Qalipaasoq

KTI suliamik ilinniagaqarsimasoq illunut qalipaasoq – ukiuni sisamani ilinniagaq.

Siornatigornit maanakkumut qalipaasup suliassai annertunerulersimapput.
Sanaartukkat nutaat suulluunniit aammalu natinik qallersuinerit saniatigut makkua aamma soorlu suliarineqartalernikuupput biilinik aammalu allagartassanik qalipaanerit.t eqqarsaatigalugit soorlu qalipanneqarneri, ungalitsersuineq

Assersuutitut qalipaasup aamma makkua suliarisinnaavai

• illunik nutaangitsunik iluarsartuussineq aserfallatsaaliornerilu
• biilinik seqqarsaat atorlugu qalipaaneq
• allagartassanik qalipaaneq soorlu allagartat ussassaarutissat il.il.
• maskiinat qaavinik suliareqqiinnerit

Ilinniartitaanerup ilusilersornera imarisaalu
Illoqarfigisami tunngaviusumik atuarfimmi faagit nalinginnaasut atuartitsissutigineqartartut tassaapput kisitsineq/namminersortutut aningaasaqarneq, attaveqatigiinneq aammalu ikiueqqaarneq, ataatsimut atuagarsornerit tassaapput matematikki, ilutsinik naatsorsuuserineq, titartaanermut ilinniarneq, isumannaallisaaneq aammalu sullivimmi isumannaallisaaneq immikkullu ilinniakkamut faagit suliassartai.

Sanaartornermik Ilinniarfimmi atuarnermi tunngaviusumik faagit atuartitsissutigineqartartut tassaapput teknologi atorlugu ineriartortitsineq, avatangiisit, eqqumiitsuliorneq assilissallu atorlugit

attaveqatigiinneq, ilusilersuineq qalipaatillu atornissaat, faagit ilinniakkamut tunngasut tassaapput qalipaatilerineq, titartaaneq tulluarsaarillunilu katiterineq, qalipaariaatsit, teknikki atorlugu qalipaaneq, uuttortaaneq naatsorsuuserinerlu, nioqqutissanik qalipaanerit atortussallu atornissaannut ilinniarneq.

Misitsinnerit
Tamatigut atuarfimmiinnermi naggataarutaasumik misilitsittoqartarpoq tassanilu angusisimanissaq piumasaqaataavoq tullissaani atuarnissamut isissutissaammat.

Ilinniarneq naggatarutaasumik misilitsiffiulluni naamassineqartarpoq.

Sungiusaamik sulineq, piffissat atuarfiusut, akunnerit atuarfiusut il.il.

Ukiumi atuarfiusumi siullermi sap.ak. marluk aallarnisaataasumik atuareernerup kingorna nunap immikkoornera naapertorlugu ukiup ingerlanerani sap.ak.18-nit atuartinneqassapput.

Ilinniarneq nikerartumik sungiusaamik sulinermik aammalu illoqarfigisami tunngaviusumik atuarfimmi aammalu Sanaartornermik Ilinniarfimmi atuarnermik ingerlanneqartarpoq. Ukiut marluk sisamat akornanni nikerartumik sungiusaamik sulinermik aammalu katillugit sisamariarluni Sanaartornermik Ilinniarfimmi atuarnermik sap.ak.qulit, aqqanik marluk, qulingiluat aammalu qulingiluiat ilinniarneq ingerlanneqartarpoq.

Ilinniarnerup sivisissusaa
Ukiut sisamat.

Attaveqaatit
Illoqarfigisami ilinniakkanut siunnersorti, illoqarfigisami tunngaviusumik atuarfik aammalu/imall.

Ilinniagaqarnissamut piumasaqaatit

Atuarfitsialak aqqutigalugu ukiut 10-ni atuarsimanissaq kingunerisaanillu misilitsisimanissaq misilitsinnermi karakterit 6 minnerpaaffigalugu (13 skala), maleruagassallu nutaat naapertorlugit karakter E (GSS-skala), anguneqarsimassalluni fagini ukunani kalaallisut, qallunaatut aamma matematik

Meeqqat atuarfianni ukiut 11-ni atuarsimanissaq, misilitsisimanissaq FSA aamma FSUA karakteri 6 (13 skala) minnerpaaffigalugu.

Piareersarfik aqqutigalugu ninnerpaamik anguneqarsimassalluni karakteri E (GSS-skala).

Qinnuteqartup qulaani taaneqartut naammassisimanngikkunigit, atuarfiup ilinniartitaanermut ataatsimiitsiliaataa qinnuteqaata tamakkiisumik nalilersoriarlugu qinnuteqaat akuerisinnaasarpaa.

Qinnuteqaateqartoq ilinniakkamik aallartinnginnerani sulinissamut sungiusarfissamik isumaqatigiissummik atsiorsimassaaq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniagaq ingerlaavartumik aallartittarpoq

Neqeroortoq
KTI

Aningaasaqarneq
Qanoq sivisutigisumik sulisimaneq ukiut, aamma tapit naapertorlugit ilinniartutut akissarsiaqassaatit.

Suliffimmik misiliinermi pissutsit
Suliffinni misiliiffissamik nassaareersimanissamut piumasaqaateqanngilaq.

Siunissami periarfissat/ Suliffiusinnaasut
Biilinik niuerfinni biilileriffinnilu sulisinnaassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
https://www.kti.gl/kl/ilinniarfissat/saviminilerinermik-ilinniarfik/mekanikki/biilinik-iluarsaasartoq

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.