Svejserisoq

Svejserisoq sulerisarnersoq taaguutaata ersersippaa.

Svejserisup suliassat saviminiusut killortarpai naammattusaarlugit kingornalu svejserlugit nipititertarlugit.

Svejserisoq umiarsualiorfinni allanilu suliffeqarfinni saffiorfinnilu svejserinermik suliaqarfiusuni suliffeqarpoq. Uani suliaasartut savimerngit issusuut pineqarput aammali savimerngit immikkut piginnaasallit issunerusut saannerusullu pineqarput.

Suliassat suliarineqarnissaannut piumasaqaatit sakkortusiartortillugit suliat misissorneqartarnerini malittarisassat sukanganeruleriartortarput, taamaattumik svejserisartut piumasaqarfigineqarput svejserisinnaanermut allagartaqassasut.

Svejserisinnaanermut allagartaq takutitsivoq svejsereriaatsimik sorlermik svejserisartoq suliaqarsinnaanersoq; allagartaq ukiut marlukkaarlugit nutarterneqartartussaatitaavoq.

Ilinniassavatit svejserineq, peqititerineq killuinerlu, putoorineq, ilanngarterineq tukkaanerlu kiisalu saffiugassat assigiinngitsut qinniliortarlugit.

Svejserisup suliassat assigiinngitsut suliassartaat suliarisarpai naammassigaangamigillu katitertarlugit.

Ilinniagaq

Ilinniartuuneq suliffimmi sungiusarluni imalt. Najukkami ilinniarfimmi aallarnisarluni aallartittarpoq. Tamanna pereerpat ilinniartut Saviminilerinermik Ilinniarfimmi sap.ak. 8-ni siullermeertumik ilinniariartortoqassaaq.

Ima ingerlasarpoq
Svejserisunngorniap ilinniartitaanera ingerlanneqassaaq ilinniarfik aamma suliffimmi sungiusarfik nikerartillugit.

Tunngaviusumik ingerlanermi atuartitaanertaa sapaatip-akunnerini 8 + 12-nik sivisussuseqarpoq, taaneqartarlutillu GF1 aamma GF2.

Itinerusumik ingerlanermi atuartitaanerit marluk katillugit sapaatip-akunneri 20-upput, taaneqartarlutillu H1, H2.

Ilinniarfimmiittarneq
Saviminilerinermik Ilinniarfiup atuartitaaneq tamakkiisumik tigummissavaa, svejserisunngorniat naaammassinissaat anguniarlugu.

Ilinniarfimmi svejserisunngorniat aallartissinnaapput qinnuteqartut ikinnerpaaamik arfinilinnik amerlassuseqarpata; amerlanerpaamik 14-inut inissaqarpoq.

Arfinilinnit ikinnerussagaluarpata qinnuteqartut Danmarkimi suleqativut ikioqatigalugit ilinniarneq tamakkerlugu ingerlatinneqarsinnaavoq.

Ilinniarnermi sammisassat
Tunngaviusumik ilinniartitaanermi sammisassat aalajangersimasut assigiingitsut sisamaapput, tassaallutillu:

Maskiinanik aammalu assassorluni sakkunik nalunngisaqarnissaq, sullivimmi avatangiisit aamma svejserilluni sulinermi isumannaallisaanerit sianigisassallu (saviminernik manngertorniuitsunik suliaqarnermi) Termisk atorlugu katiterineq kiisalu atortussanik sanaartuineq.

Itinerusumik ilinniartitaaneq imaqarpoq: qallunaatut oqaasilerineq, pinngortitalerineq, inuiaqatigiilerineq, suliassanik inerissaaneq, suliassanik suliarinninneq aammalu atortunik aserfallatsaaliineq, savimerngit sananeqaataanik ilisimasaqarneq.

Områdefagit tassaapput suliassanik killuineq aamma naammaguttunngorsaaneq, maskiinat atorlugit killuineq aamma assaat atorlugit killuutinik ingerlatsineq, maskiinanik immerneqareerlutik nammineq ingerlasunik sulineq, uuttortaariaatsit, titartakkanik paasinninneq uppernarsaasersuisarnerlu, ikkussuisarneq periutsillu kiisalu katitereriaatsit.

Immikkut ilinniagassat tassaapput: titartakkanik suliarinninneq aamma titartarneqarsimasunik ilisarinnissinnaaneq, termiski atorlugu katitsineq, maskiinat atorlugit sulineq, taakku nammineq ingerlasuupput immerneqaareeraangamik, suliassanik killuineq naammaguttunngorsaanerlu kiisalu katiterineq isaterinerlu.

Ilinniartunngorniaraanni Najukami ilinniarfimmiit imalt. kommunep kulturikkut ilinniartitaanermullu allaffeqarfikkut (KUF) imalt. suliffissarsiuussisarfimmiit qinnuteqartoqassaaq.

Karakteerinik 13 skala atorlugu misilitsinnikunut piumasaqaatit
Meeqqat atuarfianni 11. klassemi soraarummersimanissaq piumasaqaataavoq minnerpaamik karakterigalugit qallunaatut 6, kisitsinermi 7, fysik 6 aamma tuluttut 6 assigisaanilluunniit piginnaasaqarneq.

Karakteerinik ECTS-skala atorlugu misilitsinnikunut piumasaqaatit
Meeqqat atuarfianni 10. klassimi soraarummeernissaq piumasaqaataavoq minnerpaamik karaktereralugit qallunaatut E, kisitsinermi D, fysik E aamma tuluttut E assigisaannilluunniit piginnaasaqarneq.

Ilinniarnermik aallartitsinissamut piumasaqaataavoq ilinniartup sungiusarfissaqareernissaa. Ilinniartup nammineq akisussaaffigaa sungiusarfissarsinissani. Atuarfik / ilinniarfik aamma Najukkami Ilinniarfik ilinniartoq sungiusarfissarsiornerani ikiuussinnaavoq.

Qinnuteqartoq suliffimmik sungiusarfissamik nassaarsinnaanngikkuni ilinniarfimmi sungiusarnissaminut qinnuteqarsinnaavoq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniagaq ingerlaavartumik aallartittarpoq

Neqeroortoq
KTI

Aningaasaqarneq
Qanoq sivisutigisumik sulisimaneq ukiut, aamma tapit naapertorlugit ilinniartutut akissarsiaqassaatit.

Suliffimmik misiliinermi pissutsit
Suliffinni misiliiffissamik nassaareersimanissamut piumasaqaateqanngilaq.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat/ Suliffiusinnaasut
Biilinik niuerfinni biilileriffinnilu sulisinnaassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
https://www.kti.gl/kl/ilinniarfissat/saviminilerinermik-ilinniarfik/mekanikki/biilinik-iluarsaasartoq

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.