Elektronikfagteknikeri

Atortorissaarutinik innallaagiatortunik nutaanik ineriartortitsinermik suliaqarusuppit aammalu matematikimi programmerinngiinermullu pikkoriffeqarpit?

Elektronikfagteknikerisut atortunik innaallagiartortninik uuttortaanermut, nakkutilliinermut, aqutsinermut imaluunniit nalunaarsuinermut, assersuutigalugu attaveqaqatigiinnermut atortut, nakkutilliinermut atortussiat aammalu napparsimavimmi uuttortaatinik suliaqartassaatit.

Elektronikfagteknikerinik pikkorissunik ilaatigut sakkortooqarnermi, politiini, ilisimatusarnermi- aamma IT-p silarsuaani amingaateqartuaannarpoq, taamaammallu suliffimmik misiliiffissaqartarluni aammalu siunissami suliffissaqartuarluni. Aamma ilaatigut ingeniøritut, medicoteknikerisut imaluunniit udviklingsteknikerisut ilinniariaqqissinnaavutit.

Elektronikfagteknikerisut ilinniarnermi suliffimmik misiliiffissaqartuarpoq!
Ilinniarnerup sivisussusaa ukiuvit misilittagavillu annertussusaat aallaavigalugit nikerartarpoq.

9./10. klassip naammassineraniit ukioq ataaseq suli qaangiutinngila?
Tunngaviusumik ilinniarneq 1 (GF1), ukiup affaanik sivisussusilik aallartissavat. Tassani ilinniarnermut ingerlariaqqiffissat arfineq marluk assigiinngitsut toqqarsinnaavatit. Elektronikfagteknikerinngorniassaguit ilinniarfissaq GF1 Teknologi & Energi innersuupparput.

GF1 naammassigukku Tunngaviusumik ilinniarneq 2 (GF2) ukiup affaanik sivisussuseqartoq aallartissavat. Tamatuma kingorna pingaarnertut ilinniarneq ilinniarfimmi atuagarsornertalik suliffimmilu misiliinertalik ingerlatsissavat. Pingaarnertut ilinniarneq ukiunik sisamanik sivisussuseqarpoq.

9./10. klassi naammassineraniit ukiut marluk qaangiutereerpat?

Taamaappat GF1 allorlugu GF2 ukiup affaanik sivisussuseqartoq aallartissavat. GF2 kingorna pingaarnertut ilinniarneq ilinniarfimmi atuagarsornertalik suliffimmilu misiliinertalik ingerlatsissavat. Pingaarnertut ilinniarneq ukiunik sisamanik sivisussuseqarpoq.

25-it sinnerlugit ukioqarpit?
Taamaappat GF2 ukiup affaanik sivisussusilik aallartissavat. Tamatuma kingorna pingaarnertut ilinniarneq ilinniarfimmi atuagarsornertalik suliffimmilu misiliinertalik ingerlatsissavat. Ilinniarneq nalinginnaasumik ukiunik sisamanik sivisussuseqartarpoq, ilinniarnermili assingusumik ilinniagaqareersimaguit sulillutilluunniit misilittagaqareeruit sivikinnerusumik ilinniartuusinnaavutit.

• Meeqqat atuarfianni danskisut matematikkimilu inaarutaasumik misilitsinnermi agguaqatigiissillugit 02-mik angusaqarfigisimassavatit.
• Ilinniagaqarnermut isumaqatigiissuteqarsimaguit tamanna immikkut ittumik aaqqiissuteqarfigineqassaaq imaluunniit tamakkiisumik naliliinikkut tigusaasoqarsinnaalluni.
• Ilinniarnissamut optagelse.dk aqqutigalugu qinnuteqarsinnaavutit – imaluunniit uatsinnut saaffiginninnikkut.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit

Ilinniarnermik aallartiffik
Ilinniarneq januar aamma augustimi aallartittarpoq

Neqeroortoq
Next KBH imaluunniit Media College Denmark

Aningaasaqarneq
Qanoq sivisutigisumik sulisimaneq ukiut aamma tapit naapertorlugit ilinniartutut akissarsiaqassaatit.

Suliffimmik misiliinermi pissutsit
Tamatuma sanatigut tigusaarusukkuit aallaavittut suliffimmik sungiusarfissarsisimassaatit.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 4 aamma 5-imi inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Paasisaqarnerugit Ingerlaqqiffiusumik inersimasunik ilinniartitaanermi piginnaasat qaffasissusaat.

Siunissami periarfissat/suliffissat
Assigiinngitsutigut film, tv aamma nipilersornikkut, radio- aamma tv-stationini, ussassaarusiortarfinni imaluunniit AV-nilluunnit atortorissaarutinik atukkiisartuni suliffeqalersinnaaneq periarfissarilissavat. Suliaqarfiit annertunerusumik namminersortunit aallunneqakajuppoq. Ilinniarfik una ilinniariaqqinnissanut arlalinnut ingerlariaqqititsisinnaavoq.

Ilinniarnermut pilersaarut
Uani paasisaqarnerusinnaavutit: https://www.ug.dk/uddannelser/erhvervsuddannelser/teknologibyggeriogtransport/film-og-tv-produktionsuddannelsen

Suliap suliarineqarnera imaluunniit alla pillugu maalaaruteqarusukkuit ilinniarfik attavigissavat.