Terminalinngorniarneq

Assartugalerisoq teknologi nutaaq malillugu sulisinnaassuseqarpoq – sullivimmi eqqorluartumik sulinissaq, pitsaassutsinut isumannaassutsinullu tunngasunik malinnaanermigut. Tamakkunanilu suliaqarnermini paasisimasariaqarpai maskiinat, quersuit, umiarsuit timmisartullu minnerunngitsumillu angallassinermi ingerlaatsit ineriartortuarmata.

Ilinniartuunerup nalaani uppernarsaatit makku pissarsiarineqassapput; biilersinnaanermut, kivittaatit ajassaataasalinnut, kranersinnaanermut, assartukkanut ulorianartunut passussisinnaanermut pikkorissarsimanermullu uppernarsaatit assigiingitsut sungiusaatigalugu suliffigisami naammassinissaanut pisariaqartinneqartut.

Ilinniaqqinneq

1. Ilinniartut suliffimmik sunngiusarlutik imaluunniit sumiiffimmi inuussutissarsiornermik ilinniarfiup ilisarititsilluni ingerlatsinerani aallartissapput.
2. Kingorna ilinniartut Saviminilerinermik Ilinniarfiup qitiusumik ilinniarfiani aallartissapput, sapaatip akunneri arfineq pingasut sivisussusilimmik.

Ingerlarnga imaassaaq
Assartugalerisutut ilinniarnermi atuarfimmiinneq aamma suliffimmut sungiusarneq paarlakaanneqassapput. Tunngaviusumik ilinniarnermi atuarfimmiinnissaq GF1-imik aamma GF2-mik taaneqartartut sapaatip akunneri 8+12-inik sivisussuseqarput. Pingaarnertut atuarfimmiinnerit pingasuupput, katillugit sapaatip akunnerinik 29-nik sivisussuseqarlutik. H1, H2 aamma H3 taaguuteqartinneqartut

Atuartitaaneq pingasunik immikkut sammisassaqarpoq, aammalu quersuarmi ikiortitut ilaannakortumik piginnaasaqalersitsilluni:

1. Umiarsualivimmi assartugalerisoq - Saviminilerinermik Ilinniarfimmi ingerlanneqassaaq
2. Mittarfimmi assartugalerisoq - Saviminilerinermik Ilinniarfimmi ingerlanneqassaaq
3. Peqqumaasivinni angallassinermilu sullissisoq tunngaviusumik atuarnerup aallartinnerani peqataareernermi ilinniarneq Danmarkimi ingerlanneqassaaq.

Quersuarmi ikiortitut ilinniagaq tunngaviusumik atuarnerup aallartinnerani peqataareernermi ilinniarneq Danmarkimi ingerlanneqassaaq.
Eqimattakkaat minnerpaamik inuit arfiniliuppata aatsaat atuartitaanerit aallartinneqarsinnaasarput. Eqimattat arfinillit inorlugit inuttallit Danmarkimi atuarfimmut suleqatigisamut nuunneqarsinnaasarput ilinniartullu ilinniarnermik sinnerani tassani atuassallutik.

Ilinniarnermi aqqusagassat
Sullivimmi avatangiisit, sanaartukkanik pitsanngorsaaneq, sanaartukkat sullissinerlu, ikiueqqaarneq, tunngavisumik nalinginnaasumik qatserineq, qarasaasialerineq, uummaatsulerineq, qallunaatoorneq, angallannermut ilitsersuinissamut paasissutissiineq, qamutip sananeqarnera, aserfallatsaaliineq motoorilerinerlu, sullitanik sullissineq, pilersaarusiorneq toqqorsiviillu, nalinginnaasumik qarsorsaasarneq, ilivitsukkaani usilersuineq kiisalu usilersuineq sukarterinerlu, suliamut tunngassutilinnik paasisimasaqarneq, paasisitsinerit kivittaammut ajassaataasalimmut B-mut, assartukkat ingerlaariaasii, assartuinermilu kivitseriaatsit.

Pineqaatissinneqarsimanermut uppernarsaammik piumasaqaatitaqarpoq.

Ilinniartunngorniaraanni Najukami Ilinniarfimmiit imalt. kommunep kulturikkut ilinniartitaanermullu allaffeqarfikkut (KUF) imalt. suliffissarsiuussisarfimmiit qinnuteqartoqassaaq.

Karakteerinik 13 skala atorlugu misilitsinnikunut piumasaqaatit
Meeqqat atuarfianni 11. klassemi soraarummersimanissaq piumasaqaataavoq minnerpaamik karakterigalugit qallunaatut 6 aamma kisitsinermi 7.

Karakteerinik ECTS-skala atorlugu misilitsinnikunut piumasaqaatit
Meeqqat atuarfianni 10. klassimi soraarummeernissaq piumasaqaataavoq minnerpaamik karaktereralugit qallunaatut E aamma kisitsinermi D.

Ilinniartoq 17½-nik ukioqalereersimassariaqarpoq biilinik angalasinnaanermut allagartamik GF1-ip naggataani pissarsisinnaaniassagami. Pineqaatissinneqarsimannginnermut uppernarsaattaaq piumasaqaataavoq.

Ilinniartutut tigusaanissamut piumasaqaataavoq suliffimmik sungiusarfeqarneq. Suliffimmik sungiusarfissaqarnissaq ilinniartup namminneq akisussaaffigaa, ilinniarfiup Najukkamilu Ilinniarfiup ilinniartup sungiusarfissaanik nassaarniarnerani ikiorsinnaavaa.

Ilinniarnerup agguataarneqarnera: Ilinniarneq ukiunik 3-nik sivisutigaaq. Quersuarni ikiortitut ilinniarneq ukiunik 1½ -nik sivisussuseqarpoq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniagaq ingerlaavartumik aallartittarpoq

Neqeroortoq
KTI

Aningaasaqarneq
Qanoq sivisutigisumik sulisimaneq ukiut, aamma tapit naapertorlugit ilinniartutut akissarsiaqassaatit.

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.

Siunissami periarfissat / Suliffiusinnaasut
Quersualerinermik suliaqarsinnaassaatit.
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
https://www.kti.gl/kl/ilinniarfissat/saviminilerinermik-ilinniarfik/assartuineq-logistikkilu/assartugalerisoq

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.