Aquuteralannik qamuteralannillu mekanikeri

Aquuteralannik qamuteralannillu mekanikeri namminersorluni aserfallatsaaliuissavoq iluarsaassillunilu benzinitortunik dieselinillu igerlasuteqartunik aquuteralannik, marinemotorinik, aamma qumutseralannik. Angallatsimmi qamuteralaallu sukkaqisumik qaffakkiartorput teknik tugaasigut, taamaattumillu tamakkua atortorissaarutaat nakkutigineqassapput aserfallatsaaliorneqassallutillu. Servostyring, turboladere, elektronisk indsprøjtning aamma aallartaataat, kissassaataat (varmeanlæg) – atortorissaarutaallu suli sukkaqisumik amerliartorput.

Ilinniartitaaneq:

1. Ilinniartut praktierlutik aallartissapput immaqaluunniit Piareersarfinni introduktionsforløb-iani aallartillutik.
2. Taasumalu kigorna ilinniartut atuarlutik aallartivissapput Saviminilerinermik Ilinniarfimmi tassa siullermik brancheskoleophold-eqarlutik taannalu sivisussuseqarpoq sap.ak. 8.

Taamak ingerlavoq:
Aquuteralannik qamuteralannillu mekanikerinngorniarneq paarlakaajaappoq atuagarsornermik praktikernermillu. Atuagarsorneq grundforløb ilanngullugu 8 + 12 sap.ak., taaguuseqarput GF1 aamma GF2. Sisamaasuni atuagarsornerni hovedforløbimi katillugit 35 sap.ak. taaguusikkani H1, H2, H3 aamma H4.

Atuagarsorneq:
Saviminilerinermik Ilinniarfiup aquuteralannik qamuteralannillu mekanikerinngorniarneq tamaat tigummisarivaa.

Mekanikerinngorniarneq:

Ilinniartut minnerpaamik arfinilliuppata ilinniartitaaneq aallartittarpoq. Ilinnialersussat arfinillinit ikinneruppata ilinniartitsivimmut Danmarkimiittumut suleqatigisatsinnut tunniunneqartarput, ilinnialertullu ilinniarnermi sinnerani Danmarkimiissapput.

Fagit ilinniarnerup igerlanerani:

Grundforløbip igerlanerinnaani ilinnialeriissavtit færdselslære, Benzin- aamma dieselmotorit, Elektriske systemillu. Sullissineq sullitanut, logistik aamma lageri. Hovedforløbimi grundfagit Tuluttut, Materiale-nut paasinninnerit, Avatagiisimut, Salg og service, Samfundsfag, Økonomi. Køle-, brændstof- aamma elektriske systemit kiisalu Benzin- aamma dieselmotorit. Aquuteralannaut aamma qamuteralannut mekanikeri pinngitsoorneqarsinnaanngilaq specialefagit: Transmission, Benzinmotor, Dieselmotor, Elektriske systemerit aamma motorstyring. Specialefagit: Mag- aamma Tig-svejsning manngertornersinnaanngitsunut, Epoxy, isocyanater aamma polyesterstøbninginut. Elektronisk ekstraudstyrit attuumassuseqartut komfort sillimaniarnerlu, Kukkunersiuinerillu (Fejlfinding og analysemetoder).

Ingerlariarfigineqarsinnaasut:
Speciale apeqqutaallutik igerlariaqqissinnaavutit produktionsteknolog, maskinmester immaqaluunniit diplomingeniørimut.

Ilinniartunngorniaraanni Najukkami ilinniarfimmiit imalt. kommunep kulturikkut ilinniartitaanermullu allaffeqarfikkut (KUF) imalt. suliffissarsiuussisarfimmiit qinnuteqartoqassaaq.

Karakteerinik 13 skala atorlugu misilitsinnikunut piumasaqaatit
Meeqqat atuarfianni 11. klassemi soraarummersimanissaq piumasaqaataavoq minnerpaamik karakterigalugit qallunaatut 6 aamma kisitsinermi 7.

Karakteerinik ECTS-skala atorlugu misilitsinnikunut piumasaqaatit
Meeqqat atuarfianni 10. klassimi soraarummeernissaq piumasaqaataavoq minnerpaamik karaktereralugit qallunaatut E aamma kisitsinermi D.

Ilinniarnerup aallartinnginnerani ilinnialersussap 17½-inik ukioqalersimanissaa piumasaqaataavortaaq taamaalilluni GF1-p naammassilernerani biilinik ingerlatsisinnaanermut allagartartaartoqarsinnaassammat.

Ilinniartutut tigusinissamut piumasaqaataavoq suliffimmik sungiusarfeqarneq. Suliffimmik sungiusarfissaqarnissaq ilinniartup namminneq akisussaaffigaa, ilinniarfiup Najukkamilu ilinniarfiup ilinniartup sungiusarfissaamik nassaarniarnerani ikiorsinnaavaa.

Pinerluuteqarnermi pineqaatissinneqarsimannginnissaq piumasaqaataavoq.
Ilinniarnerup agguataarneqarnera: Ilinniarneq ukiunik 3-nik sivisussuseqarpoq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniagaq ingerlaavartumik aallartittarpoq

Neqeroortoq
KTI

Aningaasaqarneq
Qanoq sivisutigisumik sulisimaneq ukiut, aamma tapit naapertorlugit ilinniartutut akissarsiaqassaatit.

Suliffimmik misiliinermi pissutsit
Suliffinni misiliiffissamik nassaareersimanissamut piumasaqaateqanngilaq.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat/ Suliffiusinnaasut
Biilinik niuerfinni biilileriffinnilu sulisinnaassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
https://www.kti.gl/kl/ilinniarfissat/saviminilerinermik-ilinniarfik/mekanikki/biilinik-iluarsaasartoq

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.