiini, utoqqaat angerlarsimaffiini –imal. utoqqarnik paaqqutarinniffinni ikiorsiissaatit tunngaviusumillu peqqissaanermi suliaqassallutit.

Peqqissaanermi ikiorti sulerisarpa?
Inuunerup naleqassusaa pitsaanerpaaffissaaniitinniarlugu innuttaasup imminut ikiorsinnaajuarsinnaanissaanut piginnaasaminillu inerisaasinnaanissaanut piginnaanngorsarlugulu tapersersussavat.
Innuttaasup ulluinnarni suliarisartagaanik- soorlu imminut eqqiarnermut-, illumi suliassanut- ilaatigut eqqiaanermut-, errorsinermut-, niuerniarnermut kiisalu nerisat peqqinnerlu pillugit ilitsersuinermut nerisassiornermullu tunngasunut- ikiuinissamut ilinniassaatit. Taamaalillutit suliassatigut ikiorsiissaatit tunngaviusumillu peqqissaanermik suliaqassallutit.

Peqqissaanermi ikiortitut utoqqarnik, napparsimasunik imal. innarluutilinnik qanimut sullississaatit. Inuit aliasuutaat aammattaarli nuannaarutaat inuunissamullu piumassuseqassusaat qanimut misigisaqarfigissavatit. Taamaammat inunnik oqaloqateqarsinnaallutillu tusarnaarsinnaassaatit.

Peqqissaanermik ikiortitut utoqqarnik nappaatilinnik innarluutilinnillu namminneq angerlarsimaffiini, utoqqaat angerlarsimaffiini imal. utoqqarnik paaqqutarinniffinni ikiorsiissaatit tunngaviusumillu peqqissaanermi suliaqassallutit.

Inuunerup naleqassusaa pitsaanerpaaffissaaniitinniarlugu innuttaasup imminut ikiorsinnaajuarsinnaanissaanut piginnaasaminillu inerisaasinnaanissaanut piginnaanngorsarlugulu tapersersussavat. Suliassatigut ikiorsiissaatit tunngaviusumillu peqqissaanermik suliaqassallutit.

Peqqissaanermi ikiortitut utoqqarnik, napparsimasunik imal. innarluutilinnik qanimut sullississaatit. Inuit aliasuutaat aammattaarli nuannaarutaat inuunissamullu piumassuseqassusaat qanimut misigisaqarfigissavatit. Taamaammat inunnik oqaloqateqarsin-naallutillu tusarnaarsinnaassaatit.

Peqqissaanermik ikiortitut ilinniarneq sivisussuseqarpoq ukiumik ataatsimik qaammatinillu pingasunik. Ilinniarnermi atuagarsornermik sungiusarlunilu sulinermik imaqarpoq, katillugit sap.ak. 32-inik atuagarsornertaqarluni taavalu sap.ak. 26-inik suliffimmik sungiusarnertaqarluni.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniagaq ingerlaavartumik aallartittarpoq 

Neqeroortoq 
Peqqissaanermik Ilinniarfik (PI)

Aningaasaqarneq
Sulisitsisunniit akissarsiaqassaatit, tamanna pissutigalugu ilinniarnersiutinik imaluunniit ilinniartut akissarsiaanik pisinnaanngilatit.

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat/ Suliffiusinnaasut
ilinniarnermik naammassereeruit ukunani atorfininniarsinnaavutit ulluunerani paaqqinnittarfiit aamma ulloq unnuarlu paaqqinniarfiit.Ilinniakkavit ilinniaqqinissannut ilinniagassanut qaffasinnerusunut periarfissiissaaq.

Ilinniarnermik aaqqissuussineq
Uani atuagaaraq aasinnaavat: https://pi.sps.gl/ka/ilinniakkat/siunnersuinermi-ikiortitut-ilinniagaq/

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.