Motorilerisoq Umiarsuarmi

Umiarsuaq immami suliffittut puttasutut isigisariaqarpoq, tassami teknikkikkut maskinatigullu atortorissaarutit ruujorerpassuillu ajoquteqaratik atorsinnaasariaqarput. Amutsiviit minnerusut amerlanersaat iluarsaassineq aserfallatsaaliinerlu suliarisarpaat, taakkunanilu motoorilerisup motoorit dieselitortut, milluaatit/imaarsaatit, maskinallu allat ikkussorlugillu iluarsaattarpai. Taakkua tassaassinnaapput motoori umiarsuup ingerlatitsisua, aquutit imalt. motoorit ikiortit atortullu naqitsinilerlugit ingerlatsissutit. Umiarsuaq imaarsaaterpassuaqarpoq milluaasorpassuaqarlunilu, kitsanik amuaatit amuaatillu allat, usisarfiit matusarnerinut assigisaanullu atortartut, tamakku aserfallatsaalineqarlutillu taarsertariaqartarput.
Mootoorilerisup soorunami nutaaliornerit allanngortiterinerillu aamma suliarisarpai. Ilinniarnerup ingerlanerani saviminilerinermi suleriaaserpassuit ilinniassavatit, tassa peqitsineq qiortaanerlu, qillerineq tukkaanerlu kiisalu sanaanik assigiinngitsunik qinniliorneq.

Ilinniagaq
Ilinniartuuneq suliffimmi sungiusarluni imalt. Najukkami ilinniarfimmi aallarnisarluni aallartittarpoq. Tamanna pereerpat ilinniartut Saviminilerinermik Ilinniarfimmi sap.ak. 8-ni siullermeertumik ilinniariartortoqassaaq.

Ima ingerlasarpoq
Motoorilerisunngorniatut ilinniarneq atuarfimmiittarnermik sungiusarnermillu paarlakaasuuvoq. Tunngaviusumi ingerlanermi ilinniarfimmiittarneq sap.ak. 8 + 12-nik sivisussuseqarpoq, taaguuteqarlutillu GF1 aamma GF2. Ilinniarnerup ingerlaqqinnerani sisamariarluni ilinniarfimmiittarneq sap.ak. katillugit 35-nik sivisussuseqarpoq, taakkualu taaguutigaat H1, H2, H3 aamma H4.
Ilinniarfimmiittarneq: Saviminilerinermik Ilinniarfiup motoorilerisutut ilinniarneq tamaat ingerlattarpaa.
Ilinniarneq aatsaat aallartinneqartarpoq ilinniartussat ikinnerpaamik arfiniliugaangata amerlanerpaagaangatalu 14-isinnaallutik. Arfinilinnik ikinneruppata Danmarkimi ilinniarfimmut suleqatitsinnut nuunneqarsinnaapput, tassanilu ilinniartup ilinniarnermi sinnera ingerlatissallugu.

Ilinniarnermi sammisassat
Aallartinnermi tunngaviusumik ilinniassavatit umiarsuup atortuinik aserfallatsaaliineq, nillataartitsivilerineq, innaallagisserineq, naqitsinernik ingerlatilinnik suliaqarneq, umiarsuup motooriinik ilinniarneq. Ilinniarnerup ingerlaqqinnerani tunngaviusunik ilinniagassaapput allamiut oqaasii, qallunaatut, uumaatsulerineq kiisalu sanaartukkanik pitsanngorsaaneq, sanaartukkat sullissinerlu.

Nalinginnaasumik ilinniagassat tassaapput; titartakkanik paasinnissinnaaneq, kissassuseq atorlugu katiterineq, killuineq sanarfiinerlu, maskiinat assallu atorlugit suliaqarneq, agiarluni sananeq, ikkussueriaatsit, iluarsaariaatsit aamma aserfallaatsaalioriaatsit kiisalu umiarsuarni atortut.

Immikkut itisilerlugit ilinniagassat tassaapput: umiarsuarni atortut, ingerlatsineq aamma umiarsuup atuitui aserfallatsaalinerilu.

Motoorilerisup nammineq itisiligassatut qinigassai tassaaput, kissassuseq atorlugu katiterineq, innaallagissamoortut toqqammavigalugit ilusilersueriaatsit sanaartoriaatsillu.

Ilinniartunngorniaraanni Najukami ilinniarfimmiit imalt. kommunep kulturikkut ilinniartitaanermullu allaffeqarfikkut (KUF) imalt. suliffissarsiuussisarfimmiit qinnuteqartoqassaaq.

Karakteerinik 13 skala atorlugu misilitsinnikunut piumasaqaatit
Meeqqat atuarfianni 11. klassemi soraarummersimanissaq piumasaqaataavoq minnerpaamik karakterigalugit qallunaatut 6, kisitsinermi 7, fysik 6 aamma tuluttut 6 assigisaanilluunniit piginnaasaqarneq.

Karakteerinik ECTS-skala atorlugu misilitsinnikunut piumasaqaatit
Meeqqat atuarfianni 10. klassimi soraarummeernissaq piumasaqaataavoq minnerpaamik karaktereralugit qallunaatut E, kisitsinermi D, fysik E aamma tuluttut E assigisaannilluunniit piginnaasaqarneq.

Ilinniartutut tigusaanissamut piumasaqaataavoq suliffimmik sungiusarfeqarneq. Suliffimmik sungiusarfissaqarnissaq ilinniartup nammineq akisussaaffigaa, ilinniarfiup Najukkamilu ilinniarfiup ilinniartup sungiusarfissamik nassaarniarnerani ikiorsinnaavaa. Ilinniartoq sungiusarfissaqanngikkuni, atuarfimmi sungiusarnissaminut qinnuteqarsinnaavoq.

Ilinniarnerup agguataarneqarnera
Saffiuutut ilinniarneq ukiunik 4-nik sivisussuseqarpoq, taakkunani sap.ak. 55-it ilinniarfimmi ingerlanneqarlutik.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniagaq ingerlaavartumik aallartittarpoq

Neqeroortoq
KTI

Aningaasaqarneq
Qanoq sivisutigisumik sulisimaneq ukiut, aamma tapit naapertorlugit ilinniartutut akissarsiaqassaatit.

Suliffimmik misiliinermi pissutsit
Suliffinni misiliiffissamik nassaareersimanissamut piumasaqaateqanngilaq.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat/ Suliffiusinnaasut
Biilinik niuerfinni biilileriffinnilu sulisinnaassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
https://www.kti.gl/kl/ilinniarfissat/saviminilerinermik-ilinniarfik/mekanikki/biilinik-iluarsaasartoq

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.