Inersimasutut ilinniartoq, sanasoq

KTI Sanasutut ilinniarneq
Sanasutut aamma pequsiortutut ilinniarneq marlunngorlugu avinneqartarnikuugaluarpoq. Sanaartornermi suliaqarnerup teknikikkut ineriartornerata kingunerisaanik ilinniagassat ataatsimoortinneqarsimapput ilinniarneq siammasinnerusunngorlugu.
Sanasutut ilinniarsimasutut suliassanut ilaapput nutaanik illuliornerit angisuut, mikisullu. Suliassanut aalajangersimasunut assersuutissat tassaapput natit, iikkat, illup qaliassai, tummeqqat, kiisalu illut toqqavissaasa suliarineqarneri, aserfallatsaaliuinermi suliassanut ilaapput illunik ingutserineq, sanaqqinneq skaavinnik, igaffinnillu ikkussuineq il.il.

Piumasaqaatit piumasaqaataasut
Siornatigut sanasutut/pequsiortutut ilinniagaqarnerit assigiingitsunut marlunnut sammitinneqarnikuupput.
Ilinniartitaanerup ilusilersornera imarisaalu

Kisiannili sanaartornerup iluani teknikkikkut ineriartornerup ilutigisaanik ilinniagaqarfiit taakku marluk ataatsimut katinneqarsimapput tassani siunertaalluni annertunerusumik ilinniagaqarnermi angusaqarnissaq. Sanasutut/pequsiortutut ilinniagaqarsimasup suliassarai illussanik angisuunik mikisunillu sanaartorneq taamatullu aamma illut iluisa silataasalu suliarineqarneri.
Piviusumik suliassat assersuutitut soorlu makkuupput: natilersuineq, iigalersuineq qalialersuinerillu taamatullu aamma majuartarfiliornerit, toqqaviliornerit, illut aserfallatsaaliorneqarnissaannut atatillugu iluarsartuusinerit aammalu nutarterinerit, sikaavilersuinerit, iggaviliornerit il.il.

Piumasaqaatit pikkunarsinnaasut
Sanasuuniaraani timikkut nukittuussariaqarpoq aammalu silami sulisarnissaq naatsorsuutigisariaqarpoq. Ilinniartitaanerup ilusilersornera imarisaalu. Atuagarsornerup imaa: Illoqarfigisami tunngaviusumik atuarfimmi faagit nalinginnaasut atuartitsissutigineqartartut tassaapput kisitsineq/nammineq aningaasaqarneq, attaveqatigiinneq aammalu ikiueqqaarneq, ataatsimut atuagarsornerit tassaapput matematikki, ilutsinik naatsorsuuserineq, titartaanermut ilinniarneq, isumannaallisaaneq aammalu sullivimmi isumannaallisaaneq immikkullu ilinniakkamut faagit suliassartai. Sanaartornermik Ilinniarfimmi atuarnermi tunngaviusumik faagit atuartitsissutigineqartartut tassaapput teknologi atorlugu attaveqatigiittarneq, ilusilersuineq qalipaatilersuinerlu aammalu suliffeqarfilerineq, faagit ilinniakkamut tunngasut tassaapput sannatit atornissaanut ilinniarneq, titartaanermut ilinniarneq, sannavimmi sulineq, sanaartugassanik titartaaneq, titartaariaatsinik ilinniarneq, majuartarfiliornerit, sannavimmi sulineq aammalu inatsisilerinermut ilinniarneq.

Misilitsinnerit
Tamatigut atuarfimmiinnermi naggataarutaasumik misitsittoqartarpoq tassanilu angusisimanissaq piumasaqaataavoq tullissaani atuarnissamut isissutissaammat. Ilinniarneq naggataarutaasumik misilitsiffiulluni naamassineqartarpoq.

Sungiusaamik sulineq
Ukiumi atuarfiusumi siullermi sap.ak. marluk aallarnisaataasumik atuareernerup kingorna nunap immikkoornera naapertorlugu ukiup ingerlanerani sap.ak.18-nit atuartinneqassapput. Ilinniarneq nikerartumik sungiusaamik sulinermik aammalu illoqarfigisami tunngavisumik atuarfimmi aammalu Sanaartornermik Ilinniarfimmi atuarnermik ingerlanneqartarpoq. Ukiut marluk sisamat akornanni nikerartumik sungiusaamik sulinermik aammalu katillugit sisamariarluni Sanaartornermik Ilinniarfimmi atuarnermik sap.ak.qulit, aqqanik marluk, qulingiluat aammalu qulinguluit ilinniarneq ingerlanneqartarpoq.

Suliffimmi sungiusarneq, atuarfimmiinneq, akunnerit il.il.
Ilinniarnermi suliffimmut sungiusarneq aamma atuarfik paarlakaanneqassapput.
Ilinniarnerup ukiuani siullermi, sapaatip akunneri marluk ilisarititsereernerup kingorna katillugit sapaatip akunnerini 18-ini KTI Bygge- Anlæg-imi atuartoqassaaq.
Ukiut 2-4 suliffimmi sungiusarnermik kiisalu tunngaviusumik ilinniarfimmiinnernik sap. ak. 10, 12, 9 aamma 9-ni ingerlanneqartartunik paarlakaasoqassaaq.
Inaarutaasumik misilitsinneq atuarfimmiinnerit sisamassaanni sap. ak. kingulliit marluk ingerlanneqartarpoq.

Kina inersimasutut ilinniarsinnaanersoq

30-nik ukioqalereerpit, inuutissarsiornermullu tunngasutigut naleqquttunik misilittagaqartuullutit, sivikinnerpaamik ukiuni pingasuni piffissaq tamaat sulisarnikkut misilittaqarlutit? Taava inersimasutut ilinniartitsisarneq atorlugu allagartartaarsinnaavutit.

Inersimasunik ilinniartitsisarneq aqqutigalugu ilinniartunngorusukkuit uunnga qinnuteqassaatit, Teknikimik Ilinniarfik, Postboks 1001, 3911 Sisimiut.

Qinnuteqarnermi ullunik killiliiffeqanngilaq, imaappoq ukioq naallugu qinnuteqartoqarsinnaavoq.

Ilinniarniakkamut piumasaqaatit naammassineqarsimanissaat ajunnginnerpaajussaaq, KISIANNI piumasaqaataanngilaq, inuutissarsiornermullu tunngasutigut naleqquttunik misilittagaqarsimaneq apeqqutaalluni.

Atuagarsorsimanermik sulisitsisullu naleqquttumik sivikinnerpaamik ukiunik pingasunik suliaqarlutit misilittagaqarsimaninnik allagartanik ilanngussaqassaatit.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniagaq ingerlaavartumik aallartittarpoq

Neqeroortoq
KTI

Aningaasaqarneq
Qanoq sivisutigisumik sulisimaneq ukiut, aamma tapit naapertorlugit ilinniartutut akissarsiaqassaatit.

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit .Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat / Suliffiusinnaasut
Sanaartornerup iluani sulisinnaassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
https://www.kti.gl/kl/ilinniarfissat/Sanaartornermik-Ilinniarfik/sanasoq-sisimiut

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.