Cykel, knallert aamma motorcykelmekanikeri

Ilinniarnermi cykelinik, knallertinik, scooterinik aammalu motorcykelinik nakkutilliillutillu aaqqissuisinnaanissat ilinniassavat.

Cykel- aamma motorcykelmekanikerisut nakkutilliineq, aaqqissuineq cykelinilu atortorissaarutinik assigiinngitsunik assersuutigalugu gearinik, unissutaanik aquutaanillu aaqqissuineq ilinniassavat.
Cykelmekanikerisut cykelinik assigiinngitsunik ilisimasaqarnerulissaatit, tamatumanilu cykelit innaallagiartortut.

Knallertmekanikerisut aammalu motorcykelmekanikerisut motorit assigiinngitsut ilinniagaqarfigissavatit, tamatumanilu motorit innaallagiartortut. Qarasaasiatigut atortunik ilinniagaqassaatittaaq soorlu ass. instrumentpanelit, sukkassummik, kaajallatitsisimanerit aammalu aarlerisaarutinik takutitsisartut.

Cykel- aamma motorcykelmekanikereq nammineq sannavimmik suliffeqarfimmillu pilersitsisinnaavoq imaluunniit sullivimmi suliffeqalerluni.

Cykel- aamma motorcykelmekanikerisut ilinniarnerup tunngaviusumik cykelit, knallertit aammalu motorcykelit qanoq sananeqaateqarnerinik qanorlu atortorissaarutit aaqqissuussaanerillu ataqatigiinnerat paasisaqarfigalugit ilinniagaqarfigissavatit.

Unittaatinik, gearinik aammalu instrumentpanelinik, kukkunersiorneq aaqqissuinerlu, pisariaqarpallu atortunik aaqqissuineq imaluunnit taarsiineq ilinniassavat.

Ilinniarnermi allorfiit immikkullu ilinniakkat

Knallertmekanikerisut (allorfik 1) imaluunniit cykelmekanikerisut (allorfik 2) imaluunniit motorcykelmekanikerisut naammassisinnaavutit (allorfik 2).

• Knallertmekanikeri: Knallertinik aaqqissuussinissaq ilinniassavat. Ikittaatit, olie aammalu nakkartitsivinnik taarsiisarneq aammattaaq taniineq aaqqissuinerlu ilinniassavat.
• Cykelmekanikeri: Ilaatigut misissuineq, aaqqissuineq aammalu unittaatinik, gearinik assakaasunillu taarsiineq ilinniassavat. Aammattaaq cykelinik innaallagiartortunik suliaqarnissat ilinniassavat aammattaaq katiterineq assakaasuliornerlu.
• Motorcykelmekanikeri: Ilaatigut cykelip aaqqissuussaaneranut assersuutigalugu geari, unittaatai, innaallagiartortui il.il. misissorsinnaanissai ilinniassavat. Taamatuttaaq motorinik assigiinngitsunik peqqissaartumik ilisimasaqarnerulissaatit.

Cykelini, knallertini aammalu motorcykelini ineriartortoqartuarneranut malinnaasinnaanissannut piareersimasariaqarputit.

Inuussutissarsiutigalugu tunngaviusumik ilinniarnermut tigusaanissamut piumasaqaateqarpoq. Pingaarnertut ilinniarnermut ingerlariaqqikkusukkaanni ikaarsaarnermut aalajangersimasunik naammassisimasassanik piumasaqaateqarpoq.

Tunngaviusumik ilinniarnermut tigusaanissamut piumasaqaatit

Inuussutissarsiutigalugu tunngaviusumik ilinniarnermut tigusaaniaruit piumasaqaatinik naammassinneqqaartariaqarputit:

• Meeqqat atuarfiat naammasseqqaarsimasariaqarpat imaluunniit allamik assigusumik naammassinnissimasariaqarputit.
• 9. imal. 10. klasse-mit Danskimi Matematikkimilu naammassinninnermi misilitsinnermi allamiluunniit assigusumi naammassinninnermi inaarutaasumik agguaqatigiisillugu minnerpaamik 2,0 angusimasariaqarpat

9. imal. 10. klasseminngaanneeruit, ilinniarnissamut piareersimasutut nalunaarsorneqaqqaarsimassaatit aammalu studievalgsportfoliot qinnuteqaatinnut ilanngullugu optagelse.dk aqqutigalugu nassiussimassavat.

Suliffeqarfimmik ilinniarfissatut isumaqatigiissuteqaruit inuussutissarsiutigalugu ilinniarnermut piumasaqaat naammassisimassavat. Taamaattorli ilinniartitaanermut peqataasarnissamut piumasaqaat aamma naammassisariaqarpat.

Malugiuk: Tunngaviusumik ilinniarnermi ingerlariaqqinnermi tigusaaniaruit ilinniarnissamut isumaqatigiissuteqaqqaartariaqassaatit imaluunniit aalajangersimasunut inissaatigineqartuni tigusaasimassallutit -

Pingaarnertut ilinniarnermut ikaarsaarnermut piumasaqaatit

Pingaarnertut ilinniarnermut aallartitsiniarnermi ilinniarnerlu naammassiniarnerani ilinniagassat ukua inaarutaasumik angusisimaffigineqarsimasariaqarput:

• Matematik E-niveaumi
• Engelsk F-niveaumi
• Piumasaqaatit ilinniakkanut ataasiakkaanut tunngasut

Tamatuma saniatigut tunngaviusumik ilinniarnermi uku naammassinnissimanermut allagartat pisimasariaqarpatit:

• Epoxymik aamma isocyanaterinik suliaqarneq
• Svejserinermi aammalu kissartumik killuinermi isumannaallisaaneq suliffimmilu pissutsit
• Inuussutissarsiutigalugu ilinniarnerni ikiueqqaarneq, angallannermut tunngatillugu ikiueqqaarneq ilanngullugu
• Nalinginnaasumik innermik akiuineq

Pingaarnertut ilinniarnermut aallartinniarnermittaaq ilinniartitaanissamut imaluunniit atuartitaanissamut isumaqatigiissutilioqqaarsimasariaqarputit.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit

Ilinniarnermik aallartiffik
Ilinniarneq januar aamma augustimi aallartittarpoq

Neqeroortoq
Next KBH imaluunniit Media College Denmark

Aningaasaqarneq
Qanoq sivisutigisumik sulisimaneq ukiut aamma tapit naapertorlugit ilinniartutut akissarsiaqassaatit.

Suliffimmik misiliinermi pissutsit
Tamatuma sanatigut tigusaarusukkuit aallaavittut suliffimmik sungiusarfissarsisimassaatit.

Siunissami periarfissat/suliffissat
Assigiinngitsutigut film, tv aamma nipilersornikkut, radio- aamma tv-stationini, ussassaarusiortarfinni imaluunniit AV-nilluunnit atortorissaarutinik atukkiisartuni suliffeqalersinnaaneq periarfissarilissavat. Suliaqarfiit annertunerusumik namminersortunit aallunneqakajuppoq. Ilinniarfik una ilinniariaqqinnissanut arlalinnut ingerlariaqqititsisinnaavoq.

Ilinniarnermut pilersaarut
Uani paasisaqarnerusinnaavutit: https://www.ug.dk/uddannelser/erhvervsuddannelser/teknologibyggeriogtransport/film-og-tv-produktionsuddannelsen

Suliap suliarineqarnera imaluunniit alla pillugu maalaaruteqarusukkuit ilinniarfik attavigissavat.