Ruujorilerisoq

KTU suliamut ilinniagaqarsimasoq VVS-nukissiuutinik ikkussuisartoq

Ruujorilerisutut sulinerup iluani annertuumik teknikkikkut ineriartorfiusimavoq, Taamaammat ilinniartitaaneq tamatigoortuuvoq. Ruujorilerisup suliassaassa ilagaat imermut atassusiinerit, kiassaatinik aammalu anartarfinnik ikkussuinerit soorlu erngup aqqutissaanik ledningilersuinerit, kissarsuutinik ikkussuinerit aammalu anartarfinnut kuuffiliornerit.

Aamma assersuutitut ruujorilerisup makkua suliarisinnaavai

• silap qanoq issusaanut uuttortaatinik aammalu silaanarissarfinnik ikkussuinerit
• qalissialersuinermut atatillugu saviminernik ikkussuinerit aammalu silaanarissarfilersuinerit
• saffiugaq
• ruujorilerisut sullivianni aaqqissuusinerit aserfallatsaaliinerillu

Piumasaqaatit piumasaqaataasut

Issittumi sanaartornermik sulialik suliamik ilinniagaqarsimasutut sulisoq, peqqissaartuusariaqarpoq sukumiisuullunilu kiisalu piffissap ilarujussua silami sulerusussuseqartariaqarpoq. Tamatuma saniatigut nukittulluartoq timikkullu peqqissoq.

Ilinniartitaanerup ilusilersornera imarisaalu
Illoqarfigisami tunngaviusumik atuarfigisami faagit nalinginaasut atuartitsissutigineqartartut tassaapput kisitsineq/namminersortutut aningaasaqarneq, attaveqatigiinneq aammalu ikiueqqqaarneq, ataatsimut atuagarsornerit soorlu: matematikki, ilusitsinik naatsorsuuserineq, titartaanermut ilinniarneq, isumannaallisaaneq aammalu sulliivimmi isumannaallisaaneq immikkullu faagit suliassartai.

Sanaartornermik Ilinniarfimmi tunngaviusumik faagit atuartitsissutigineqartartut tassaapput matematikki, atortussanik ilinniarneq, kisitsineq/teknikki atorlugu uppernarsaasiorneq, sulissamut paasinnissinnaaneq teknologilu atorlugu ineriartortitsineq aammalu teknikki atorlugu tuluttoorneq, faagit ilinniakkamut tunngasut tassaapput illup iluani ikkussuinerit, elektricitetip aqqutaanut uiguliuttakkanik suliaqarneq, saviminertassanik suliaqarneq, saviminernik nipititerineq aqerlorterinerlu, teknikki atorlugu assiaqusersuineq, ikuallaariaatsineq ilinniarneq, silaanarissarfinnik qalissialersuinermullu suliaqarneq, innaallagissap qanoq atornissaanut ilinniarneq, kissarsuuserinerup atuagarsornertaa qanorlu aqunneqarnissaa, aaqqissuusineq aammalu ajoqutinik misissuineq.

Misilitsinnerit
Tamatigut atuarfimmiinnermi naggataarutaasumik misilitsittoqartarpoq tassanilu angusisimanissaq piumasaqaataavoq tullissaani atuarnissamut isissutissaammat.
Ilinniarneq naggatarutaasumik misilitsiffiulluni naamassineqartarpoq.
Sungiusaamik sulineq, piffissat atuarfiusut, akunnerit atuarfiusut il.il.

Ukiumi atuarfiusumi siullermi sap.ak. marluk aallarnisaataasumik atuareernerup kingorna nunap immikkoornera naapertorlugu ukiup ingerlanerani sap.ak.18-nit atuartinneqassapput.
Ilinniarneq nikerartumik sungiusaamik sulinermik aammalu illoqarfigisami tunngaviusumik atuarfimmi aammalu Sanaartornermik Ilinniarfimmi atuarnermik ingerlanneqartarpoq. Ukiut marluk sisamat akornanni nikerartumik sungiusaamik sulinermik aammalu katillugit sisamariarluni Sanaartornermik Ilinniarfimmi atuarnermik sap.ak.qulit, aqqanik marluk, qulingiluat aammalu qulingiluat ilinniarneq ingerlanneqartarpoq.

Ilinniakkap qaffassarnissaannut periarfissat: Byggeteknikeri, VVS-teknikeri, Sanaartugassanik titartaasartoq

Suliffimmi sungiusarneq, atuarfimmiinneq, akunnerit il.il.
Ilinniarnermi suliffimmut sungiusarneq aamma atuarfik paarlakaanneqassapput.
Ilinniarnerup ukiuani siullermi, sapaatip akunneri marluk ilisarititsereernerup kingorna katillugit sapaatip akunnerini 18-ini KTI Bygge- Anlæg-imi atuartoqassaaq.
Ukiut 2-4 suliffimmi sungiusarnermik kiisalu tunngaviusumik ilinniarfimmiinnernik sap. ak. 10, 12, 9 aamma 9-ni ingerlanneqartartunik paarlakaasoqassaaq.
Inaarutaasumik misilitsinneq atuarfimmiinnerit sisamassaanni sap. ak. kingulliit marluk ingerlanneqartarpoq.

Atuarfitsialak aqqutigalugu ukiut 10-ni atuarsimanissaq kingunerisaanillu misilitsisimanissaq misilitsinnermi karakterit 6 minnerpaaffigalugu (13 skala), maleruagassallu nutaat naapertorlugit karakter E (GSS-skala), anguneqarsimassalluni fagini ukunani kalaallisut, qallunaatut aamma matematik.

Meeqqat atuarfianni ukiut 11-ni atuarsimanissaq, misilitsisimanissaq FSA aamma FSUA karakteri 6 (13 skala) minnerpaaffigalugu.

Piareersarfik aqqutigalugu ninnerpaamik anguneqarsimassalluni karakteri E (GSS-skala).

Qinnuteqartup qulaani taaneqartut naammassisimanngikkunigit, atuarfiup ilinniartitaanermut ataatsimiitsiliaataa qinnuteqaata tamakkiisumik nalilersoriarlugu qinnuteqaat akuerisinnaasarpaa.

Qinnuteqaateqartoq ilinniakkamik aallartinnginnerani sulinissamut sungiusarfissamik isumaqatigiissummik atsiorsimassaaq.

Aammattaaq tunngavissalimmik suliassanut angusisimanissaq.

Ruujorilerisutut sulinermi pingaaruteqarpoq peqqissaarluaqqissaarnissaq aammalu kisitsisit allattariarsornerullu tungaatsigut pikkorissuunissaq. Tamatuma saniatigut timikkut nukittuujusariaqarpoq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniagaq ingerlaavartumik aallartittarpoq

Neqeroortoq
KTI

Aningaasaqarneq
Qanoq sivisutigisumik sulisimaneq ukiut, aamma tapit naapertorlugit ilinniartutut akissarsiaqassaatit.

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.

Siunissami periarfissat / Suliffiusinnaasut
Sanaartornerup iluani sulisinnaassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
https://www.kti.gl/kl/ilinniarfissat/Sanaartornermik-Ilinniarfik/ruujorilerisoq

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.